ରମାକାନ୍ତ ପଣ୍ଡା
ରମାକାନ୍ତ ପଣ୍ଡା (ଜନ୍ମ ୩ ଅପ୍ରେଲ ୧୯୫୪) ଜଣେ ହୃଦରୋଗ ବିଶେଷଜ୍ଞ ଓ ମୂମ୍ବାଇରେ ଅବସ୍ଥିତ ଏସିଆନ୍ ହାର୍ଟ ଇନଷ୍ଟିଚୁଟର ପ୍ରବନ୍ଧ ନିର୍ଦ୍ଦେଶକ । ସେ ୨୦୦୨ ମସିହାରେ ଏସିଆନ୍ ହାର୍ଟ ଇନଷ୍ଟିଚୁଟ ପ୍ରତିଷ୍ଠା କରିଥିଲେ । ୨୦୧୪ ମସିହା ସୁଦ୍ଧା ସେ ୨୦,୦୦୦ ହୃଦୟ ଅସ୍ତ୍ରୋପଚାର କରିସାରିଛନ୍ତି । ରମାକାନ୍ତଙ୍କର ଅସ୍ତ୍ରୋପଚାରର ସଫଳତାର ହାର ୯୯.୬% । ଡ଼.
ପଣ୍ଡାଙ୍କୁ 'ବିଶ୍ୱର ଅନ୍ୟତମ ସୁରକ୍ଷିତ ହାର୍ଟ ସର୍ଜନ' କୁହାଯାଏ । ମେଡଗେଟ ଟୁଡେ ଡାକ୍ତର ପଣ୍ଡାଙ୍କୁ ନମ୍ବର ୧ ହୃଦୟ ଅସ୍ତ୍ରୋପଚାରକ କହିବା ସହିତ, ଭାରତର ସ୍ୱାସ୍ଥ୍ୟ ବିଭାଗରେ ବଞ୍ଚିରହିଥିବା ଶ୍ରେଷ୍ଠ ୨୫ ଜଣ କିମ୍ବଦନ୍ତୀ ବ୍ୟକ୍ତିଙ୍କ ମଧ୍ୟରୁ ଜଣେ ବୋଲି ସମ୍ମାନିତ କରିଥିଲେ ।
ରମାକାନ୍ତ ପଣ୍ଡା | |
|---|---|
 | |
| ଜନ୍ମ | ରମାକାନ୍ତ ପଣ୍ଡା ୩ ଅପ୍ରେଲ ୧୯୫୪ ଦାମୋଦରପୁର, ଯାଜପୁର ଜିଲ୍ଲା |
| ଜାତୀୟତା | ଭାରତୀୟ |
| ଶିକ୍ଷା | ଏମ.ବି.ବି.ଏସ |
| ଶିକ୍ଷାନୁଷ୍ଠାନ | ବକ୍ସି ଜଗବନ୍ଧୁ ବିଦ୍ୟାଧର ମହାବିଦ୍ୟାଳୟ ଶ୍ରୀ ରାମଚନ୍ଦ୍ର ଭଞ୍ଜ ଭେଷଜ ମହାବିଦ୍ୟାଳୟ ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ,ପ୍ରୀତିପୁର ହାଇସ୍କୁଲ |
| ବୈବାହିକ-ସାଥୀ | ସଂଘମିତ୍ରା |
| ସନ୍ତାନ | ଶାଶ୍ୱତ, ସୋନାଲ |
| ପିତାମାତା | ଜବକୁସୁମ(ମାତା) |
| ସମ୍ପର୍କୀୟ | ରାଧାକାନ୍ତ(ଭାଇ) |
| Medical career | |
| Profession | ହୃଦରୋଗ ବିଶେଷଜ୍ଞ |
| Institutions | ଏସିଆନ୍ ହାର୍ଟ ଇନଷ୍ଟିଚୁଟ |
| Specialism | ହୃଦ ସର୍ଜନ ରିଡୁ ବାଇପାସ ସର୍ଜନ |
ବାଲ୍ୟଜୀବନ ଓ ଶିକ୍ଷା
ରମାକାନ୍ତ ପଣ୍ଡା, ଯାଜପୁର ଜିଲ୍ଲାର ଦାମୋଦରପୁରଠାରେ ଜନ୍ମଗ୍ରହଣ କରିଥିଲେ । ତାଙ୍କ ମାତାଙ୍କ ନାମ ଜବକୁସୁମ । ରାଧାକାନ୍ତ ତାଙ୍କର ସାନ ଭାଇ । ସେ ଯାଜପୁରର ପ୍ରୀତିପୁର ହାଇସ୍କୁଲରୁ ସ୍କୁଲ ଶିକ୍ଷା ଲାଭ କରିଥିଲେ । ପ୍ରୀତିପୁର ହାଇସ୍କୁଲର ଶିକ୍ଷକ ସତୀଶ ଚନ୍ଦ୍ର ଦାସ ରମାକାନ୍ତଙ୍କୁ ସ୍ୱପ୍ନ ଦେଖିବାକୁ ଓ ସେଥିପ୍ରତି ସାଧନା କରିବାକୁ ଉତ୍ସାହ କରିଥିଲେ । ବକ୍ସି ଜଗବନ୍ଧୁ ବିଦ୍ୟାଧର ମହାବିଦ୍ୟାଳୟରୁ କଲେଜ ଶିକ୍ଷା ଓ ଶ୍ରୀ ରାମଚନ୍ଦ୍ର ଭଞ୍ଜ ଭେଷଜ ମହାବିଦ୍ୟାଳୟ, କଟକ ଏମ.