Georgia (lexo: Xhorxhia) është një shtet në rajonin Juglindor të Shteteve të Bashkuara, kufizohet në veri nga Tenesi dhe Karolina e Veriut; në verilindje nga Karolina e Jugut; në juglindje nga Oqeani Atlantik; në jug nga Florida; dhe në perëndim nga Alabama.
Xhorxhia është shteti i 24-të më i madh në zonë dhe e 8-ta më e populluar nga 50 shtetet e SHBA-së. Popullsia e saj në vitin 2020 ishte 10,711,908. Atlanta, një qytet global "beta(+)", është njëkohësisht kryeqyteti dhe qyteti më i madh i shtetit. Zona metropolitane e Atlantës, me një popullsi prej më shumë se 6 milion njerëz në 2020, është zona e 9-të metropolitane më e populluar në Shtetet e Bashkuara dhe përmban rreth 57% të të gjithë popullsisë së Xhorxhias.
Xhorxhia Georgia | |
---|---|
Shteti i Xhorxhias | |
Nofka(t): Peach State, Empire State of the South | |
Parimet: "Wisdom, Justice, Moderation" | |
Himni: "Georgia on My Mind" | |
Vendi | Shtetet e Bashkuara |
Para shtetësisë | Provinca e Xhorxhias |
U pranua në Bashkim | 2 janar 1788 (4-të) |
Kryeqyteti (dhe qyteti mě i madh) | Atlanta |
Metroja më e madhe dhe zonat urbane | Atlanta |
Qeveria | |
• Guvernatori | Brian Kemp (R) |
• Guvernatori toger | Geoff Duncan (R) |
Legjislatura | Asambleja e Përgjitshme e Xhorxhias |
• Dhoma e sipërme | Senati |
• Dhoma e ulët | Dhoma e Përfaqësuesve |
Gjyqësori | Gjykata e Lartë e Xhorxhias |
Senatorët amerikan |
|
Delegacioni i Dhomës së Përfaqësuesve të SHBA | 8 Republikanë 6 Demokratë (lista) |
Sipërfaqja | |
• Gjithsej | 59.425 sq mi (153.909 km2) |
• Sipërfaqe tokësore | 57.906 sq mi (149.976 km2) |
• Sipërfaqe ujore | 1.519 sq mi (3.933 km2) 2.6% |
Sipërfaqja vendi | 24th |
Dimensionet | |
• Gjatësia | 298 mi (480 km) |
• Gjerësia | 230 mi (370 km) |
Lartësia mbidetare | 600 ft (180 m) |
Lartësia më e lartë (Brasstown Bald) | 4.784 ft (1.458 m) |
Lartësia më e ulët (Oqeani Atlantik) | 0 ft (0 m) |
Popullsia (2020) | |
• Gjithsej | 10.711.908 |
• Vendi | 8-të |
• Dendësia | 185,2/sq mi (71,5/km2) |
• Dendësia vendi | 18-të |
• Të ardhurat mesatare shtëpiake | $61,200 |
• Të ardhurat vendi | 29-të |
Emri i banorëve | Xhorxhian |
Gjuha | |
• Gjuha zyrtare | Anglisht |
• Gjuhët e folura | Anglisht Spanjisht (7.42%) Të tjerë (2.82%) |
Zona kohore | UTC−05:00 (Lindore) |
• Verës (DST) | UTC−04:00 (EDT) |
Shkurtesa USPS | GA |
Kodi ISO 3166 | US-GA |
Shkurtesa tradicionale | Ga. |
Gjerësia gjeografike | 30.356–34.985° N |
Gjatësia gjeografike | 80.840–85.605° W |
Faqja zyrtare | www |
E themeluar në vitin 1732 si Provinca e Xhorxhias dhe duke u bërë një koloni mbretërore më 1752, Xhorxhia ishte e fundit dhe më jugore nga Trembëdhjetë Kolonitë e hershëm që u krijuan. E quajtur pas Mbretit George II të Britanisë së Madhe, Kolonia e Xhorxhias mbulonte zonën nga Karolina e Jugut në jug deri në Floridën spanjolle dhe në perëndim deri në Luizianën franceze në lumin Misisipi. Më 2 janar 1788, Xhorxhia u bë shteti i katërt që ratifikoi Kushtetutën e Shteteve të Bashkuara. Nga viti 1802 deri