Kolë Ashiku

U shquajt për vrasjen e Sali Nivicës më 1920, vrasje për të cilën e shleu dënimin deri më 1933, por më 1946 u arrestua nga autoritetet komuniste me po të njëjtën akuzë dhe u pushkatua.

Deri më 1912 kishte qenë këpucar në Shkodër e Tivar, pas rrethimit të Shkodrës me administrimin e qytetit nga ndërkombëtarët hyri në armën e policisë. Me pushtim-administrimin austro-hungarez, mori gradën toger në këtë armë. Hapi një pijetore pas largimit nga trupat e rendit. Pas vrasjes së Nivicës, u arrestua dhe u dënua me vdekje. Këshilli i Naltë ia ktheu dënimin me 101 vjet burg, por pas disa amnistive doli nga burgu më 1933.

Shkoi në Beograd, ku punoi në kuzhinë e hoteleri. U kthye në Shkodër kund nga 1942 dhe u mori me manifakturë. Me vendosjen e regjimit komunist doli në mal derisa u kap e u arrestua prej tyre. U dënua i akuzuar për vrasjen e Sali Nivicës, pavarësisht se e kishte shlyer njëherë dënimin për këtë, dhe se gjatë luftës kishte qenë spiun. Më 17 korrik 1946 u dënua me pushkatim.