Fianakaviam-Piteny Môngôlika

Matetika dia ampifanakaikezina amin' ireo fiteny torkika sy ireo fiteny tongoza ao amin' ny fianakaviambem-piteny altaika izy ireo nefa tsy miombon-kevitra ny amin' izany ny mpahay teny maro. Anisan' ny fiteny môngôlika ny fiteny môngôly (na môngôliana) izay tetenina ao Môngôlia sy ao Môngôlia Anatiny.

Fiteny hafa ao amin' ny fianakaviam-piteny môngôlika ny fiteny oirata tetenina ao amin' ny tapany avaratra andrefan' i Sina, izay atao hoe fiteny kamika na fiteny kalmoka na fiteny kalmokia ao Rosia, ny fiteny boriata ao Boriatia any Rosia sy any avaratr' i Môngôlia sy Môngôlia Anatiny, ny fiteny môgôly tany Afganistàna.

Tsy mifanaraka ny mpahay teny momba ny fanasokajiana ny fiteny ao amin' ny fianakaviam-piteny môngôlika. Ity omena eto ity dia ny nataon' i Janhunen (2006), afa-tsy ny fiteny môngôlika atsimo izay nataon' i Nugteren (2011).

• fiteny dagora (mpiteny miisa 96 000)
• fiteny môngôlika afovoany
  • fiteny kamnigana (mpiteny miisa 2 000)
  • fiteny boriata (mpiteny miisa 330 000)
  • fiteny môngôliana (mpiteny miisa 5,2 tapitrisa)
    • fitenim-paritra atsinanana sy afovoany
      • fiteny kalka
      • fiteny tsakara
      • fiteny kôrtsina
  • fiteny ôrdôsy (mpiteny miisa 123 000)
  • fiteny ôirata (anisany ny fiteny kalmika) (mpiteny miisa 360 000)
• fiteny môngôlika atsimo (ampahany amina sprachbund Gansu–Qinghai, fihaonam-piteny tsy iray fianakaviana)
  • fiteny sira iogora (mpiteny miisa 4 000)
  • fiteny sirôngôlika
    • fiteny môngoôra (mpiteny miisa 150 000)
    • fiteny bônana (mpiteny miisa 6 000)
    • fiteny santa (Dongxiang) (mpiteny miisa 200 000)
    • fiteny kangjia (mpiteny miisa 1 000)
• fiteny môgôly (fiteny maty)

Fianakaviam-piteny altaika:

• Fiteny torkika
• Fiteny môngôlika
• Fiteny tongoza