Ny Filôzôfia Fahefatra na Sekta Fahefatra na Fikambanan' i Jodasy Galileana dia anarana nomen' i Flavio Jôsefa ny hetsika na fikambanana noforonin' i Jodasy Galileana tamin' ny andron' ny fikomiana nataon' ny Jiosy (taona 66 taor.
J.K.) hanoherana ny fanisam-bahoaka nampanaovin' i Kirinio tamin' ny taona 6 taor. J.K. raha lasa faritanin' i Jodea (na Jodia) fehezin' ny Rômana mivantana ny faritra notapahin' i Herôda Arkelaôsy.
I Jodasy Galileana no mpitarika ny Jiosy mpikomy tao Galilea (na Galilia) sy tao Jodea tamin' ny nahalasa faritany rômana an' i Jodea.
Ny Filôzôfia Fahefatra dia manizingizina ny amin' ny atao hoe fahafahana sy ny atao hoe fanjakana tsy refesi-mandidin' ny Andriamanitr' i Israely ary manandratra avo ny fanindrahindran-pirenena (nasiônalisma) sy ny fiandrasana ny fanafahana amin' ny andro farany hataon' Andriamanitra (fanafahana eskatôlôjika). Ny tapany farany tamin' ny fotoana nisehoan' ny fikomian' ny Jiosy dia fanoherana hiarovana ny toby famaharana Masada notarihin' i Eleazara zanak' i Jairo, izay zafikelin' i Jodasy Galileana (taona 74).
Antoko sy firehana matanjaka tao amin' ny jodaisma
Antoko sy firehana hafa tao amin' ny jodaisma
This article uses material from the Wikipedia Malagasy article Filôzôfia Fahefatra (jodaisma), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.