ତବୁ: ହିନ୍ଦୀ କଥାଚିତ୍ର ଅଭିନେତ୍ରୀ
ତବସୁମ୍ ଫାତିମା ହାସିମ୍ (ଜନ୍ମ: ୪ ନଭେମ୍ବର ୧୯୭୧), ଜଣେ ଭାରତୀୟ କଥାଚିତ୍ର ଅଭିନେତ୍ରୀ ଯେ କଥାଚିତ୍ର ଜଗତରେ ତବୁ ନାମରେ ପରିଚିତ । ତବୁ ମୁଖ୍ୟତଃ ହିନ୍ଦୀ କଥାଚିତ୍ରରେ ଅଭିନୟ କରନ୍ତି । ସେ ହିନ୍ଦୀ କଥାଚିତ୍ର ବ୍ୟତୀତ ଇଂରାଜୀ, ତେଲୁଗୁ, ତାମିଲ, ମାଲାୟଲମ୍, ମରାଠି ଏବଂ ବଙ୍ଗାଳୀ ଚଳଚ୍ଚିତ୍ରରେ ଅଭିନୟ କରନ୍ତି । ତବୁ ଦୁଇଥର ଜାତୀୟ ଚଳଚ୍ଚିତ୍ର ପୁରସ୍କାର ପାଇଛନ୍ତି । ଏଥି ସହ ସେ ୬ଥର ଫିଲ୍ମଫେୟାର ପୁରସ୍କାର ପାଇଛନ୍ତି ଯେଉଁଥିରେ ୪ଟି କ୍ରିଟିକ୍ସଙ୍କ ପସନ୍ଦର ଶ୍ରେଷ୍ଠ ଅଭିନେତ୍ରୀ ସମ୍ମାନ ପାଇଛନ୍ତି । ୨୦୧୧ରେ ତବୁଙ୍କୁ ଭାରତ ସରକାରଙ୍କ ତରଫରୁ ପଦ୍ମଶ୍ରୀ ସମ୍ମାନ ପ୍ରଦାନ କରାଯାଇଥିଲା ।
ତବୁ | |
|---|---|
 ଲାକ୍ମି ଫ୍ୟାସନ୍ ସପ୍ତାହ-୨୦୧୭ରେ ତବୁ | |
| ଜନ୍ମ | ତବସୁମ୍ ଫାତିମା ହାସିମ୍ ୪ ନଭେମ୍ବର ୧୯୭୧ |
| ବୃତ୍ତି | ଅଭିନେତ୍ରୀ |
| ସକ୍ରିୟ ବର୍ଷ | ୧୯୮୦-ଏବେଯାଏଁ |
| ପିତାମାତା | ଜମାଲ ହାସିମ୍ ଏବଂ ରେଜ୍ୱାନ୍ |
| ପୁରସ୍କାର |
|
ତବୁ ହୁ ତୁ ତୁ, ମାଚିସ୍, ବିରାସତ୍, ଚାନ୍ଦିନି ବାର୍, ଚିନି କମ୍, ହାଇଦର୍, ଦୃଶ୍ୟମ୍, ଫିତୁର୍, ଫନା, ବିବି ନଂ-୧, ହମ୍ ସାଥ୍ ସାଥ୍ ହେ ଭଳି ସଫଳ ଚଳଚ୍ଚିତ୍ରରେ ଅଭିନୟ କରିଥିଲେ । ଇଂରାଜୀ ଚଳଚ୍ଚିତ୍ର ଲାଇଫ୍ ଅଫ୍ ପାଇ, ଦ ନମସେକ୍, ଆଙ୍ଗ ଲିରେ ଅଭିନୟ କରିଥିଲେ ।
ପ୍ରାରମ୍ଭିକ ଜୀବନ
ତବୁ ଏକ ମୁସଲମାନ ପରିବାରରେ ଜନ୍ମଗ୍ରହଣ କରିଥିଲେ । ତବୁଙ୍କର ଜନ୍ମପରେ ତାଙ୍କର ପିତାମାତାଙ୍କର ବିବାହ ବିଚ୍ଛେଦ ଘଟିଥିଲା । ତାଙ୍କର ମାଆ ଜଣେ ବିଦ୍ୟାଳୟ ଶିକ୍ଷକ ଥିଲେ । ତବୁ ସେଣ୍ଟ ଅନ୍ନା ହାଇସ୍କୁଲରେ ବିଦ୍ୟାଳୟ ଶିକ୍ଷା ଶେଷ କରିବା ପରେ ମୁମ୍ବାଇର ସେଣ୍ଟ ଜାଭିଅର୍ କଲେଜରେ ପାଠ ପଢ଼ିବାକୁ ୧୯୮୩ରେ ଯାଇଥିଲେ ।
ଅଭିନୟ ଜୀବନ
