कन्या रास: बारा राशींपैकी सहावी रास

राशीवर बुधाचा अंमल आहे. पृथ्वी तत्त्वाची ही रास असून विवेक आणि स्नेहाचे प्रतीक आहे. या राशीची व्यक्ती दुहेरी स्वभावाची असते अशी ज्योतिषींची मान्यता आहे.

मीन रासही कन्या राशीची विरोधी रास मानली जाते.

ही जन्मरास असणाऱ्यांमध्ये उत्कृष्ट बुद्धिमत्ता व संशोधक वृत्ती दिसून येते. त्या लोकांत ऐन वेळी कामाला येणारी अचाट स्मरणशक्ती आढळते. बुद्धिचातुर्य, हजरजबाबीपणा, हास्यविनोद यांच्या जोरावर या राशीच्या लोकांना लोकप्रियता मिळते. ही माणसे निरीक्षण हातोटी उत्तम असलेली, अंतर्मनाचा थांग लागू न देणारी, पैशाच्या बाबतीत काटेकोर आणि, दूरचा विचार करणारी असतात. यांना माणसाची उत्तम पारख असते. उत्तरा नक्षत्राचे २,३,४ चरण, हस्त नक्षत्र आणि चित्रा नक्षत्राचे पहिले दोन चरण मिळून ही रास निर्माण होते.

ही जन्मरास असणाऱ्या मुलांची नावे- टो,पा,पी,मु,मू,ष,ग,ड,पे,पी,ज या अक्षरांपैकी एखाद्या अक्षरावरून ठेवतात.

• कुंडली
• फलज्योतिष
• चांदण्यांची नावे