သဒ္ဒဗေဒ
သဒ္ဒဗေဒ (သို့) အသံထွက်ပညာ (အင်္ဂလိပ်: phonetics) သည် ဘာသာဗေဒပညာရပ်ခွဲတစ်ခုဖြစ်၍ လူသားတို့၏ အသံထုတ်လုပ်ပုံ၊ ထိုအသံကို သိမြင်နားလည်ပုံ ကိုလေ့လာသောပညာရပ်ဖြစ်သည်။ သင်္ကေတဘာသာစကားများ၌ အသံ၏တူညီသောအရမှာ သင်္ကေတများဖြစ်ကြသည်။ သဒ္ဒဗေဒပညာရှင် ဆိုသည်မှာ စကားသံ၏ ရုပ်ပိုင်းဆိုင်ရာ ဂုဏ်သတ္တိများကို အထူးပြုလေ့လာသောသူများဖြစ်သည်။ သဒ္ဒဗေဒနယ်ပယ်ကို အစဉ်ဆက်အားဖြင့် ပညာရပ်ခွဲသုံးခု ထပ်မံခွဲနိုင်ရာ ၎င်းတို့မှာ အသံထုတ်လုပ်ခြင်းဆိုင်ရာ သဒ္ဒဗေဒ (articulatory phonetics)၊ အသံလှိုင်းဆိုင်ရာ သဒ္ဒဗေဒ (acoustic phonetics) နှင့် အကြားအာရုံဆိုင်ရာ သဒ္ဒဗေဒ (auditory phonetics) တို့ဖြစ်ကြသည်။ အစဉ်ဆက်အနေဖြင့် သဒ္ဒဗေဒ၌ အခြေခံအကျဆုံး၊ အသေးငယ်ဆုံး အသံအသိတ်အပိုင်းမှာ စကားသံဖြစ်၍ စကားသံဆိုသည်မှာ ဘာသာစကားတစ်ခုခု၏ သံရင်းနှင့်မတူ ကွာခြားသည်။ သံရင်းဟူသည် စကားသံကို စိတ်ကူးအယူအဆပေါ်၌သာ အမျိုးအစားခွဲခြားထားခြင်းဖြစ်ပေသည်။
ကိုးကား
This article uses material from the Wikipedia မြန်မာဘာသာ article သဒ္ဒဗေဒ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.