ବି.ବି.ଏସ. ଶିକ୍ଷାଗ୍ରହଣ କରିଥିଲେ । ଉଭୟ ସ୍ଥାନରେ ସେ ସର୍ବୋଚ୍ଚ ସ୍ଥାନ ଅଧିକାର କରିଥିଲେ । ୧୯୮୦ରୁ ୧୯୮୫ ମଧ୍ୟରେ, ସେ ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ, ଦିଲ୍ଲୀରୁ ସ୍ନାତକୋତ୍ତର ଶିକ୍ଷା ଲାଭ କରିଥିଲେ । ସେଠାରେ ମଧ୍ୟ ସେ ସର୍ବୋଚ୍ଚ ସ୍ଥାନ ଅଧିକାର କରିଥିଲେ ।
ରମାକାନ୍ତ, ଆମେରିକର କ୍ଲିଭଲ୍ୟାଣ୍ଡ କ୍ଲିନିକରୁ ଫେଲୋସିପ କରିଛନ୍ତି । ଯୁକ୍ତରାଜ୍ୟର ହେୟାରଫିଲ୍ଡ ହାସପତାଲରେ ସେ ଏକ ବର୍ଷ ସିନିୟର ରେଜିଷ୍ଟାର ଭାବରେ ମଧ୍ୟ କାମ କରିଛନ୍ତି । ସେଠାରେ, ସେ ବିଶିଷ୍ଟ ହୃଦ ସର୍ଜନ ଓ ପ୍ରତ୍ୟାରୋପକ ପ୍ରଫେସର "ମାଗଦି ୟାକୁବ"ଙ୍କ ସହ କାମ କରିବାର ସୁଯୋଗ ଲାଭ କରିଥିଲେ ।
ପରିବାର
ରମାକାନ୍ତ, ସଂଘମିତ୍ରାଙ୍କୁ ବିବାହ କରିଛନ୍ତି ଏବଂ ଶାଶ୍ୱତ ଓ ସୋନାଲ ନାମରେ ତାଙ୍କର ଗୋଟିଏ ପୁଅ ଓ ଗୋଟିଏ ଝିଅ ଅଛନ୍ତି ।
ବୃତ୍ତିଗତ ସଫଳତା
ରମାକାନ୍ତ, ୨୦୦୯ ମସିହାରେ ତତକାଳୀନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ହୃଦୟରେ ରିଡୁ-ବାଇପାସ ଅସ୍ତ୍ରୋପ୍ରଚାର କରିଥିଲେ । ଏହା ଡ. ପଣ୍ଡାଙ୍କୁ ଖୁବ ପରିଚିତି ଆଣିଦେଇଥିଲା । ୨୦୧୦ ମସିହାରେ ସେ ଆସାମର ମୁଖ୍ୟମନ୍ତ୍ରୀ ତରୁଣ ଗୋଗୋଇଙ୍କର ଅସ୍ତ୍ରୋପ୍ରଚାର କରିଥିଲେ । ୨୦୧୪ରେ ଡି. ରାଜା, ନରସିଂହ ମିଶ୍ର ଓ ଲାଲୁ ପ୍ରସାଦ ଯାଦବଙ୍କର ଅସ୍ତ୍ରୋପ୍ରଚାର କରିଥିଲେ ।
ସମ୍ମାନ ଓ ପୁରସ୍କାର
- ଉତ୍କଳ ରତ୍ନ ସମ୍ମାନ, ୨୦୧୫
- ପଦ୍ମ ଭୂଷଣ - ୨୦୧୦
- ସମ୍ମାନଜନକ ଡକ୍ଟରେଟ (ଉତ୍କଳ ବିଶ୍ୱବିଦ୍ୟାଳୟ)
- ରାଷ୍ଟ୍ରୀୟ ସମ୍ମାନ ପତ୍ର (ଆୟକର ବିଭାଗ, ଭାରତ ସରକାର)
- ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନର ପରିଚାଳନା ପରିଷଦକୁ ମନୋନୀତ
ଆଧାର
This article uses material from the Wikipedia ଓଡ଼ିଆ article ରମାକାନ୍ତ ପଣ୍ଡା, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.