Mongoolse Tale

Dié taalfamilie bestaan uit vier groepe, naamlik die Sentraal-Mongoolse en die Suid-Mongoolse tale, asook die tale Daur en Moghol, waarvan die laasgenoemde waarskynlik uitgestorwe is. Soms word die Mongoolse tale ook in ses takke verdeel: Dagoer, Oos-Mongools, Sentraal-Mongools, Moghol, Suid-Mongools en Kitan, waarvan Sentraal-Mongools uitgestorwe is.

Mongoolse tale
Geografiese verspreiding:	Oos-, Suid- en Wes-Asië
Genetiese klassifikasie:	Altaïes (omstrede)  Mongoolse tale
Onderafdelings:	Sentraal-Mongools Suid-Mongools Daur Moghol (†)
Verspreiding van Mongoolse tale

Die grootste tale (volgens moedertaalsprekers) is: Mongools (6 miljoen), Kalmikies (360 800) en Boerjaties (329 100). Net in Binne-Mongolië van die Volksrepubliek China word vir die plaaslike Mongoolse taal nog die tradisionele Mongoolse skrif gebruik, terwyl in Mongolië asook vir Boerjaties en Kalmikies in Rusland die Cyrilliese alfabet gebruik word.

Sommige taalkundiges groepeer die Mongoolse tale saam met die Toengoesiese en die Turkse tale, soms nog met die Japannese tale, Koreaans en Ainoe, by die Altaïese tale, hoewel dit algemeen betwis word.

• (en) Janhunen, Juha (2006). "Mongolic languages". In Brown, K. (red.). The encyclopedia of language & linguistics. Amsterdam: Elsevier. pp. 231–234.
• (en) Janhunen, Juha (2003). The Mongolic languages. Routledge Language Family Series. London: Routledge. ISBN 0-7007-1133-3.

• (en) "Ethnologue: Languages of the World, Seventeenth edition, Mongolic". Ethnologue. Besoek op 20 Augustus 2020.
• (en) "Mongolian languages". Encyclopædia Britannica. Besoek op 20 Augustus 2020.