ഗ്നു: യുണിക്സ്-സമാന ഓപ്പറേറ്റിങ്‌ സിസ്റ്റം

യുണിക്സ് സമാന എന്നാൽ സ്വതന്ത്ര സോഫ്റ്റ്‌‌വേറും യുണിക്സുമായി യാതൊരു ബന്ധവുമില്ലാത്തതുമായ പദ്ധതിയായതുകൊണ്ടാണീ പേര് സ്വീകരിച്ചത്. ഗ്നുവിന്റെ വികസനം തുടങ്ങിവച്ചത് റിച്ചാർഡ് സ്റ്റാൾമാൻ ആണ്, അത് സ്വതന്ത്ര സോഫ്റ്റ്‌‌വേർ സമിതിയുടെ (Free Software Foundation) നിർമ്മാണത്തിനും കാരണമായി. സ്വതന്ത്ര സോഫ്‌റ്റ്‌വെയറിന്റെ വിപുലമായ ശേഖരമാണ് (2022 ജനുവരിയിലെ കണക്കനുസരിച്ച് 383 പാക്കേജുകൾ), ഇത് ഒരു ഓപ്പറേറ്റിംഗ് സിസ്റ്റമായി ഉപയോഗിക്കാം അല്ലെങ്കിൽ മറ്റ് ഓപ്പറേറ്റിംഗ് സിസ്റ്റങ്ങൾക്കൊപ്പം ഉപയോഗിക്കാം.പൂർത്തിയാക്കിയ ഗ്നു ടൂളുകളുടെ ഉപയോഗം ലിനക്സ് എന്നറിയപ്പെടുന്ന ഓപ്പറേറ്റിംഗ് സിസ്റ്റങ്ങളുടെ കുടുംബത്തിലേക്ക് നയിച്ചു. ഗ്നു പ്രോജക്ടിന്റെ സ്വന്തം ജനറൽ പബ്ലിക് ലൈസൻസിന് (ജിപിഎൽ) കീഴിലാണ് ഗ്നുവിന്റെ ഭൂരിഭാഗവും ലൈസൻസ് ചെയ്തിരിക്കുന്നത്.

ഗ്നു

എക്സ്എഫ്സിഇ4(Xfce4), വെബ് ബ്രൗസർ മിഡോറി എന്നിവയ്‌ക്കൊപ്പം ഡെബിയൻ ഗ്നൂ/ഹർഡ്
നിർമ്മാതാവ്	Community
പ്രോഗ്രാമിങ് ചെയ്തത്	Various (notably C and assembly language)
ഒ.എസ്. കുടുംബം	Unix-like
തൽസ്ഥിതി:	Current
സോഴ്സ് മാതൃക	Free software
വാണിജ്യപരമായി ലക്ഷ്യമിടുന്ന കമ്പോളം	Personal computers, mobile devices, embedded devices, servers, mainframes, supercomputers
സപ്പോർട്ട് പ്ലാറ്റ്ഫോം	IA-32 (with Hurd kernel only) and Alpha, ARC, ARM, AVR32, Blackfin, C6x, ETRAX CRIS, FR-V, H8/300, Hexagon, Itanium, M32R, m68k, META, MicroBlaze, MIPS, MN103, OpenRISC, PA-RISC, PowerPC, s390, S+core, SuperH, SPARC, TILE64, Unicore32, x86, Xtensa (with Linux-libre kernel only)
കേർണൽ തരം	Microkernel (GNU Hurd) or Monolithic kernel (GNU Linux-libre, fork of Linux)
Userland	GNU
സോഫ്റ്റ്‌വെയർ അനുമതി പത്രിക	GNU GPL, GNU LGPL, GNU AGPL, GNU FDL, GNU FSDG
വെബ് സൈറ്റ്	www.gnu.org/home.en.html

