Atene: Capitale d'a Repubblece Elleneche

Atene (jindr'ô greche andìche: Ἀθῆναι, Athênai; jindr'ô neogreche: Αθήνα, Athína) ète 'nu comune greche, capeluèche de ll'Attiche e capitale d'a Repubblece Elleneche.

Atene amministrazioni
Αθήνα - Athína
Stato:	Grecie
Coordinate:	37°58′N 23°43′E / 37.966667°N 23.716667°E37.966667; 23.716667 Coordinate: 37°58′N 23°43′E / 37.966667°N 23.716667°E37.966667; 23.716667
Altitudine	70 / 338 m s.l.m.
Superficie	39 km²
Crestiàne	745.514  (2001)
Denzetà	19.133 ab./km²
CAP	10xxx, 11xxx, 120xx
Prefisso tel	210
Targa	Yxx, Zxx Ixx
Nome javetande	Ateniese (athinaíos)
Status	Comune
Sinnache	Nikitas Kaklamanis (ND) da 'u 1.1.2007
Site istituzionale	www.cityofathens.gr

Fù 'a prime cetate d'u munne ccu adotte 'na forme de guverne democrateche storecamènde accertate.

Ôsce a die 'u comune de Atene, stricto sensu, tène 'na grannèzze de sule 39 km² e 'na popolazzione de quase 750.000 crestiáne, me l'aree urbane 'ndese cumme LUZ (Larger Urban Zone) da ll'Eurostat cunde 4.013.368 crestiáne, ed ète accussì 'a settime conurbazione cchiù granne de ll'Aunìone Europèe, e 'a quinde capitale cchiù populose de ll'Aunìone.

Atene ète 'na metropule cosmopolite ed ète 'u cendre economeche, finanziarie, 'ndustriale e culturale d'a Grecia, e tène 'na notevole 'mbortanze a levèlle europèe me pure mondiale. Jndr'ô 2008 ète state classefecate cumme 'a trendedojesime cetata cchiù ricche d'u munne pe' potere d'accatte e cumme 'a vindecinghesime cchiù costose jndre 'na recerche effettuate d'a suggetate svizzere UBS.

Ète canosciute jndre totte 'u munne p'a nascite d'a democrazie, pe' essere state 'a sede de ll'accademie de Platone e 'u licèe de Aristotele, oltre ca pe' avè date le natale a Socrate, Pericle, Sofocle e assaje otre felosofe e personagge 'mbortànde de ll'andìchetate. Ète state pure 'na fiorende Polis ed ète conziderate 'a culle d'a civiltate occidendale. Jndre anne cchiù recende ète state ad 'u cendre de ll'attenzione de totte 'u munne pe' avè organizzate ccu granne successe le Sciuèche d'a XXVIII Olimbiade jndr'ô 2004 e pe' l'inaugurazione d'u Nuève Musèe dell'Acropule jndr'ô 2009, ca hé reapìrte 'u dibattite reguardande le Marme d'u Partenone.

Tradizionalmènde 'a prutettrice d'a cetata ète 'a dèe Atena, raffigurate sije sus 'ô stemme ca sus 'a bandiere d'a cetata.

'A capitale se iacchie sus a 'na chianure ad 'u cendre de ll'Attiche e costituisce 'na uneche conurbazione ccu 'u Pireo e le comune de ll'omonime prefetture. Jndr'â conurbazione Atene-Pireo jàvitane cchiù de 4.000.000 de crestiáne, ca sonde cchiù mènde 'u 35 pe' cinde de lle crestiáne de totte 'a Grecie (ca sonde 11.216.708 seconne 'u cenzimènde d'u 2008).

'A cetate se spànne da lle péte d'u monde Parnis, addò se iacchiene le accussidditte sobborghe settendrionale, le cchiù famuse de le quale sonde Kifisia e Marousi, fine ad ' costa, addò se iacchie 'u puèrtee d'u Pireo e le sobborghe meridionale cumme Glyfada e Palaio Faliro.

Clime

 

Atene tène 'nu clime semi-aride ccu estate calle (Classefecazione de le clime de Köppen: BSh), secche e suleggiate, 'nvìerne mite e picche precipitazione. Ète une de lle cetate d'Europe ccu 'u cchiù granne numere de sciùrne de sule a ll'anne, ce se 'ndruche ca se pòtene ccu cunde n'medie 179 sciurne durande le quale 'u sule non g'ète copìrte da nuvole mmanghe pe' 'nu munènde, e otre 157 durande le quale 'u sule ète copirte da nuvole sule pe' mmienz'ore.

