'A Grecie (in greche: Ελλάδα, o Ελλάς, Hellas, in tagliàne Grecia), nome ufficiale Repubbleche Elleniche (in greche: Ελληνική Δημοκρατία, Ellinikì Dimokratía [e̞liniˈkʲi ðimo̞kɾaˈtia]), jè 'nu state de l'Europe meridionale, 'u quale territorie congide in granne parte cu l'estreme lembe sud d'a penisole balcaneche.
Grecie | |
---|---|
Libbertà o morte Ελευθερία ή Θάνατος Eleftherìa ì Thànatos | |
Date amministrative | |
Nome comblete | Grecie |
Nome ufficiale | Ελλάδα-Ellada - Ελληνική Δημοκρατία-Ellinikí Dhimokratía |
Lènghe ufficiale | greche |
Capitale | Atene (3 761 810 ab. / 2001) |
Politiche | |
Forme de governe | Repubbleche parlamendare |
Presidende | Prokopis Pavlopoulos |
Prime Ministre | Alexis Tsipras |
'Ndipendenze | 25 marze 1821 dall' 'Mbere Ottomane |
Trasute jndr'à l'ONU | 25 ottommre 1945 1 |
Trasute jndr'à l'UE | 1° scennare 1981 |
Superficie | |
Totale | 131.940 km² (94º) |
% de le acque | 0,86% |
Popolazzione | |
Totale | 11.216.708 ab. (2008) (74º) |
Denzetà | 84 ab./km² |
Nome de le javetande | Template:AggNaz/Grecie |
Sciugrafije | |
Continende | Europe |
Fuse orarie | UTC+2 UTC+3 cu l'ora legale |
Economie | |
Valute | Euro |
PIL (nominale) | 367,153 milione de $ (2006) (30º) |
PIL pro capite (nominale) | 22 392 $ (2005) (30º) |
ISU (2005) | 0,926 (ierte) (24º) |
Varie | |
Codece ISO 3166 | GR, GRC, 300 |
TLD | .gr, .eu |
Prefisse tel. | +30 |
Sigle autom. | GR |
Late de guide | Destre (↓↑) |
Inne nazionale | Imnos Is Tin Eleftherian |
Feste nazionale | 25 marze |
1Jè une de le 51 State ca onne date vite a l’ONU jndr'à 'u 1945. | |
Confine a nord cu Albanie, F.Y.R.O.M. e Bulgarie, apparte ca cu 'a Turchie a nord-est. Jè vagnate da 'u Mar Egeo a est e a sud, invece 'u versande sue occidendale jè vagnate da l'u Mar Ionio. Cchiù de 1/5 d'a superficie totale jè comboste da cchiù de 3.000 isole e isolotte, 167 de le quale iavetate.
'A Grecie moderne pigghie le radice jndr'à civiltà d'a Grecie andiche, generalmende considerate 'a culle d'a civiltà occidendale. Jè infatte 'a patrie d'a democrazie, d'a felosofije occindendale, de le Sciueche olimbece, d'a letterature occidendale e d'a storiografije, eppure de 'mbortande pringipie matematece e sciumetrece, d'u tiatre e d'a medicine occidendale.
'A Grecie jè 'nu paise sviluppate, a 'u vendicinguesime poste jndr'à scale mundiale pa indice de sviluppe umane e cu 'nu reddite pro capite de 30.535 $.
Jè une de le 51 State ca jndr'à 'u 1945 ha funnate l'ONU, ha trasute jndr'à l'UE jndr'à 'u 1981 (all'epoche CEE), ha adottate l'Euro cu l'otre Paise jndr'à 'u 2002, jè membre d'a NATO da 'u 1952, de l'OCSE da 'u 1961, jè membre funnatore de l'Organizzazzione d'a Cooperazione Economeche d'u Mar Gnure e 'nu membre de l'Agenzie Spaziale Europèe. Ha pure ospitate le Sciueche d'a XXVIII Olimbiade a Atene jndr'à 'u 2004.
