சபஹார்

இது ஓமன் வளைகுடாவில் அமைந்த சிறப்பு பொருளாதார மண்டல துறைமுக நகரம் ஆகும். பாகிஸ்தான் நாட்டின் குவாதர் துறைமுக நகரத்திற்கு மேற்கில் சபஹார் நகரம் 170 கிலோ மீட்டர் தொலைவில் உள்ளது. சபஹார் துறைமுக நகரத்தில் பெரும்பான்மையாக பாரசீக மொழியுடன் பலூச்சி மொழி பேசும்சுன்னி இசுலாமியர்கள் பாரசீக மொழியுடன் பலூச்சி மொழி பேசும் சுன்னி இசுலாமிய மக்கள் வாழ்கின்றனர்.

சபஹார் چابهار
துறைமுக நகரம்
சபஹார் ஈரானின் தென்கிழக்கில் சபஹார் நகரத்தின் அமைவிடம்
ஆள்கூறுகள்: 25°17′31″N 60°38′35″E / 25.29194°N 60.64306°E / 25.29194; 60.64306
நாடு	ஈரான்
மக்கள்தொகை (2016 கணக்கெடுப்பு)
• மொத்தம்	106,739
நேர வலயம்	ஈரானிய சீர் நேரம் (ஒசநே+3:30)
• கோடை (பசேநே)	கோடைக்காலம் (ஒசநே+4:30)
இணையதளம்	http://chabahar.ir/

சபஹார் நகரத்தின் துறைமுகம், ஈரான் நாட்டின் சுதந்திர பொருளாதார மண்டலமாக திகழ்கிறது. இந்தியப் பெருங்கடலுடன் ஈரானின் மிக நெருக்கமான மற்றும் சிறந்த தொடர்பு மையமாக சாபஹார் நகர துறைமுகம் உள்ளது. இக்காரணத்திற்காக இந்தியப் பெருங்கடல் மற்றும் மத்திய ஆசியாவின் வடக்குப் பகுதியில் அமைந்துள்ள நாடுகளிடையே போக்குவரத்து வழிகளை விரிவாக்கம் மற்றும் மேம்படுத்துவதன் மூலம் ஈரானின் கிழக்குப் பகுதியின் வளர்ச்சிக்கு மையப் புள்ளியாக சாபஹார் நகரம் உள்ளது.

 

ஆழ்கடல் சபஹார் துறைமுகத்தின் வளர்ச்சிக்கு இந்தியா தொழில்நுட்பம் மற்றும் பொருளாதார வகையில் பெரிதும் உதவுகிறது.சபஹார் துறைமுகம் வழியாக ஈரானின் எரி எண்ணெய் மற்றும் எரிவாயு ஆகியவற்றை இந்தியா இறக்குமதி செய்கிறது. 2014-இல் இந்திய அரசு சபஹார் துறைமுக மேம்பாட்டிற்கு $85 மில்லியன் டாலர் அளவிற்கு செலவு செய்துள்ளது. 2016-இல் சபஹார் துறைமுக வளர்ச்சிக்கு இந்தியா $500 மில்லியன் டாலர் அளவிற்கு நிதியுதவி செய்துள்ளது.இதன் மூலம் சபஹார் துறைமுகம் ஆழ்கடல் துறைமுகமாக மேம்பட்டுள்ளது. சபஹார் நகர துறைமுகம் வழியாக ஆப்கானிஸ்தான், நடு ஆசியா, உருசியா மற்றும் ஐரோப்பிய நாடுகளுக்கு நெடுஞ்சாலைகள் மற்றும் இருப்புப் பாதைகள் மூலம் சரக்குகளை கொண்டு செல்ல வசதி பெற்றுள்ளது. மேலும் பாரசீக வளைகுடாவில் உள்ள ஈரானின் பந்தர் அப்பாஸ் நகர துறைமுகத்துடன் இணைப்பு கொண்டுள்ளது.

•  
  சபஹார் சிறப்பு பொருளாதார மண்டலம்
•  
•  
  சபஹார் உணவு விடுதி
•  
•  
  பெரிஸ் துறைமுகம்
•  
•  
•  

• சபஹார் துறைமுகம்