ତାରାବାଇ: ଛତ୍ରପତି ରାଜାରାମଙ୍କ ରାଣୀ

ତାରବାଇ ମୋହିତେ ବଂଶରୁ ଆସିଥିଲେ । ସେ ମରାଠା ସାମ୍ରାଜ୍ୟର ପ୍ରତିଷ୍ଠାତା ଶିବାଜୀ ମହାରାଜଙ୍କ ସେନାପତି ହାମ୍ବିରରାଓ ମୋହିତେଙ୍କ ଝିଅ ଥିଲେ । ହାମ୍ବିରରାଓଙ୍କ ଭଉଣୀ ସୋୟାରାବାଇ ଶିବାଜୀ ମହାରାଜଙ୍କ ସାନପୁଅ ରାଜାରାମ ପ୍ରଥମଙ୍କ ମାତା ଥିଲେ । ତାରାବାଇ ୧୬୮୨ ମସିହାରେ ରାଜାରାମ ମହାରାଜଙ୍କୁ ମାତ୍ର ୮ ବର୍ଷ ବୟସରେ ବିବାହ କରି ତାଙ୍କର ଦ୍ୱିତୀୟ ପତ୍ନୀ ହୋଇଥିଲେ ।

ତାଙ୍କ ସାବତ ଭାଇ ତଥା ପୂର୍ବ ସମ୍ଭାଜି ମହାରାଜଙ୍କ ମୃତ୍ୟୁ ପରେ ରାଜାରାମ ୧୬୮୯ରୁ ୧୭୦୦ ମସିହା ପର୍ଯ୍ୟନ୍ତ ମରାଠା ସାମ୍ରାଜ୍ୟର ଶାସନ କରିଥିଲେ । ମାର୍ଚ୍ଚ ୧୭୦୦ ମସିହାରେ ରାଜାରାମଙ୍କ ଦେହାନ୍ତ ପରେ ତାରାବାଇ ତାଙ୍କ ଶିଶୁପୁତ୍ର ଶିବାଜୀ ଦ୍ୱିତୀୟଙ୍କୁ ରାଜାରାମଙ୍କ ଉତ୍ତରାଧିକାରୀ ଏବଂ ନିଜକୁ ରାଜପ୍ରତିନିଧି ଭାବରେ ଘୋଷଣା କରିଥିଲେ ।

ରାଜପ୍ରତିନିଧି ଭାବରେ ତାରାବାଇ ମୋଗଲ ସମ୍ରାଟ ଔରଙ୍ଗଜେବଙ୍କ ସୈନ୍ୟ ବିରୁଦ୍ଧରେ ଯୁଦ୍ଧର ଦାୟିତ୍ୱ ଗ୍ରହଣ କରିଥିଲେ । ତାରାବାଇ ଅଶ୍ୱାରୋହୀ ଆନ୍ଦୋଳନରେ ପାରଙ୍ଗମ ଥିଲେ । ସେ ବ୍ୟକ୍ତିଗତ ଭାବରେ ଯୁଦ୍ଧର ନେତୃତ୍ୱ ନେଇଥିଲେ ଏବଂ ମୋଗଲମାନଙ୍କ ବିରୁଦ୍ଧରେ ସଂଗ୍ରାମ ଜାରି ରଖିଥିଲେ ।

• ୧୯୨୭ ମସିହାରେ ଔନ୍ଧ ରାଜ୍ୟର ରାଜା ଭବନରାଓ ପାଣ୍ଟ ପ୍ରତିନିଧି, ତାଙ୍କର ସୈନ୍ୟବାହିନୀର ନେତୃତ୍ୱ ନେଉଥିବା ତାରାବାଇଙ୍କ ଚିତ୍ର ଆଙ୍କିବା ପାଇଁ ବିଶିଷ୍ଟ ମରାଠୀ କଳାକାର ଏମ.ଭି ଧୁରନ୍ଦରଙ୍କୁ ନିର୍ଦ୍ଦେଶ ଦେଇଥିଲେ ।
• ୧୯୯୩ ମସିହାରେ ଦିନକର ଡି ପାଟିଲଙ୍କ ନିର୍ଦ୍ଦେଶିତ ଐତିହାସିକ ଡ୍ରାମା ଚଳଚ୍ଚିତ୍ର ଶିବରାୟଚି ସୁନ ତାରାରାଣୀରେ ନିଶିଗନ୍ଧା ବାଡ ତାରାବାଇଙ୍କ ଭୂମିକାରେ ଅଭିନୟ କରିଥିଲେ ।
• ୨୦୧୭ ମସିହାର ଟିଭି ଧାରାବାହିକ ପେଶବା ବାଜିରାଓରେ ପଲ୍ଲବୀ ଯୋଶୀ ତାରାବାଇଙ୍କ ଭୂମିକାରେ ଅଭିନୟ କରିଛନ୍ତି ।
• ୨୦୧୯ ମସିହାରେ ଟିଭି ଧାରାବାହିକ ସ୍ୱାମିନୀରେ ନୀନା କୁଲକର୍ଣ୍ଣି ତାରାରାଣୀଙ୍କ ଭୂମିକାରେ ଅଭିନୟ କରିଥିଲେ ।