ഗ്നു പദ്ധതി പ്രകാരമാണ് ഗ്നുവിന്റെ വികസനം, ഇന്ന് കമ്പൈലറുകൾ, ബൈനറി ഉപകരണങ്ങൾ, ബാഷ് ഷെൽ തുടങ്ങി നിരവധി ഭാഗങ്ങൾ ഗ്നുവിനായി വികസിപ്പിക്കപ്പെട്ടിരിക്കുന്നു. എന്നിരുന്നാലും കെർണലിന്റെ വികസനം പൂർണ്ണമല്ല. അതുകൊണ്ട് ഗ്നു പദ്ധതിയിൽ ലിനക്സ് കെർണൽ ഉൾപ്പെടുത്തിയാണിപ്പോൾ ഉപയോഗിക്കുന്നത്. ഗ്നുവിന്റെ സ്വന്തം കെർണലിനെ ഗ്നു ഹർഡ് എന്നു വിളിക്കുന്നു. ഗ്നു സാർവ്വ ജനിക അനുമതി, ഗ്നു ലഘു സാർവ്വ ജനിക അനുമതി, ഗ്നു സ്വതന്ത്ര പ്രമാണ അനുമതി തുടങ്ങിയ സ്വത അനുമതികൾ അടിസ്ഥാനപരമായി ഗ്നു പദ്ധതിയ്ക്കു വേണ്ടി എഴുതപ്പെട്ടതാണെങ്കിലും നിരവധി മറ്റ് പദ്ധതികൾ ഇന്നവ ഉപയോഗിക്കുന്നു.

സ്വതന്ത്ര സോഫ്‌റ്റ്‌വെയർ ആശയം ഉടലെടുത്ത പദ്ധതി കൂടിയാണ് ഗ്നു. പദ്ധതിയുടെ സ്ഥാപകനായ റിച്ചാർഡ് സ്റ്റാൾമാൻ ഗ്നുവിനെ ഒരു "സാമൂഹിക ലക്ഷ്യത്തിലേക്കുള്ള സാങ്കേതിക മാർഗ്ഗം" ആയി കാണുന്നു.സ്റ്റാൾമാന്റെ ഫ്രീ സോഫ്റ്റ്‌വെയർ, ഫ്രീ സൊസൈറ്റി എന്ന പുസ്തകത്തിന്റെ രണ്ടാം പതിപ്പിന്റെ ആമുഖത്തിൽ ലോറൻസ് ലെസ്സിഗ് പറയുന്നു, അതിൽ "സോഫ്റ്റ്‌വെയറിന്റെ സാമൂഹിക വശങ്ങളെക്കുറിച്ചും സ്വതന്ത്ര സോഫ്‌റ്റ്‌വെയറിന് എങ്ങനെ സമൂഹവും സാമൂഹിക നീതിയും സൃഷ്ടിക്കാൻ കഴിയും" എന്നതിനെ കുറിച്ചും സ്റ്റാൾമാൻ എഴുതിയിട്ടുണ്ട്.

ഗ്നു(GNU) എന്നത് "ഗ്നു യുണിക്സ് അല്ല!(GNU's Not Unix!)" എന്നതിന്റെ ഒരു ചുരുക്കപ്പേരാണ്,ഗ്നുവിന്റെ ഡിസൈൻ യുണിക്സിനെ പോലെയാണ്, പക്ഷേ യുണിക്സിൽ നിന്ന് വ്യത്യസ്തമാക്കുന്നത് സ്വതന്ത്ര സോഫ്‌റ്റ്‌വെയറായതിനാൽ യുണിക്സ് കോഡ് ഉപയോഗിച്ചിട്ടില്ല. ദി ഗ്നു എന്ന ഗാനം ഉൾപ്പെടെ വാക്കുകൾ കൊണ്ടുള്ള കളികളും ഉപയോഗിച്ചാണ് സ്റ്റാൾമാൻ ഈ പേര് തിരഞ്ഞെടുത്തത്.