ഇസ്ലാമിക ചരിത്രത്തിലെ ആദ്യത്തെ സായുധ പോരാട്ടമാണ് ബദർ യുദ്ധം( അറബി: غزوة بدر ).
യൗമുൽ ഫുർഖാൻ എന്നാണ് ബദ്ർ യുദ്ധത്തെ ഖുർആൻ വിശേഷിപ്പിച്ചിട്ടുള്ളത്. പ്രവാചകൻ മുഹമ്മദിന്റെ s നേതൃത്വത്തിൽ മദീനയിലെ മുസ്ലിങ്ങളും മക്കയിലെ ഖുറൈശികളും തമ്മിൽ ക്രിസ്തുവർഷം 624 മാർച്ച് 13-നാണ് (ഹിജറ രണ്ടാം വർഷത്തിലെ റംസാൻ 17 വെള്ളിയാഴ്ച്) ഇപ്പോഴത്തെ സൗദി അറേബ്യയിലെ മദീന പ്രവിശ്യയിലെ ബദ്ർ എന്ന പ്രദേശത്ത് വെച്ച് ഏറ്റുമുട്ടൽ നടന്നത്. ഇസ്ലാമികചരിത്രത്തിൽ നിർണ്ണായകമായ ഈ യുദ്ധത്തിന്റെ വിജയം ദൈവിക ഇടപെടൽ മൂലമാണെന്ന് ഇസ്ലാമികവിശ്വാസികളും മുഹമ്മദിന്റെ യുദ്ധതന്ത്രങ്ങളുടെ വിജയമാണെന്ന് ശത്രു വിഭാഗവും കരുതുന്നു. ഖുർആനിൽ കൃത്യമായി പരാമർശമുള്ള ചുരുക്കം യുദ്ധങ്ങളിലൊന്നാണിത്. യുദ്ധത്തെക്കുറിച്ചുള്ള വിശദമായ വിവരങ്ങൾ യുദ്ധത്തിന് ശേഷം എഴുതപ്പെട്ട ഹദീസുകളിൽനിന്നും ഇസ്ലാമിക ചരിത്ര പണ്ഡിതൻമാരുടെ ഗ്രന്ഥങ്ങളിൽ നിന്നുമാണ് ലഭിച്ചിട്ടുള്ളത്. ബദ്റിലെ വിജയത്തോടെ മദീനയിൽ മുഹമ്മദിന് സ്വീകാര്യത വർദ്ധിക്കുകയും, മദീനയിലെ നിരവധി ഗോത്രങ്ങൾ മുഹമ്മദുമായി സഖ്യം രൂപീകരിക്കുകയും ചെയ്തു.
ബദർ യുദ്ധം | |||||||
---|---|---|---|---|---|---|---|
മുസ്ലീം-ഖുറൈഷി യുദ്ധങ്ങളുടെ ഭാഗം | |||||||
Scene from Siyer-i Nebi Hamza and Ali leading the Muslim armies at Badr. | |||||||
| |||||||
യുദ്ധത്തിൽ ഏർപ്പെട്ടിരിക്കുന്നവർ | |||||||
മദീനയിലെ മുസ്ലീങ്ങൾ | മക്കയിലെ ഖുറൈഷികൾ | ||||||
പടനായകരും മറ്റു നേതാക്കളും | |||||||
പ്രവാചകൻ മുഹമ്മദ്, ഹംസ, അലി | അമ്റ് ഇബ്ൻ ഹിഷാം(അബു ജഹൽ) ⱶ ഉത്ത്ബ ഇബിൻ റബീഹ ⱶ ഉമയ്യദ് ഇബിൻ ഖലഫ് ⱶ | ||||||
ശക്തി | |||||||
313 ആളുകൾ : 2 കുതിരകൾ, 70 ഒട്ടകങ്ങൾ | 950 കാലാൾപ്പട, കുതിരപ്പട: 100 കുതിരകൾ, 170 ഒട്ടകങ്ങൾ | ||||||
നാശനഷ്ടങ്ങൾ | |||||||
14 മരണം | 70 മരണം 70 തടവുകാർ |
