ଅପର୍ଣ୍ଣା ମହାନ୍ତି (ଜନ୍ମ: ୧୬ ଡିସେମ୍ବର ୧୯୫୨) ଜଣେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ କବି । ଝିଅ ପାଇଁ ଝରକାଟିଏ କବିତା ସଙ୍କଳନ ପାଇଁ ସେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଲାଭ କରିଥିଲେ । ଓଡ଼ିଆ ଅଧ୍ୟାପିକା ଭାବରେ କାର୍ଯ୍ୟ କରି, ସେ ସେବାନିବୃତ ହୋଇସାରିଛନ୍ତି । ସେ କେନ୍ଦ୍ର ସାହିତ୍ୟ ଏକାଡେମୀର ଉପଦେଷ୍ଟା ଭାବେ ମଧ୍ୟ କାର୍ଯ୍ୟ କରିଛନ୍ତି । କୋରାପୁଟ ସାହିତ୍ୟ ଉତ୍ସବ ୨୦୧୮ ଅବସରରେ ସେ କୋରାପୁଟ ସାହିତ୍ୟ ସମ୍ମାନ ଗ୍ରହଣ କରିଛନ୍ତି।
ଅପର୍ଣ୍ଣା ମହାନ୍ତି | |
---|---|
ଜନ୍ମ | |
ଜାତୀୟତା | ଭାରତୀୟ |
ଶିକ୍ଷା | ପିଏଚଡ଼ି |
ଶିକ୍ଷାନୁଷ୍ଠାନ | ଉତ୍କଳ ବିଶ୍ୱବିଦ୍ୟାଳୟ |
ପୁରସ୍କାର | ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର |
ଅପର୍ଣ୍ଣା ୧୯୫୨ ମସିହା ଡିସେମ୍ବର ମାସ ୧୬ ତାରିଖରେ କେନ୍ଦ୍ରାପଡ଼ା ଜିଲ୍ଲାର ଗୋରଖପୁର ଗ୍ରାମରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ବିଚିତ୍ରାନନ୍ଦ ମହାନ୍ତି ଓ ମାତାଙ୍କ ନାମ ନିର୍ମଳା ମହାନ୍ତି । ଚାରି ଭଉଣୀଙ୍କ ମଧ୍ୟରୁ ଅପର୍ଣ୍ଣା ସବୁଠାରୁ ବଡ଼ ଥିଲେ । ତାଙ୍କ ପିତାମାତା ଉଭୟ ଭୂଦାନ ଓ ସର୍ବୋଦୟ ଆନ୍ଦୋଳନ ସହିତ ଜଡ଼ିତ ଥିଲେ । ତାଙ୍କ ବଡ଼ବାପା ସର୍ବେଶ୍ୱର ମହାନ୍ତି ଜଣେ ସ୍ୱାଧିନତା ସଂଗ୍ରାମୀ ଥିଲେ । ଘରେ ଏକ ସାଂସ୍କୃତିକ ଓ ସ୍ୱାଧିନତା ସଂଗ୍ରାମର ମାହୋଲ ଥିଲା । ପିଲାଦିନରୁ ଅପର୍ଣ୍ଣା, ଅନ୍ନପୂର୍ଣ୍ଣା ମହାରଣା, ଗୋପବନ୍ଧୁ ଚୌଧୁରୀ, ମାଳତୀ ଚୌଧୁରୀ, ଶରତ ଚନ୍ଦ୍ର ମହାରଣା ଆଦି ସ୍ୱାଧିନତା ଓ ସର୍ବୋଦୟ କର୍ମୀଙ୍କ ସଂସ୍ପର୍ଶରେ ଆସିଥିଲେ । ଅନ୍ନପୂର୍ଣ୍ଣା ମହାରଣା ହିଁ ତାଙ୍କର ନାମ ରଖିଥିଲେ, 'ଅପର୍ଣ୍ଣା' । ଚାରି ବର୍ଷ ବୟସରୁ ସେ ମଣିନାଗ ପର୍ବତରେ ଥିବା ବାବ ବୈକୁଣ୍ଠନାଥ ବ୍ରହ୍ମଚାରୀଙ୍କ ଆଶ୍ରମକୁ ଚାଲିଯାଇଥିଲେ । ସେଠାରେ ହିଁ ଲାଳନପାଳନ ଓ ପ୍ରାରମ୍ଭିକ ଶିକ୍ଷାରମ୍ଭ ହୋଇଥିଲେ । ସେଠାରେ ବାବା ବୈକୁଣ୍ଠନାଥଙ୍କ ସାନିଧ୍ୟରେ ହିଁ ଅପର୍ଣ୍ଣାଙ୍କର ସାହିତ୍ୟ ସର୍ଜନାର ଅଙ୍କୁରଦଗମ ହୋଇଥିଲେ ।
ବାବ ବୈକୁଣ୍ଠନାଥ ବ୍ରହ୍ମଚାରୀ ନିପ୍ରା ବିଦ୍ୟାଳୟ, କପିଳେଶ୍ୱର ଉଚ୍ଚ ପ୍ରାଥମିକ ବିଦ୍ୟାଳୟ, କଟକର ସନ୍ଥ ନଳିନୀ ହାଇସ୍କୁଲ ଓ କେନ୍ଦ୍ରାପଡ଼ାର ସରକାରୀ ବାଳିକା ବିଦ୍ୟାଳୟରୁ ସେ ନିଜ ସ୍କୁଲ ଶିକ୍ଷା ଗ୍ରହଣ କରିଥିଲେ । ଶୈଳବାଳା ମହିଳା ମହାବିଦ୍ୟାଳୟ ଓ କେନ୍ଦ୍ରପଡ଼ା ମହିଳା ମହାବିଦ୍ୟାଳୟରୁ ସେ ନିଜ ସ୍ନାତକ ଶିକ୍ଷାଲାଭ କରିଥିଲେ । ସେ ରେଭେନ୍ସା ମହାବିଦ୍ୟାଳୟରୁ ସେ ସ୍ନାତକୋତ୍ତର ଓ ଉତ୍କଳ ବିଶ୍ୱବିଦ୍ୟାଳୟରୁ ପିଏଚଡ଼ି ଡିଗ୍ରୀ ହାସଲ କରିଥିଲେ ।
୧୯୭୫ ମସିହାରେ ଅପର୍ଣ୍ଣା ଡକ୍ଟର ଧିରେନ୍ଦ୍ର କୁମାର ମହାନ୍ତିଙ୍କୁ ବିବାହ କରିଥିଲେ । ସେମାନଙ୍କର ଦୁଇଟି ଝିଅ ଅଛନ୍ତି ।
୧୯୭୭ ମସିହାରେ ଅପର୍ଣ୍ଣା ପ୍ରଥମେ ଆଳି ମହାବିଦ୍ୟାଳୟ, ପରେ ତୁଳସୀ ମହାବିଦ୍ୟାଳୟ ଓ କେନ୍ଦ୍ରାପଡ଼ା ସ୍ୱୟଂଶାସିତ ମହାବିଦ୍ୟାଳୟରେ ଶିକ୍ଷାଦ୍ନା କରି ଅବସର ଗ୍ରହଣ କରିଥିଲେ ।
ଅପର୍ଣ୍ଣା ମୁଖ୍ୟତଃ ଜଣେ କବି । ତାଙ୍କ କବିତା ହିନ୍ଦୀ, ବଙ୍ଗଳା, ମରାଠି, କନ୍ନଡ଼, ଗୁଜୁରାଟୀ ଓ ତେଲୁଗୁ ଆଦି ଭାଷାକୁ ଅନୁବାଦିତ ହୋଇଛି । ସେ ଉତ୍କଳ ସମ୍ମିଳନୀ, ଉତ୍କଳ ସାହିତ୍ୟ ସମାଜ, ଓଡ଼ିଶା ଲେଖିକା ସଂସଦ, ଓଡ଼ିଶା ଗବେଷଣା ପରିଷଦ, କେନ୍ଦ୍ରାପଡ଼ା ସାହିତ୍ୟ ସଂସଦ ଆଦି ଅନୁଷ୍ଠାନ ସହିତ ଜଡ଼ିତ ।
କବିତା
| ଆଲୋଚନା
ଅନୁବାଦ
|
This article uses material from the Wikipedia ଓଡ଼ିଆ article ଅପର୍ଣ୍ଣା ମହାନ୍ତି, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.