Ao amin'ny haiteny sy ny fitsipiteny, ny mpanao dia anjara asa ara-kevitry ny teny (na andian-teny) manondro ny olona na zavatra manatanteraka ny asa ambaran'ny matoanteny ao amin'ny fehezanteny na fehezankevitra.
Tsy afangaro amin'ny lazaina ny mpanao, satria ny lazaina dia mety ho ny olona na zavatra iharan'ny asa, na tompon-toetra, sns; ny mpanao koa dia tsy voatery hisahana ny anjara asa lazaina fa mety ho fameno, ka atao hoe fameno mpanao.
Ohatra, ao amin'ny fehezanteny hoe Mihinan-kena ny alika sy Hanin'ny alika ny hena dia misahana anjara asa ara-keviteny mpanao ny teny hoe alika, nefa mitana ny anjara asa lazaina izy ao amin'ny fehezanteny voalohany fa fameno kosa ao amin'ny fehezanteny faharoa. Ao amin'ny fehezanteny hoe Maty ny alika dia lazaina ny teny hoe alika fa tsy mpanao.
This article uses material from the Wikipedia Malagasy article Mpanao (fitsipiteny), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.