എ.ഡി 623-ൽ ഹിജ്റയ്ക്ക് ശേഷം ( മദീനയിലെ ജനങ്ങൾ മുഹമ്മദിനെ സമൂഹത്തിന്റെ നേതാവായി അംഗീകരിച്ചിരുന്നു. മക്കയിൽ നിന്ന് കുടിയേറിയ മുഹാജിറുകളുടെ നഷ്ടപ്പെട്ട സമ്പാദ്യം കച്ചവടം ചെയ്തു സംഭന്നമാവാം എന്ന തീരുമാനത്തിൽ മദീനയുടെ അരികിലൂടെ കടന്നുപോകുന്ന മക്കയിലെ കച്ചവടസംഘങ്ങളിൽ നിന്ന് ലാഭം ഒഴിവാക്കി നഷ്ട്ടപ്പെട്ട വിഭവങ്ങൾ മാത്രം പിടിചെടുക്കാൻ മുഹമ്മദ് തീരുമാനിച്ചു. 624 ന്റെ തുടക്കത്തിൽ, ലെവന്റിൽ നിന്ന് സ്വത്തും സാധനങ്ങളും വഹിച്ചുകൊണ്ടുള്ള കച്ചവടസംഘം അബുസുഫ്യാന്റെ നേതൃത്വത്തിൽ മക്കയിലേക്ക് മടങ്ങുകയായിരുന്നു. ഈ പ്രദേശത്ത് മുഹമ്മദിന്റെ വർദ്ധിച്ചുവരുന്ന സ്വാധീനത്തെക്കുറിച്ച് മനസ്സിലാക്കിയ ഖുറൈശികൾ, മുഹമ്മദിന്റെ നീക്കങ്ങൾ മനസ്സിലാക്കാനായി ചാരന്മാരെ നിയോഗിച്ചിരുന്നു.
മുന്നൂറോളം പേരുടെ ഒരു ചെറിയ പര്യവേഷണ സേനയെ മുഹമ്മദ് സംഘടിപ്പിച്ചിരുന്നു. ഈ ഒരുക്കത്തെ അബുസുഫ്യാന്റെ ചാരന്മാർ അദ്ദേഹത്തെ അറിയിച്ചു. അബൂസുഫ്യാൻ ദംദം ബിൻ അംറ് അൽ ഗിഫാരിയെ ദൂതനായി ഖുറൈശികളിലേക്ക് അയച്ചു. ദംദം കഅബയിലേക്ക് തിരിഞ്ഞു നിന്ന് നിലവിളിച്ചു.
“ | “ഓ ഖുറൈശികളേ! നിങ്ങളുടെ ചരക്കുകൾ! അബൂസുഫ്യാനോടൊപ്പമാണ്. യാത്രാസംഘത്തെ മുഹമ്മദും കൂട്ടരും തടഞ്ഞു. അവർക്ക് എന്ത് സംഭവിക്കുമായിരുന്നുവെന്ന് എനിക്ക് പറയാനാവില്ല. സഹായിക്കൂ! സഹായിക്കൂ! " | ” |
ബദ്ർ യുദ്ധം | പങ്കെടുത്തവർ |
---|---|
യൂദ്ധം സംഭവിച്ച വർഷം | ഹിജ്റവർഷം 2 റമദാൻ 17 |
മുസ്ലീങ്ങളുടെ എണ്ണം | മുന്നൂറ്റിപ്പതിമൂന്ന് |
രക്തസാക്ഷികളായവർ | പതിനാല് പേർ |
kkh എണ്ണം | തൊള്ളായിരം |
ഖുറൈശികളുടെ നേതാവ് | അമൃ ഇബ്ൻ ഇശാം (അബു ജഹൽ) |
ഖുറൈശികളിൽ നിന്ന് കൊല്ലപ്പെട്ടത് | എഴുപത് പേർ |
മുസ്ലീങ്ങളുടെ നേതാവ് | മുഹമ്മദ് നബി |
This article uses material from the Wikipedia മലയാളം article ബദ്ർ യുദ്ധം, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.