Motoja E Bashkimit Evropian: Sllogan - moto

Përkthimet e tij në 24 gjuhët e tjera zyrtare të BE-së konsiderohen të barabarta me origjinalin. Sllogani është frymëzuar nga versioni i tij në gjuhën latine të hartuar nga ana e fituesit italian të çmimit Nobel Ernesto Teodoro Moneta: In varietate concordia ose In varietate unitas, i cili përdoret gjithashtu edhe si sllogan i kompromisit.

Sllogani është njëri nga simbolet më të reja të Bashkimit Evropian, krahas flamurit të Evropës dhe himnit evropian, por, ndryshe nga shumica e simboleve evropiane, është specifik vetëm për BE-në më shumë sesa që vjen nga Këshilli i Evropës. Sllogani u miratua për herë të parë në maj të vitit 2000 me titullin "Të bashkuar në diversitet" përmes një procesi jozyrtar pasi ishte një konkurs që përfshinte 80,000 studentë nga 15 vendet që ishin anëtare të Bashkimit Evropian në atë kohë (EU-15): Austria, Belgjika, Danimarka, Finlanda, Franca, Gjermania, Greqia, Irlanda, Italia, Luksemburgu, Holanda, Portugalia, Spanja, Suedia dhe Mbretëria e Bashkuar.

Sipas Komisionit Evropian, "Sllogani do të thotë se nëpërmjet BE-së evropianët janë të bashkuar në bashkëveprimin për paqen dhe prosperitetin dhe se kulturat, traditat dhe gjuhët e ndryshme në Evropë janë një pasuri pozitive për kontinentin". Kjo nënkupton përqasjen e multikulturalizmit si qëllim i integrimit evropian, në krahasim me synimin e një identiteti panevropian që po shpërfaqet, e i cili ishte mbrojtur qysh në vitet 1990.

• Ode gëzimit
• Multikulturalizmi
• Flamuri i Evropës
• Simbolet e Evropës

• United in diversity, Faqe zyrtare e Bashkimit Evropian (Anglisht)
• The symbols of the European Union: The origin of the motto United in diversity translation of Carlo Curti Gialdino's I Simboli dell'Unione europea, 2005, p. 130–132 Anglisht
• Members of the European Media Jury and of the European Grand Jury for the "A motto for Europe" competition Anglisht
• A motto for Europe contest Anglisht