 

 

 

 

 

• Acropule
• Tembie de Efesto
• Tembie de Zeus Olimbe
• Aree archeologgeche de ll'agorà andìche ccu annesse musèe
  • Stoà de Attalo
  • Odeon de Agrippa
• Aree archeologgeche de ll'agorà romane
  • Bibblioteche de Adriano.
  • Torre de le viènde.
• Aree archeologgeche d'u tiatre de Dioniso
• Odeon de Erode Attiche
• Aree archeologgeche d'u Ceramiche
• Zappeion
• Areopago
• Pnika
• Arche de Adriano
• Musèe archeologgeche naziunale
• Musèe de ll'Acropule
• Esposizione archeologgeche de Syntagma, Panepistimio, Evangelismos e Dafni, jndr'â lle omonime stazione d'a metropolitane
• Musèe Benaki d'a civiltate greche ccu annesse 'na ricchisseme bibblioteche
• Musèe Benaki de arte e civiltate islameche
• Musèe Benaki (nuève sede) de vije Pireos, sede de mostre specializzate de architetture muderne
• Musèe bizzandine e crestiáne
• Musèe de arte cicladiche
• MuseMusèe d'a uerre
• Musèe numismateche ospitate jndr'â ll'Iliou Melathron, 'a residenze ateniese de Heinrich Schliemann, quidde ca hé scupirte Troia e Micene.
• Hellenic Motor Museum, inaugurate jindr'ô marze 2011, se iacchie n'Vije Ioulianou 33. Se tratte de 'nu musèe de ll'automobbele.
• Pinacoteche naziunale
• Pinacoteche civiche
• Musèe storeche naziunale
• Musèe d'a cetate
• Musèe de arte populare
• Musèe de lle 'nfanzie
• Musèe archeologgeche d'u Pireo
• Musèe Frisiras de arte condemboranèe, dedicate ad 'a petture e sculture andropocendreche
• Prime cimitere de Atene 'na gliptoteche a cièle apìrte ccu fatije de le cchiù granne scultore grice d'u diciannovesime e vendesime sèchele
• Gliptoteche de Goudi
• Funnazione Deste de arte condemboranèe
• Planetarie Evghenidio, une de le cchiù granne d'u munne
• Cendre Ellinikos Kosmos tène proiezione 'nderattive e tridimensiunale dedicate ad 'u munne andìche greche e romane.
• Bibblioteche Ghennadios
• Triloggije neoclasseche: Bibblioteche Naziunale, Universetate, Accademie Naziunale sus a vije Panepistimiou
• Tiatre naziunale de Grecie
• Cattedrale Metropolitane de ll'Annunciazione
• Quartiere d'a Plaka
• Quartiere de Thisio

Percorse jndr'â ll'architetture muderne

• Sede de ll'ambasciate statunitense, de Walter Gropius
• Nuève sede d'a National Bank of Greece, de Mario Botta e associate
• Nuève sede d'a Ethniki Asfalistiki, de Mario Botta e associate
• OAKA, Cendre olimbiche de Atene, de Santiago Calatrava
• Sovrappasse stazione metropolitane Katehaki, de Santiago Calatrava
• Sede d'u Cendre naziunale de lle recerche, de Konstantinos Doxiadis
• Sede d'ô "Studie Doxiadis", de Konstantinos Doxiadis
• Chiesèra de San Demetrie ad 'a Pnice, de Dimitris Pikionis
• Vanne archeologgeche d'a Pnice e de Filopappe, de Dimitris Pikionis
• Musèe de ll'Acropule, de Bernard Tschumi
• Ex Aeropuèrte oriendale de Elliniko (ôsce a die pole fieristeche de Elliniko), de Eero Saarinen
• Succursale d'a Banghe de Grecie jindre Odos Amerikis, de Alexandros Tobazis
• Sede d'a Alpha Bank jindre Odos Stadiou, de Alexandros Tobazis
• 'Mbiande Olimbeche jndr'ô sobborghe de Galatsi, de Alexandros Tobazis
• Sede d'u gruppe bangarije Eurobank, de Sir Basil Spence

 

 

 

 

Culture andìche

'U periode ca scè da 'ô spicciare de lle Uerre persiane ad 'a conguiste d'a Macidonie signe 'u punde cchiù ìrte de Atene cumme cendre d'a letterature, d'a filosofije e de ll'arte.

