Georgia (jendźelsce a a) je US-ameriski zwjazkowy stat, kotryž leži na juhowuchodźe kraja a słuša do „južnych statow“.
Ma něhdźe 10,2 milionaj wobydlerjow na přestrjeni wot 154.000 kwadratnych kilometrow. Stolica a zdobom najwjetše město je Atlanta (420.000 wobydlerjow).
hesło: Wisdom, Justice and Moderation | |
přimjeno: Peach State | |
Zakładne daty | |
---|---|
stolica | Atlanta |
přestrjeń | 153.910 km² |
wobydlerstwo | 10.214.860 (1. jul 2015) |
hustosć | 66 wob. na km² |
časowe pasmo | UTC–5 (EST) |
Politika | |
guwerner | Nathan Deal (Rep.) |
přistup do unije | 2. januara 1788 |
Přehladna karta zwjazkoweho stata | |
Stat mjezuje w Appalachach na sewjeru z Tennessee a Sewjernej Carolinu, na wuchodźe z Južnej Carolinu, na juhu z Floridu a na zapadźe z Alabamu. Na juhowuchodźe twori pobrjóh Atlantiskeho oceana přirodnu mjezu. Najwyši dypk je wjeršk hory Brasstown Bald w Appalachach (1.458 m).
Georgia je so 1732 jako poslednja z 13 britiskich kolonijow załožiła a přiwza dnja 2. januara 1788 jako štwórty stat wustawu Zjednoćenych statow. Stat je pomjenowany po britiskim kralu Jurju II. a ma oficielne přimjeno Peach State („brěškowy stat“). Wot 1861 do 1865 słušeše k jědnaće Konfederowanym statam (južnym statam). W lěće 1996 bě stolica Atlanta městno 26. Olympiskich lěćnych hrow.
Najwjetše města nimo Atlanty su Augusta (196.000 wobydlerjow), Columbus (190.000), Savannah (136.000) a Athens (115.000). W lěće 2010 měješe 87,3 % wobydlerstwa jendźelšćinu za maćeršćinu a 7,4 % španišćinu, při čimž je jeničce jendźelšćina z hamtskej rěču.
Alabama | Alaska | Arizona | Arkansas | Colorado | Connecticut | Delaware | Florida | Georgia | Hawaii | Idaho | Illinois | Indiana | Iowa | Kaliforniska | Kansas | Kentucky | Louisiana | Maine | Maryland | Massachusetts | Michigan | Minnesota | Mississippi | Missouri | Montana | Nebraska | Nevada | New Hampshire | New Jersey | New Mexico | New York | North Carolina | North Dakota | Ohio | Oklahoma | Oregon | Pennsylvania | Rhode Island | South Carolina | South Dakota | Tennessee | Texas | Utah | Vermont | Virginia | Washington | West Virginia | Wisconsin | Wyoming
Zwjazkowy distrikt
District of Columbia
Wonkowne teritorije
Ameriska Samoa | Knježniske kupy | Bakerowa kupa | Guam | Howlandowa kupa | Jarvisowa kupa | Johnstonowa kupa | Kingmanowy riff | Midwayske kupy | Navassa | Sewjerne Mariany | Palmyra | Puerto Rico | Wake
This article uses material from the Wikipedia Hornjoserbsce article Georgia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.