Tukididi

Tukididi lindi në Athinë rreth vitit 460 p.e.s. dhe vdiq pas vitit 400 p.e.s.. Në vitin 424 p.e.s. Thukididi ishte komandant i një njësie detare athinase, që gjendej pranë ishullit Thasos. Si komandat i kësaj njësie ai kishte për detyrë mbrojtjen e Amfipolit, i cili ra, dhe për këtë shkak ai u dënua nga athinasit në mungesë me vdekje. Nga këtu jetoi në mërgim deri në vitin 404 p.e.s. kur u kthye në Athinë.

Thukididi ka shkruar Historinë e luftës së Peloponezit, së cilës ia ka kushtuar tërë jetën. Si një historian i vërtetë, ai nuk i përshkruan ngjarjet në bazë të perëndive e mrekullirave, siç e bënin paraardhësit e tij, por në bazë të një kriteri shkencor. Ai thekson thënie të personave që kishin ndikim në ngjarje. Kjo e bëri atë shembull për historianet e mëvonshëm të antikitetit, të cilët e çmuan lart punën e tij.

Thukididi në veprën e tij ku përshkruan ngjarjet e luftës ai përshkruan po ashtu edhe luftën civile të Epidamnit, në vitin 436 p.e.s. dhe ndërhyrjen e fisit ilir të taulantëve në këtë luftë.

• Historia
• Herodoti
• Ilirologjia
• Ilirët dhe Iliria te autorët antikë