Pedagogjia e Montesorit e njohur edhe si Metoda Montesori është një qasje optimale e punës edukative dhe arsimore me fëmijët që nga lindja e deri në moshën 24 vjeçare.
Ajo zbatohet në çerdhe, kopshte, shkolla fillore dhe të mesme në mbarë botën. Bazohet në potencialet natyrore të një fëmije për zhvillim, motivim të brendshëm, mësim aktiv, lidhjen e ideve dhe përvetësimin e njohurive funksionale. Themeluese e kësaj qasjeje metodike është Maria Montesori (1870-1952), pedagoge italiane e cila gjithë jetën e saj ia kushtoi studimit të zhvillimit të fëmijëve.
Maria Montesori ishte gruaja e parë në Itali që kishte përfunduar studimet e saj në mjekësi për t'u përqëndruar më vonë në çështjet e edukimit dhe arsimit të fëmijëve. Shtëpia e parë e fëmijëve nën drejtimin e saj u hap në vitin 1907 në lagjen e varfër San Lorenzo të Romës. Duke i vëzhguar fëmijët, ajo përcaktoi ligjet themelore të zhvillimit në bazë të së cilës zhvilloi metodën shkencore të arsimit dhe edukimit të njohur si Pedagogjia e Montesorit (Metoda Montesori). Kjo shkollë e frymëzoi atë për veprën dhe kontributin e saj jetësor - reformën e arsimit.
Kjo qasje metodike niset nga nevojat e një fëmije të vogël. Ajo e kupton edukimin si liri e një fëmije i cili mund të zhvillojë fuqinë e tij krijuese. Përshtatë ritmin me aftësitë e fëmijëve pa orë me zile, llojin e takimeve edukative dhe pa ndëshkime. Ajo u jep fëmijëve liri në një hapësirë dhe kohë të përshtatshme, kështu që është e pasur edhe me aktivitete.
This article uses material from the Wikipedia Shqip article Pedagogjia e Montesorit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.