Ny kolontsaina soahily dia kolontsain' ny vahoaka Soahily monina any amin' ny morontsiraka soahily.
Io faritra amoron-tsiraka io dia mahafaoka an' i Tanzania, i Kenia, i Môzambika, ary koa ny nosy maro mifanila amin’ i Zanzibar sy Kômôro miaraka amin’ ny faritra sasany any Malaoy sy ny ilany atsinanan’ ny Repoblika Demokratikan’ i Kôngô. Manao ny fiteny soahily ho fitenin-drazany izy ireo, fiteny izay anisan' ny fianakaviam-piteny banto. Ny kolontsaina soahily dia vokatry ny tantaran' ny faritra amorontsiraka ao amin' ny faritry ny Farihy Lehibe Afrikana. Tahaka ny fiteny soahily, ny kolontsaina soahily dia manana fototra banto izay nindrana tamin' ny kolontsaina avy any ivelany.
Ny vahoaka manana kolontsaina soahily dia manam-piaviana banto nefa niharan' ny kolontsaina arabo koa sy ny kolontsaina persiana amin' ny ampahany kely. Tanàna-fanjakana amorontsiraka toa an' i Mombasa, i Gede, i Malindi, ny vondronosy Zanzibar, ny vondronosy Kômôro, ny vondronosy Kilwa ary ny vondronosy Lamu, dia namorona vondrona ara-kolontsaina soahily manankarena sy malaza, miaina amin' ny fivarotana entana afrikana natao ho an' ny tsena eo an-toerana sy any Atsinanana. Ireo mponina ireo dia niteny fiteny mifanakaiky, karazan' ny fiteny soahily, ary nizara soatoavina azy ireo manokana. Ambonin' izany rehetra izany dia kolontsaina an-tanàn-dehibe, afrikana sy mozilmana izany kolontsaina izany. Nantsoin' ny Arabo hoe al-Zanj ("ny mainty") ny fizaran-tany teo ambany fahefan' ireo tanàna ireo, avy amin' izany ny anarana nomena matetika ny faritra "Zenj" na "Zanguebar".
This article uses material from the Wikipedia Malagasy article Kolontsaina soahily, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.