'A capitale soje jè Atene, invece 'a seconda cetate cchiù 'mbortande d'u Paise jè Salonicco, assaije vote chiamate Symprotevousa (co-capitale) in greche.
Pe approfondimende, 'ndruche 'a vôsce Nome de le grece. |
'U nome origgenale d'a Grecie in lènga greche jè Ελλάς = Ellás /e̞ˈlas/. Stu nome jè rese in tagliàne cu ‘Hellas' seguenne le andiche convenziune politoneche. Mene formalmende, ma cchiù comunemende, avène chiamate Ελλάδα = Elláda /e̞ˈlaða/. Jndr'à 'u mite andiche, 'a dea Elle o l'imbersonificazione maschile soje, l'eroe eponeme Elleno ere l'andenate de le ttre stirpe elleneche.
Etimologgicamende derive da Sellas, "terre lunare", "spugghiate de vegetazione" ma pure "addò se venere 'a lune" (Selene, appunde), facenne cadè 'a s iniziale e lassanne cumme relitte 'n'aspirazione.
'U termine ausate jndr'à le lènghe europèe (tagliàne: Grecia, albanese: Greqi, inglese: Greece, frangese: Grèce, spagnole: Grecia, portoghese: Grécia, tedesche: Griechenland, russe: Греция, serbo-croate: Grčka, ceche: Řecko) jè de origgene condroverse: iesse pa prima vote jndr'à 'nu frammende de "Il catalogo delle donne", comunemende attribbuite a Esiodo, jndr'à 'u quale se parle de 'n'eroe chiamate Γραικός Graikos (attraverse 'u latine Graecus), figghie de Zeus e Pandora; jndr'à 'u signifecate etniche sue 'u termine, seconde Aristotele, ere 'n'andiche nome d'a tribbù Achèe de le Beozie a nord de l'Attica, ditte graekoi.
Jndr'à 'u periode d'u 'mbere romane 'u termine avenìe adottate pe indicà tutte le popolazziune d'a stesse area culturale e lenguesteche, a cause de l'immigrazione massicce de le pacifece Beozi a Rome, scribe e erudite ca insegnarene 'u greche, ca devendò lènga franghe pe sechele a le uagnune romane.
Jndr'à le lènghe medioriendale, invece, (turche Yunanistan, arabe يونان, ebbraiche יוון, persiane andiche Yaunâ) se ause 'a radice Ιωνία ca stè pe Ionia.
Pe approfondimende, 'ndruche 'a vôsce Storie d'a Grecie. |
'A Grecie ha state 'a prime area in Europe addo onne nate de le civiltà avanzate, in particolare 'a Civiltà minoiche sus a l'isole de Creta e 'a Civiltà micenèe jndr'à 'u Peloponneso, ggià in fioriture belle belle jndr'à 'u 1500 n.C..
Cchiù nnande accumenzarene a assè fore diverse Cetate-state lunghe 'a penisole Greche e lunghe le coste d'u Mar Gnure, in Sud Itaglie e in Anatolie, raggiungenne 'n'elevate grade de prosperità e ricchezze ca resultò jndr'à 'nu vere e probbie boom culturale cu espressiune jndr'à le cambe cchiù diverse, 'mbrà le quale l'architetture, 'u tiatre, 'a scienze e 'a felosofije, ca purtarene pure a 'a nascite d'a democrazie jndr'à l'Atene de l'età classeche.
Condrolle de autorità | VIAF (EN) 131265011 · ISNI (EN) 0000 0004 0555 2357 · SBN (IT, EN) RMLL001285 · BAV (EN, IT, JA) 494/35850 · LCCN (EN) n80046090 · GND (DE) 4022047-3 · BNE (ES) XX450889 (data) · BNF (FR) cb118727476 (data) · J9U (EN, HE) 987007564324405171 · NDL (EN, JA) 00562473 |
---|
This article uses material from the Wikipedia Tarandíne article Grecie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 'U condenute jè disponibile sotte a CC BY-SA 4.0 senze otre note. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tarandíne (DUHOCTRUNGQUOC.VN) is an independent company and has no affiliation with Wiki Foundation.