Ilir Meta: Politikan shqiptar

Më parë ai shërbeu si Kryeministër nga 1999 në 2002. Ai ishte Kryetar i Parlamentit të Shqipërisë nga 2013 në 2017. Meta gjithashtu mbajti poste si Zëvendës Kryeministër, Ministër për Evropën dhe Punët e Jashtme dhe Ministër i Ekonomisë, Tregtisë dhe Energjisë. Para kësaj, ai mbajti Kryesinë e Komisionit Parlamentar të Integrimit Evropian. Meta themeloi Lëvizjen Socialiste për Integrim (LSI) në 2004.

Ilir Meta
President i Republikës së Shqipërisë (10-ti)
Në detyrë 24 korrik, 2017 – 24 Korrik, 2022
Paraprirë nga	Bujar Nishani
Pasuar nga	Bajram Begaj
Kryeministër (41-ti)
Në detyrë 28 tetor, 1999 – 29 janar, 2002
Paraprirë nga	Pandeli Majko
Pasuar nga	Pandeli Majko
Zv/kryeministër
Në detyrë 2 tetor, 1999 – 25 tetor, 1999
Paraprirë nga	Kastriot Islami, Bashkim Fino
Pasuar nga	Makbule Çeço
Në detyrë 29 korrik, 2002 – 18 korrik, 2003
Paraprirë nga	Skënder Gjinushi
Pasuar nga	Namik Dokle
Në detyrë 9 shtator, 2009 – 9 shtator, 2009
Paraprirë nga	Genc Pollo
Pasuar nga	Edmond Haxhinasto
Kryetar i Kuvendit të Shqipërisë (42-ti)
Në detyrë 10 shtator, 2013 – 24 korrik, 2017
Paraprirë nga	Jozefina Topalli
Pasuar nga	Valentina Leskaj; Gramoz Ruçi
Ministër i Jashtëm
Në detyrë 29 korrik, 2002 – 18 korrik, 2003 (42-ti)
Paraprirë nga	Arta Dade
Pasuar nga	Kastriot Islami
Në detyrë 9 shtator, 2009 – 16 shtator, 2010 (46-ti)
Paraprirë nga	Lulzim Basha
Pasuar nga	Edmond Haxhinasto
Ministër i Ekonomisë, Tregtisë dhe Energjitikës
Në detyrë 16 shtator, 2010 – 17 janar, 2011
Paraprirë nga	Dritan Prifti
Pasuar nga	Nasip Naço
Të dhëna vetjake
U lind më	(1969-03-24) 24 mars 1969 (55 vjeç) Çepan, Rrethi i Skraparit Republika Popullore e Shqipërisë
Bashkëshortja/et	Monika Kryemadhi
Fëmijët	Bora Era Besar
Arsimimi	Universiteti i Tiranës

Meta është që prej 15 viteve deputet i Kuvendit të Shqipërisë, dhe një nga figurat kryesore politike shqiptare. Ai konsiderohet nga media dhe publiku si krijuesi dhe drejtuesi i Polit të Tretë në Politikën Shqiptare. Ishte Kryeministër i Shqipërisë prej vitit 1999 deri në 2002. Meta është Presidenti i parë në historinë e Shqipërisë që është i fajësuar nga Parlamenti i Shqipërisë.

U lind në Çepan të Skraparit më 24 mars 1969, ditën e Nevruzit, i biri i Rexhep dhe Fiqrete Metës. Kur ishte tre vjeç, i ati u caktua me punë në Tiranë dhe muar familjen me vete, ku Meta ndoqi dhe kreu mësimet fillore dhe të mesme. Më 1989-1993 ndoqi Fakultetin Ekonomik të Universitetit të Tiranës, ku u diplomua për ekonomi politike. Meta ka përfunduar Studimet Pasuniversitare në të njëjtën fushë.

