ଇଟାମାଟି ଗ୍ରାମ: ଭାରତରେ ଗ୍ରାମ

ଇଟାମାଟି Jadumani Nagar
village
Country	India
State	Odisha
District	Nayagarh
Elevation	122 m (400 ft)
Languages
Time zone	UTC+5:30 (IST)
PIN	752068
Nearest city	Nayagarh
Website	odisha.gov.in

ଇଟାମାଟି  ଭାରତୀୟ ରାଜ୍ୟ ଓଡ଼ିଶାର ନୟାଗଡ଼ ଜିଲ୍ଲାର ଏକ ଗ୍ରାମ । . ଏହା ନୟାଗଡ଼ ସହରରୁ 6 କିଲୋମିଟର ଦୂର ଓ ଏହା ଏକ ବାଣିଜ୍ୟିକ କେନ୍ଦ୍ର ଭାବରେ ପରିଚିତ । 

ଏଠାରେ 100 ବର୍ଷରୁ ପୁରାତନ ଏକ ବିଶାଳ ବଜାର ଅଞ୍ଚଳ ରହିଛି । ସେଠାରେ କିଛି ପ୍ରାଚୀନ ଦୋକାନ ସମେତ ଆଧୁନିକ ବଜାର କାରବାର ମଧ୍ୟ ହେଇଥାଏ । 

ଏଠାରେ ପ୍ରସିଦ୍ଧ ଓଡ଼ିଆ ଲେଖକ ଉତ୍କଳଘଣ୍ଟ ଯଦୁମଣି ମହାପାତ୍ର ୧୭୮୩ ମସିହାରେ ଜନ୍ମ ଗ୍ରହଣ କରିଥିଲେ । ସେ ରାଜା ବିନାୟକ ସିଂହ ମାନଧାତାଙ୍କ ମୁଖ୍ୟ କବି ଥିଲେ । ଯଦୁମଣି " ରାଘବ ବିଳାସ " ଓ "ପ୍ରବନ୍ଧ ପୁର୍ଣ୍ଣଚନ୍ଦ୍ର " ରଚନା କରିଥିଲେ । ତାଙ୍କର ସୃଷ୍ଟିକୁ କବି ସମ୍ରାଟ ଉପେନ୍ଦ୍ରଭାଞ୍ଜଙ୍କ ଲେଖା ସହ ତୁଳନା କରାଯାଇଥାଏ । 

ଏଠାରେ ଏକ ଜୁନିଅର କଲେଜ , ଏକ ଡିଗ୍ରୀ କଲେଜ ସହ ଉଭୟ ବାଳକ ଓ ବାଳିକା ହାଇ ସ୍କୁଲ ଓ ଅନେକ ପ୍ରାର୍ଥମିକ ବିଦ୍ୟାଳୟ ସବୁ ରହିଛି । 

ଏଠାରେ ବହୁ ସଂଖ୍ୟାରେ ମନ୍ଦିର ସବୁ ରହିଛି । ତନ୍ନ ମଧ୍ୟରୁ ମୁଖ୍ୟଗୁଡ଼ିକ ହେଲା ,

•  ସତ୍ୟନାରାୟଣ ମନ୍ଦିର 
• ମାଁ ନାରାୟଣୀ ମନ୍ଦିର 
• ଜଗନ୍ନାଥ ମନ୍ଦିର 
• ଗୋପୀନାଥ ମନ୍ଦିର 
• ଚିତ୍ରାକୁଟ ବିହାରୀ ମଠ 
• ଦଣ୍ଡ କାମନା ମନ୍ଦିର 
• ମାଁ କାଲୀ ମନ୍ଦିର 
• ମାଁ ମଙ୍ଗଳା ମନ୍ଦିର 
• ମା ତାରିଣୀ ମନ୍ଦିର
• ଉଦଣ୍ଡ କାମନା ମନ୍ଦିର

"ପଞ୍ଚୁ ଦୋଳ "ନାମରେ ଦୋଳ ଯାତ୍ରା ଏଠାରେ ପ୍ରସିଦ୍ଧ । ଏହା 4 ଦିନ ଧରି ହୁଏ ଓ ଯାତ୍ରା , ଅପେରା ସବୁ ହୁଏ । ଏଠାରେ ଭୂମିପୁତ୍ର ଯଦୁମଣିଙ୍କ ଜନ୍ମ ବାର୍ଷିକୀ ବଡ଼ ଆଡମ୍ବର ସହକାରେ ହୁଏ ।