Alcune de lle cchiù 'mbortànde crestiáne d'a storie culturale e 'ndellettuale de ll'Occidende sonde vissute ad Atene jndre quidde periode, cumme le tragediografe Eschilo, Sofocle ed Euripide, 'u commediografe Aristofane, le felosofe Socrate, Platone ed Aristotele, le storeche Erodoto, Tucidide e Senofonte, 'u poète Simonide e 'ô scultore Fidia. Cumme hé affermate 'ô stesse Pericle, Atene dèvenne "'a scole de ll'Ellade".

Istruzione

Atene ète 'u cendre culturale d'a Grecie. Jèdde ospite 'a cchiù granna vanne de lle 'mbrese editoriale greche e 'a cchiù granna vanne de le mezze de comunecazziúne radiofoneche e televisive, 'mbrà cui doje rezze d'a televisione de State ERT (ce stè pure 'na terze rezze, sus a 'na base reggionale, ca tène 'a sede a Salonicco). Ospite inoltre assaje universetate statale, alcune college private, assaje bibblioteche, e assaje tiatre.

Universetate

Ad Atene sonde presende le seguende universetate statale:

• Universetate naziunale capodistriane de Atene ('a prime universetate d'a Grecie lìbberate d'a dominazione turche, funnate jndr'ô 1837)
• National Technical University of Athens, chiamate pure Politecneche Metsovio, 'mbortànde cendre pe' le 'ngegnerije
• Universetate de scienze sociale Pantio,
• AUEB (Athens University of Economics and Business),
• Universetate d'u Pireo,
• Accademie de Belle Arte,
• Scola naziunale de amministrazione pubbleche,
• Accademie agrarie de Atene ccu annesse le 'mbortande orte botaneche.

'Ndrucate 'a 'mbortànze storeche sove, ad Atene se iacchiene pure 'nu munne de scole archeologgeche straniere, le cchiù 'mbortànde de lle quale sonde 'a Scola archeologgecge tedesche, 'a Scola archeologgeche frangese, 'a Scola archeologgeche 'nglise, 'a Scola archeologgeche americane e 'a Scola archeologgeche tagliáne. Granne 'mbortànde tènene pure l'Accademie de Atene, ca tène 'nu munne de laboratorije sciendìfeche e bibblioteche, 'u Cendre naziunale de lle recerche (ospitate jndr'â sede prugettate da ll'architette Doxiadis) e 'u Cendre pe' le recerche nucleare Democrito.

Bibblioteche

Le cchiù granne bibblioteche cettadine sonde:

• Bibblioteche d'u Parlamènde,
• Bibblioteche Ghennadios,
• Bibblioteche naziunale (endre 'u 2015 ète previste 'u trasferimènde jndr'â nuève sede prugettate da ll'architette Renzo Piano)
• Bibblioteche d'u Cendre naziunale de lle recerche
• Bibblioteche d'u Comune de Atene
• Bibblioteche d'u Musèe Benaki
• Bibblioteche musecale Lilian Buduri (Megaro Musikis)
• Bibblioteche de ll'arte 'n'zigne ad 'a Pinacoteche Naziunale
• Bibblioteche d'a civiltate bizzandine 'n'zigne ad 'u Musèe Bizzandine e Crestiáne

Otre bibblioteche sonde cullegate a lle istituzione sciendìfeche e a lle Istitute culturale straniere ca se iacchene jndr'â cetate nnumenàte d'apprìme. Spannùte jndr'â lle varie sobborghe inoltre sonde attive 'nu munne de bibblioteche comunale. Ccu sse signale 'a Bibblioteche de le crijatùre ca se iacchie jndr'ô sobborghe de Chalandri.

Tiatre naziunale

Otre 'mbortànde istituzione culturale sonde:

• Tiatre naziunale, funnate jndr'ô 1880
• Opere naziunale elleneche (endre 'u 2015 ète previste 'u trasferimènde jndr'â nuève sede prugettate da ll'architette Renzo Piano)
• Auditorium Megaro Mousikis, canosciute pure cumme Athens Concert Hall, ccu varie sale, 'a cchiù granne ccu 1961 puèste
• Case d'a Culture e de lle Arte d'a Funnazione "Onassis" (inaugurazione: 11-12 decèmmre 2010)
• Planetarie de Atene

Musèe

Pe approfondimende, 'ndruche 'a vôsce Turisme jndr'â Grecie.

