Mnyoo-Bapa

Mnyoo-bapa
Mnyoo-bapa wa maji baridi (Planaria torva)
Uainishaji wa kisayansi
Himaya: Animalia Nusuhimaya: Eumetazoa (bila tabaka): Bilateria (bila tabaka): Prostomia Faila ya juu: Platyzoa Faila: Platyhelminthes Claus, 1887
Ngazi za chini
Catenulida Rhabditophora Macrostomorpha Trepaxonemata

Minyoo-bapa ni wanyama wanaofanana na minyoo, lakini wao hawana uwazi wa mwili (coelom). Kwa hivyo hawana ogani za mfumo wa mzunguko wa damu au za mfumo wa upumuaji na lazima mwili uwe bapa ili oksijeni iweze kuingia kwa mtawanyiko. Mwili wao una uwazi umoja, ule wa mmeng'enyo, lakini uwazi huu una kipenyo kimoja tu pamoja kwa umezaji na kwa utoaji.

Kuna minyoo-bapa ambao huishi kwa maji au kwa udongo. Kwa kawaida hawa hula wanyama wadogo lakini pia wanyama wakubwa kuliko wao wenyewe, kama konokono. Zaidi ya nusu ya spishi zote za minyoo-bapa ni vidusia, k.m. mategu. Hawa hufyonda virutubishi vilivyoyeyuka katika giligili za mwili wa mwenyeji.

•  
  Catenulida (Catenula lemnae)
•  
  Rhabditophora/Macrostomorpha (Dolichomacrostomum uniporum)
•  
  Rhabditophora/Trepaxonemata (tegu wa ng'ombe: Taenia saginata)