Georgia: E stoat in de Verenigde Stoatn
Georgia (GA) is e stoat in 't zuydoostn van de Verenigde Stoatn.
Bynoamn zyn Peach State en Empire State of the South. D'n hoofdstad en grotste stad is Atlanta.
Historie
Vo de kolonisoasje deur Europeoann wierd Georgia bevolkt deur indioann lyk de Cherokee. De Britsche kolonie Georgia is in 1733 gesticht en vernoemd noa keunynk George II van Groot-Brittannië. De provinsje Georgia was één van de dertien kolonies die binst d' Amerikoansche revoluusje in ipstand kwoamn teegn de Britsche overheersynge, deur d' oenofhankelykheidsverkloarynge te teeknn in 1776. Georgia was de 4de stoat die de 2de januoari 1788 de groendwet van de Verenigde Stoatn van Amerika ratificeerde. D'n 18ste januoari 1861 koos Georgia ols vuyfde stoat de kant van de Confederoasje (d' ofschèidynge van de Zuydelyke stoatn).
Geografie
Georgia grenst an Tennessee en North Carolina in 't noordn, an South Carolina in 't noordoostn, an d'n Atlantischn Oceoan in 't zuydoostn, an Florida in 't zuydn en an Alabama in 't westn. De stoat hèt 'n ippervlak van 153.909 km².
This article uses material from the Wikipedia West-Vlams article Georgia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.