Ilirët Dhe Iliria Te Autorët Antikë: Libër historik shqip

Libri është ribotuar edhe në vitin 1979 nga Shtëpia Botuese Rilindja në Prishtinë si dhe në vitin 2002 nga Shtëpia Botuese Toena në Tiranë.

Libri Ilirët dhe Iliria, te autorët antikë është botuar në kuadër të serisë Burime të Zgjedhura për Historinë e Shqipërisë dhe paraqet një përmbledhje të burimeve të autorëve antikë grekë, latinë dhe bizantinë të hershëm që bëjnë fjalë për ilirët dhe Ilirinë, duke filluar prej kohëve të lashta homerike e deri në shek. VII të e.r. Në këto burime, që i trashëgojmë të fragmentuara, janë pasqyruar kryesisht ngjarje të historisë politike të ilirëve, por edhe të dhëna tjera që ndriçojnë aspekte të jetës së tyre ekonomike e shoqërore, apo të atilla të karakterit gjeografik, etnografik, gjuhësor e kulturor, etj. Autorët antikë janë dhënë në renditjen kronologjike. Vëllimi është pajisur edhe me tregues emrash dhe me dy harta.

Autorët antikë të përfshirë në këtë përmbledhje janë: Homeri, Hesiodi, Herodoti, Thukididi, Isokrati, Demosteni, Skylaksi, Aristoteli, Polibi, Skymni, Apollodori, Varroni, Ciceroni, Cezari, Kornel Nepoti, Vergjili, Tit Livi, Diodori, Straboni, Dionisi i Halikarnasit, Nikolla i Damaskut, Lukani, Paterkuli, Valer Maksimi, Kurt Rufi, Mela, Plini, Frontini, Taciti, Flori, Suetoni, Plutarhu, Lukiani, Arriani, Pausania, Apiani, Ptolemeu, Dion Kasi, Eliani, Atheneu, Herodiani, M. Justini, Historia Augusta (Historia e Perandorëve), Expositio totius mundi et gentium (Përshkrimi i gjithë botës dhe popujve), Eutropi, Aurel Viktori, Panegjyrikët latinë, Amian Marcelini, Ambrozi, Euseb Hieronymi (Shën Jeronimi), Ruf Festi, Klaudiani, Orosi, Sozomeni, Theodoreti, Olympidori, Vegeti, Notitia Dignitatum (Lista e rangjeve), Prisku, Kodeksi i Theodosit, Malhu, Zosimi, Prokopi i Gazës, Stefan Bizantini, Kodeksi i Justinianit, Prokopi i Çezaresë, Jon Malala, Marcelin Komesi, Hierokli, Agathia i Myrinës, Menandri, Euagri, Anonimi Valesian, Isidori i Sevilës (Isidori i Hispalës), Theofilakt Simokata, Anonimi i Ravenës, Paul Diakoni dhe Zonara.

• Iliria
• Ilirët
• Iliriku
• Ilirologjia
• Kuvendi I i studimeve ilire

 

Wikibooks ka më shumë informacione për ketë temë:

Autorët antikë për Ilirët

• Ilirët dhe Iliria te autorët antikë (Përmbledhje), balkanculutureheritage.com