Princesha E Jugosllavisë: Princeshë jugosllave

Ajo është një prej dy vajzave të Robert Batis (1916-2011) dhe Anna Dosti (1922-2010). Motra e saj është Betty Roumeliotis. Katherine u edukua në Athinë dhe në Lozana, Zvicër. Ajo ka studiuar biznes në Universitetin e Denverit, Kolorado si dhe në Universitetin e Dallasit, Teksas. Ajo punoi në fushën e biznesit për disa vite në SHBA.

Në 25 nëntor 1962 Katherine u martua me Jack Walter Andrews (1933-2013). Ai është djali i Walter Andrews dhe Elizabeth Pifer. Nga kjo martesë ajo ka dy fëmijë, David dhe Alison. Alison është martuar me Dean Russel Garfinkel dhe së bashku kanë katër fëmijë: Amanda, Stephanie, Nicolas dhe Michael David; Davidi u martua me Angeliki Margariti dhe kanë së bashku një djalë, George Alexander Michael, i lindur në 1 mars 2008 në Athinë, Greqi. Të dy Alison dhe Davidi jetojnë në Athinë, Greqi. Katherine ka udhëtuar shumë dhe ka jetuar në Australi, Afrikë dhe SHBA. Ajo dhe Jack u divorcuan në 7 dhjetor 1984.

Djali i saj David dhe nipi Alexander janë nipërit e presidentit aktual të Greqisë, Prokopis Pavlopoulos.

Ajo u njoh me bashkëshortin e dytë në Washington DC në 1984, dhe ata u martuan në Londër, në 21 shtator 1985 në Kishën serbe ortodokse në Notting Hill.

Ajo i ka dedikuar shumë kohë aktiviteteve të bamirësisë që prej konfliktit në Jugosllavi.

Katherine flet greqisht, anglisht, frëngjisht, pak spanjisht dhe serbisht. Ajo ka hobi të dëgjuarit të muzikës, të lexuarit, të gatuarit, teatrin dhe sportin e skisë.