୧୯୮୦ରେ ତବୁ ବଜାର୍ ଚଳଚ୍ଚିତ୍ରରେ ଏକ ଛୋଟ ଭୂମିକାରେ ଅଭିନୟ କରିଥିଲେ ଏବଂ ଏହା ପରେ ୧୯୮୫ରେ ୧୪ ବର୍ଷ ବୟସରେ ହମ୍ ନୌଜବାନ୍ ଚଳଚ୍ଚିତ୍ରରେ ଦେବ ଆନନ୍ଦଙ୍କ ଝିଅ ଭାବରେ ସେ ଅଭିନୟ କରିଥିଲେ । ନାୟିକା ଭାବରେ ତବୁ ତେଲୁଗୁ ଚଳଚ୍ଚିତ୍ର କୁଲି ନଂ ୧ରେ ଭେଙ୍କଟେଶ ଦଗୁପତିଙ୍କ ସହ ଅଭିନୟ କରିଥିଲେ । ଏହା ପରେ ତବୁ ହିନ୍ଦୀ, ଇଂରାଜୀ, ତାମିଲ, ମାଲାୟଲମ୍, ମରାଠୀ, ବଙ୍ଗଳା ଆଦି ଚଳଚ୍ଚିତ୍ରରେ ଅଭିନୟ କରିଥିଲେ ।
ତବୁ ଅଭିନୟ କରିଥିବା କିଛି ହିନ୍ଦୀ ଚଳଚ୍ଚିତ୍ର ହେଲା: ହୁ ତୁ ତୁ, ମାଚିସ୍, ବିରାସତ୍, ଚାନ୍ଦିନି ବାର୍, ଚିନି କମ୍, ହାଇଦର୍, ଦୃଶ୍ୟମ୍, ଫିତୁର୍, ଫନା, ବିବି ନଂ-୧, ହମ୍ ସାଥ୍ ସାଥ୍ ହେ । ଇଂରାଜୀ ଚଳଚ୍ଚିତ୍ର ଲାଇଫ୍ ଅଫ୍ ପାଇ, ଦ ନମସେକ୍, ଆଙ୍ଗ ଲିରେ ମଧ୍ୟ ତବୁ ଅଭିନୟ କରିଥିଲେ ।
ବନ୍ୟଜନ୍ତୁ ବିବାଦ
୧୯୯୮ ମସିହାରେ ତବୁଙ୍କ ଦୁଇଟି କୃଷ୍ଣସାର ମୃଗର ହତ୍ୟା ମାମଲାର ଆରୋପ ଲାଗିଥିଲା । ହମ୍ ସାଥ୍ ସାଥ୍ ହେ ଚଳଚ୍ଚିତ୍ରର ସୁଟିଂ ବେଳେ ତବୁଙ୍କ ସହ କଳାକାର ସଲମାନ ଖାଁ, ସୈଫ ଅଲ୍ଲୀ ଖାନ, ସୋନାଲୀ ବିନ୍ଦ୍ରେ ଏବଂ ନୀଲମ୍ କୋଠାରୀଙ୍କ ଉପରେ କୃଷ୍ଣସାର ମୃଗ ହତ୍ୟା ଅରୋପ ଲାଗିଥିଲା ।
ଅଭିନୀତ କଥାଚିତ୍ର
ତବୁଙ୍କ ଅଭିନୀତ କିଛି ଚଳଚ୍ଚିତ୍ର:
- ୧୯୯୪: ବିଜୟ ପଥ
- ୧୯୯୫: ପ୍ରେମ୍
- ୧୯୯୬: ମାଚିସ୍
- ୧୯୯୬: କଳାପାଣି
- ୧୯୯୬: ନେନେ ପେଲ୍ଲାଦାତା
- ୧୯୯୭: ବିରାସତ୍
- ୧୯୯୯: ହୁ ତୁ ତୁ
- ୨୦୦୦: ଅସ୍ତିତ୍ୱ
- ୨୦୦୧: ଚାନିଦୀ ବାର୍
- ୨୦୦୬: ଫନା
- ୨୦୦୭: ଚିନି କମ୍
- ୨୦୧୪: ହାଇଦର୍
- ୨୦୧୫: ଦୃଶ୍ୟମ୍
- ୨୦୧୬: ଫିତୁର୍
ଆଧାର
ଅଧିକ ତଥ୍ୟ
- ଇଣ୍ଟରନେଟ ମୁଭି ଡାଟାବେସରେ ତବୁ
- ବଲିଉଡ ହଙ୍ଗାମାରେ ତବୁ
- ଇନଷ୍ଟାଗ୍ରାମରେ ତବୁ
This article uses material from the Wikipedia ଓଡ଼ିଆ article ତବୁ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.