Ananas

Ananas
Ananas
Systematikk
Rike:	Planteriket Plantae
Overrekkje:	Landplantar Embryophyta
Rekkje:	Karplantar Tracheophyta
Underrekkje:	Frøplantar Spermatophytes
Orden:	Grasordenen Poales
Familie:	Bromeliaceae
Slekt:	Ananas
Art:	Ananas A. comosus
Vitskapleg namn
Ananas comosus Merr., 1917

Veksten er opphavleg frå Brasil og Bolivia, men er dei siste fem hundreåra spreidd til andre verdsdelar og dyrka der. Namnet «ananas» kjem frå tupi-guarani anānā, anamá eller naná.

Ananasen, som er ei rosettplante, trivst best i 25–30 grader og treng ca. 1000–1500 mm regn per år. Ananasplanta lever i cirka tre år. Når planta er 2–3 år ber ho frukt, sidan visnar ho og døyr. Ananasen har ein frukttype som kallast samansett frukt som er ein diaspore danna av ei stor mengde blomar rundt stamma.

Ananasfrukta vert i kosthaldet nytta i mellom anna dessertar, fruktsalatar, kjøtt- og fiskerettar, salatar og som pizzatopping. For å kunne ete frukta må det taggete skalet og det treaktige partiet i midten, ananasstokken, skjerast vekk. Dette er grunnen til at konservert ananas i skiver ofte har form som ein relativt smal ring med eit stort hol i midten. Ananasfrukta kan vege over to kg. Kolibri er den vanlegaste pollinatøren av ananas.

• (en) ananas i Encyclopedia of Life 
• (en) ananas i Global Biodiversity Information Facility 
• (en) ananas hos ITIS 
• (en) ananas hos NCBI 
• (en) ananas hos The International Plant Names Index 
• (en) ananas hos Tropicos 
• (en) Kategori:Ananas comosus – bilete, video eller lyd på Wiki Commons 
• (en) Ananas comosus – galleri av bilete, video eller lyd på Wiki Commons 
• Ananas comosus – detaljert informasjon på Wikispecies