në 1804, Xhorxhia perëndimore u nda për të formuar Territorin e Misisipit, i cili më vonë u pranua si shtetet amerikane të Alabama dhe Mississippi. Xhorxhia shpalli shkëputjen e saj nga Bashkimi më 19 janar 1861 dhe ishte një nga shtatë shtetet origjinale të Konfederatës. Pas Luftës Civile, ishte shteti i fundit që u rivendos në Bashkim, më 15 korrik 1870. Në epokën e pas-rindërtimit të fundit të shekullit të 19-të, ekonomia e Xhorxhias u transformua pasi një grup politikanësh, biznesmenësh dhe gazetarësh të shquar, të udhëhequr nga Henry W. Grady, përkrahën filozofinë "New South" të pajtimit seksional, industrializimit dhe epërsive e të bardhëve. Gjatë mesit të shekullit të 20-të, disa xhorxhian, më së shumti Martin Luther King Jr., ishin udhëheqës të shquar gjatë lëvizjes për të drejtat civile. Atlanta u zgjodh si mikpritëse e Lojërave Olimpike Verore të vitit 1996, e cila shënoi 100 vjetorin e Lojërave Olimpike moderne. Që nga viti 1945, Xhorxhia ka parë rritje të konsiderueshme të popullsisë dhe ekonomike si pjesë e fenomenit më të gjerë të Sun Belt. Nga viti 2007 deri në 2008, 14 nga qarqet e Xhorxhias u renditën në mesin e 100 qarqeve me rritjen më të shpejtë të vendit.
Xhorxhia përcaktohet nga një shumëllojshmëri peizazhesh, flore dhe faune. Rajonet më veriore të shtetit përfshijnë Blue Ridge Mountains, pjesë e sistemit më të madh të maleve Appalachian. Pika më e lartë e Xhorxhias është Brasstown Bald në 4,784 ft (1,458 m) mbi nivelin e detit; më i ulëti është Oqeani Atlantik. Me përjashtim të disa zonave me lartësi të madhe në Blue Ridge, i gjithë shteti ka një klimë të lagësht subtropikale. Nga shtetet tërësisht në lindje të lumit Misisipi, Xhorxhia është më e madhja në sipërfaqe.
Prodhimi bruto shtetëror (PPB) i Xhorxhias në vitin 2018 ishte 602 miliardë dollarë. Për vite me radhë, Xhorxhia si shtet ka pasur vlerësimin më të lartë të kreditit nga Standard & Poor's (AAA) dhe është një nga vetëm 15 shtetet me një vlerësim AAA. Nëse Xhorxhia do të ishte një vend i pavarur, do të ishte ekonomia e 28-të më e madhe në botë, bazuar në të dhënat e vitit 2005.
Janë 17 nga 500 kompanitë më të mëdha dhe 26 nga 1000 kompanitë më të mëdha që e kanë selinë qendrore në Xhorxhia, duke përfshirë edhe emra të tillë si Home Depot, UPS, Coca-Cola, TSYS, Delta Air Lines, Aflac, Southern Company, Anthem Inc., dhe SunTrust Banks.
Atlanta krenohet me aeroportin më të ngarkuar në botë, i matur si nga trafiku i pasagjerëve ashtu edhe nga trafiku i avionëve. Gjithashtu, Porti i Savannah është porti i katërt më i madh detar dhe porti detar i kontejnerëve me rritjen më të shpejtë në Amerikën e Veriut, duke importuar dhe eksportuar gjithsej prej 2.3 milion TEU në vit.
Ky artikull me tematikë në lidhje me gjeografinë e Shteteve të Bashkuara të Amerikës është një faqe cung. Ju mund të ndihmoni Wikipedia-n duke e përmirësuar atë. |
This article uses material from the Wikipedia Shqip article Xhorxhia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.