Ny fokom-pirenen' i Jôsefa dia iray amin' ny fokom-pirenen' i Israely.
Nizara ho fokom-pirenena roa izy dia ny fokom-pirenen' i Efraima sy ny fokom-pirenen' i Manase.
I Jôsefa (hebreo: יוֹסֵף / Iosef) dia zanak' i Jakôba sy i Rahely izy. Namidin' ny rahalahiny izay nialona azy izy ka lasa andevo, nefa lasa manam-pahefana tany Egipta taty aoriana. Nantsoiny honina any Egipta ny fianakaviany. Taorian' ny nahafatesany sy nahafatesan' ilay Farao natoky azy no nanombohan' ny fanandevozan' ny Egiptiana ny Zanak' i Israely. I Manase sy i Efraima no zanany lahy izay samy nana ny maha izy azy satria nanana fokom-pirenena manokana avy.
Anisan' ny Fanjakan' i Samaria ny fokom-pirenen' i Efraima tamin' ny fisarahan' ny Zanak' i Israely ho fanjakana roa. Tamin' ny ady nifanaovan' ny fokom-pirenen' i Efraima tamin' ny sisa amin' ny fokom-pirenen' i Israely dia ampy hahafantarana ny Efraimita ny tsy fahaizany manonona ny hoe shibboleth izay tononiny hoe sibbolet.
Ny fokom-pirenen' i Manase dia vakiny iray amin' ny fokom-pirenen' i Jôsefa. Indraindray ny Baiboly dia miresaka ny amin' ny antsasa-pokon' i Manase miaraka amin' ny fokom-pirenen' i Robena sy ny fokom-pirenen' i Gada, satria ireo foko roa sy sasany ireo dia nandray anjara tamin' ny fakana ny tany Kanaana ka nipetraka teny ampita atsinanan' i Jordana fa ny fokom-pirenen' i Israely sisa rehetra kosa, anisan' izany ny antsasany faharoa amin' ny fokom-pirenen' i Manase, dia napetrak' i Jôsoa (na Jôsoe) teo amin' ny Tanin' i Israely.
Ny fokom-pirenen' i Jôsefa dia a,isan' ny fokom-pirenena folo very taorian' ny faharavan' ny Fanjakan' i Samaria.
This article uses material from the Wikipedia Malagasy article Fokom-pirenen' i Jôsefa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.