Ad Atene se iacchene 'nu munne de musèe reguardande totte le epoche storeche, accumenzanne d'a preistorie e spiccianne a lle gallerije d'arte muderne. Le cchiù famuse e visitate da 'u turisme 'ndernazionale sonde:

• Musèe archeologgeche naziunale
• Musèe de ll'Acropule
• Museo bizzandine

(Pe' 'nu elenghe comblete 'ndruche 'a sezione turisme cchiù d'abbasce)

 

 

'U comune de Atene n'senze stritte copre sule 'a vanne cendrale d'a metropule ateniese, sviluppatase, accumnzanne da 'ô spicciare d'a Seconne Uerre Mondiale, oltre le confine d'u Comune, fine ccu raggiunge 'a grannèzze d'a conurbazione ateniese de ôsce. Le urteme elezione comunale, ca honne avute luèche jndr'ô 2010, honne purtate ad 'a careche de sinnache l'ex difensore civeche Jorgos Kaminis, candidate 'ndependente sostenute da 'na coalizione furmate da le socialiste, da le verde, d'u partite d'a Sinistre democrateche e da 'nu munne de associazione e iniziative civeche. Ccu se signale 'nu forte astensionisme, ca hé toccate cchiù d'u cenguande pe' cinde.

Jndr'ô 2010 ha state appruvate da 'u Parlamènde 'a reforme de lle ende d'u luèche denominate "Kallikratis". Quèste reforme limite a doje le levèlle de autoguverne d'u luèche (comune - dimi – e reggione – perifèries), ccu conseguente annullamènde de lle "nomarchies", equivalènde greche de lle provinge. Inoltre, 'nu munne de municipaletate sonde state mesckate pure jndr'â ll'aree metropolitane de Atene ed ète state sopresse 'a super-prefetture Atene-Pireo. Periferiarche de ll'Attiche (ca ète 'u guvernature) ète state elette jndr'ô novèmmre 2010 Jannis Sgouros, già nomarche de Atene da 'u 2006.

Le 48 comune ca combonene 'a prefetture de Atene sonde:
Atene Kallithea Moschato Tavros Egaleo Agia Barbara Chaidari Peristeri Petroupoli Ilion Kamaterò Agion Anargyri Nea Chalchidona Nea Filadelfia Nea Ionia Iraklio Metamorfosi Likovrissi Pefki Maroussi Kifisià Melissia Nea Eritrea Ekali		Nea Pentelis Penteli Vrilissia Chalandri Agia Paraskevi Cholargos Papagos Neo Psichikò Psichiko Filothei Galatsi Zografo Kesariani Vironos Ymetto Dafni Nea Smirni Paleo Falirou Agios Dimitrios Ilioupoli Argiroupoli Alimo Elliniko Glifada

Gemellagge

 

Evende

 

• Jndr'ô 1896 se tenne ad Atene 'a I Olimbiade muderne.
• Jndr'ô 1982 ad Atene se disputarene le cambionate europee de atleteche leggere.
• Jndr'ô 1991 aqquà s'ète svolte l'XI Edizione de le Sciueche d'u Mediterranèe.
• 'U Scìre d'Itaglie 1996, n'occasione d'u cendenarie d'a prime olimbiade, ète accumenzate da Atene.
• Jndr'ô 1997 se sonde tenute le cambionate d'u munne de atleteche leggere.
• Finale de Euroleghe d'u 1985, 1993 e 2007.
• Jndr'ô 2004 ad Atene se svolse 'a XXVIII edizione de le Sciueche olimbeche.
• 'U 23 másce 2007 'a capitale greche ospite 'a finale de Champions League 'brà 'u Milan e 'u Liverpool.

