Kampionati Botëror I Formula Një 2011

Formula Një njihet nga organi qeverisës i garave automobilistike, Fédération Internationale de l'Automobile (FIA), si kompeticioni më i rëndësishëm dhe klasi i parë i garit me makina. Plotët dhe ekipet garuan në njëzetenjë Çmime të mëdha për titujt kampion të pilotit dhe konstruktorit, që nisi në Australi më 27 mars dhe përfundoi në Brazil më 27 nëntor.

Formula 1™ 2011 Kampion:
Sezoni i kaluar - Sezoni i ardhshëm
Gara kampionale	19
Piloti kampion	Sebastian Vettel
Ekipi kampion	Red Bull Racing
Koment: Vettel fitoi titullin e dytë rresht në karrierë.
Përdorimi i stampës

Pirelli u rikthye në Formula Një si furnizues gomash për të gjitha ekipet, duke zëvëndësuar Bridgestone; ky ishte rikthimi i parë i Pirellit që nga sezoni 1991. Kalendari pati disa ndryshime: Çmimi i madh i Bahrainit u anullua për shkak të protestave civile në vënd, kurse më 30 tetor u zhvillua për herë të parë edhe Çmimi i madh i Indisë.

Sebastian Vettel e nisi sezonin si kampioni në fuqi pasi siguroi titullin e parë kampion për pilot në Çmimin e madh të Abu Dabit 2010. Ekipi i tij, Red Bull Racing, gjithashtu e nisi sezonin si kampioni në fuqi për titullin e konstruktorëve pasi siguroi titullin e parë në Çmimin e madh të Brazilit 2010.

Vettel arriti të mbrojë titullin në mënyrë të suksesshme, duke mbledhur gjithsej 392 pikë, plot 122 më shumë se piloti i McLaren Jenson Button. Ai e siguroi këtë gjë në Çmimin e madh të Japonisë, duke u bërë piloti më i ri në moshën 24 vjeç e 98 ditë, që fiton dy tituj kampion rresht, duke thyer rekordin e spanjollit Fernando Alonso. Red Bull Racing gjithashtu mbrojti titullin në mënyrë dominuese, duke fituar 650 pikë, duke lënë mbrapa ekipin britanik McLaren me 497 pikë.