Meta është musliman bektashi dhe ka deklaruar afrinë me vlerat tradicionale bektashie. Meta është i martuar me Monika Kryemadhin që nga tetori i 2008. Ata kanë dy vajza dhe një djalë, Bora, Era dhe Besari.

Meta është përfshirë në politikë që më 1990 me rënien e komunizmit në Shqipëri si anëtar i lëvizjeve studentore. Që më 1992 u zgjodh deputet i Partisë Socialiste dhe ka qenë anëtar aktiv i disa komisioneve parlamentare. Nga 1996 deri më 1997 ka qenë Nënkryetar i Komisionit të Politikës së Jashtme.^{[nevojitet citimi]} Ilir Meta është njeri ndër themeluesit e Forumit të Rinisë Eurosocialiste (FRESH), duke dhënë kontributin e tij për anetarësimin e Forumit në Internacionalen e Rinisë Socialiste. Gjatë viteve të anetarësisë së tij në FRESH, Ilir Meta ka mbajtur poste të larta drejtuese si, Nenkryetar (1992-1995) dhe Kryetar (1995-2001).^{[nevojitet citimi]}

Aktiviteti politik i Ilir Metës në strukturat e Partisë Socialiste është i ngjeshur. Ai ka qënë anëtar i Komitetit të Përgjithshëm Drejtues nga Kongresi i qershorit 1992 dhe anëtar i Kryesisë së Partisë nga viti 1993, deri në periudhën kur dha dorëheqjen nga kryesia e PS-se (korrik 2003), pas debateve me Kryeministrin dhe Kryetarin e Partisë Socialiste Fatos Nano. Gjatë periudhës 1997-1998, Ilir Meta ka qënë Kryetar i Partisë Socialiste të Tiranës. Në periudhën 1993 -1996, Meta ka mbajtur postin e Nënkryetarit të Partisë Socialiste dhe nga 1994 - 1996 edhe atë të Sekretarit për Marrëdhëniet Ndërkombeëtare, periudhë gjatë së cilës u vendosën marrëdhënie me shumë parti socialiste dhe socialdemokrate të Evropës, si dhe Partinë Socialiste Evropiane dhe Internacionalen Socialiste.^{[nevojitet citimi]}

Aktiviteti politik i Ilir Metës përfshin edhe një periudhë të drejtimit të qeverisë, ku ka shërbyer si Kryeministër i vendit gjatë periudhës nëntor 1999 - shtator 2001 dhe pas fitores së zgjedhjeve parlamentare të verës së vitit 2001 u rimandatua si Kryeministër, Shator 2001 - shkurt 2002.^{[nevojitet citimi]} Në shkurt 2002 dha dorëheqjen nga detyra. ^{[nevojitet citimi]}

Gjithashtu, Ilir Meta ka shërbyer edhe si Zv.kryeminister dhe Ministër i Punëve të Jashtme gjatë periudhës korrik 2002 - korrik 2003, Zv.kryeministër dhe Ministër i Integrimit gjatë periudhës tetor 1998 - tetor 1999, si dhe Sekretar Shteti për Integrimin Evropian në Ministrinë e Punëve të Jashtme mars - tetor 1998.^{[nevojitet citimi]}

Aktualisht, Ilir Meta është zgjedhur anëtar i Komisionit Ndërkombëtar për Ballkanin që drejtohet nga ish kryeministri i Italisë, Xhuliano Amato, në përbërje të të cilit janë mjaft personalitete të njohur nga BE, rajoni dhe ShBA.^{[nevojitet citimi]}

Përveç aktivitetit politik, Ilir Meta ka dhënë leksione në Fakultetin Ekonomik të Universitetit të Tiranës, si dhe në disa akademi dhe universitete në Evrope dhe SHBA, si Akademia Evropiane e Berlinit apo Universiteti i Harvardit.

• Lëvizja Socialiste për Integrim Arkivuar 18 gusht 2020 tek Wayback Machine