Bresha: Komunë italian

Ajo është e vendosur në rrëzë të Alpeve, pak kilometra nga Liqeni Garda dhe Iseo. Me një popullsi prej 196,480, është qyteti i dytë më i madh në rajon dhe i katërti në veriperëndim të Italisë. Zona urbane e Breshias shtrihet përtej kufijve administrativ të qytetit dhe ka një popullsi prej rreth 672,822 banorësh, ndërsa mbi 1.5 milion njerëz jetojnë në zonën e saj metropolitane. Qyteti është kryeqytet administrativ i Krahinës së Breshias, një nga më të mëdha në Itali, me mbi 1,200,000 banorë.

I themeluar mbi 3,200 vjet më parë, Breshia (në antikitet Brixia) ka qenë njëra nga qendrat më të rëndësishme rajonale edhe para periudhës romake. Qyteti i vjetër ka edhe objekte të periudhës romake, si dhe objekte e ndërtesa të shumta publike dhe monumente, në mesin e të cilave edhe monumente mesjetare , katedralen e Vjetër dhe të Re, Sheshin e Rilindjes Piazza della Loggia dhe Sheshin Racionalist Piazza della Vittoria.

Zona monumentale arkeologjike e forumit romak dhe kompleksi i manastireve San Salvatore-Santa Giulia janë bërë pjesë Trashëgimisë Botërore të UNESKO-s .

Breshia dhe territori i saj do të jenë "Rajoni Europian i Gastronomisë" në përfundim të vitit 2017.

Konsullatat

Brescia është seli për konsullatat e mëposhtme:

•  Albania
•  Malta
•  Moldova
•  Romania

• Provinca e Breshias

45°32′30″N 10°13′00″E / 45.54167°N 10.21667°E / 45.54167; 10.21667