Suggetate sportive

Calce

• File:600px Quadrado Branco com uma figura olimpica grega.PNG Olympiakos, funnate jndr'ô 1925, sciuèche jndr'â ll'Alpha Ethniki
•   Panathinaikos, funnate jndr'ô 1908, sciuèche jndr'â ll'Alpha Ethniki
•   AEK Atene, funnate jndr'ô 1924, sciuèche jndr'â ll'Alpha Ethniki
•   Panionios, funnate jndr'ô 1890, sciuèche jndr'â ll'Alpha Ethniki
•   P.A.E. A.P.S. Atromitos Athens, funnate jndr'ô 1923, sciuèche jndr'â ll'Alpha Ethniki

Pallacanestre

• Panathinaikos BC, funnate jndr'ô 1922, sciuèche jndr'â ll'A1 Ethniki
• Olympiacos BC, funnate jndr'ô 1925, sciuèche jndr'â ll'A1 Ethniki
• AEK Atene BC, funnate jndr'ô 1924, sciuèche jndr'â ll'A1 Ethniki
• Panellinios BC, funnate jndr'ô 1929, sciuèche jndr'â ll'A1 Ethniki
• Panionios BC, funnate jndr'ô 1890, sciuèche jndr'â ll'A1 Ethniki
• Maroussi BC, funnate jndr'ô 1970, sciuèche jndr'â ll'A1 Ethniki

Pallavole

• Panathinaikos VC, funnate jndr'ô 1919, sciuèche jndr'â ll'A1 Greek Volleyball League
• Kifisia VC, sciuèche jndr'â ll'A1 Greek Volleyball League

Baseball

• Spartakos Glyfadas, funnate jndr'ô 1990, sciuèche jndr'â National Baseball League
• Maroussi 2004, funnate jndr'ô 1990, sciuèche jndr'â National Baseball League
• Olympiada Peristeriou, sciuèche jndr'â National Baseball League

Pallamano

• Athinaikos, funnate jndr'ô 1927, sciuèche jndr'â National Handball League

Rugby

• Athens Rugby, funnate jndr'ô 1990, sciuèche jndr'â National Rugby League
• Starbucks Rugby, funnate jndr'ô 1983, sciuèche jndr'â National Rugby League

Futsal

• Athina '90, funnate jndr'ô 1990, sciuèche jndr'â Greek Premiere League.

'Mbiande sportive

 

• Stadie Panathinaiko, l'andìche stadie olimbeche, requagghiate jndr'ô 1895 ccu ospite le Sciuèche olimbeche d'u 1896.
• Athens Olympic Sports Complex, quagghiate accumenzanne da 'u 1980, ète comboste da varie strutture , 'mbrà cui 'ô Stadie Olimbeche "Spiridon Louis", quagghiate jndr'ô 1982 e restrutturate n'occasione de le Sciuèche olimbeche d'u 2004 ccu 'na fatije de ll'architette Santiago Calatrava.
• Stadie Karaiskákis, specifeche p'u calce, quagghiate jndr'ô 1895, restrutturate jndr'ô 1964 e de nuève requagghiate jndr'ô 2004 n'occasione de ll'Olimbiade.
• Peace and Friendship Stadium, quagghiate jndr'ô 1983 e restrutturate jndr'ô 2002, ète dedicate ad 'u basket e ad 'a pallavole.
• Olympic Indoor Hall, quagghiate jndr'ô 1995 e rennovate jndr'ô 2004, ète 'ô stadie da pallacanestre e pallavole addò sciuèche 'u Panathinakos basket.
• Goudi Olympic Complex, quagghiate apposetamènde pe' le Olimbiade d'u 2004, ce se sonde svolte le gare de badminton e de pentathlon muderne.
• Helliniko Olympic Complex, quagghiate pure jidde pe' le Olimbiade d'u 2004, ète costituite da varie 'mbiande sportive ca honne ospitate le gare de baseball, softball, hockey, e assaje partite de pallacanestre.

• Sotiris Chtouris, Elisabeth Heidenreich, Detlev Ipsen : "Von der Wildnis zum urbanen Raum. Zur Logik der peripheren Verstädterung am Beispiel Athen" - Francoforte 1993

• I Olimbiade (1896)
• XXVIII Olimbiade (2004)
• Konstantinos Tsatsos, ex-presidende greche, de cui Atene ète cetate natale.

•   Uicchiquote tène citazioni de oppure sus Atene
•   Uicchimedie Commons tène files multimediale sus Atene

• Atene sus a Open Directory Project (Segnala sus a DMoz 'nu collegamende ca cendre cu l'argomende "Atene")
• (EN) 'Nu archivije fotografeche de le reste archeologgeche e architettoneche d'a cetate de Atene