Фригия - Кичи Азиянын батышындагы тарыхый аймак.
Балкандын түштүгүнөн бул аймакка көчүп келген фригийлердин атынан аталган. Б. з. ч. 2-миң жылдыкта аймагы кеңейип, Улуу Фригия аталган. Фригия падышалыгынын негизделишине 12-кылымда Хетт падышалыгынын кулашы маанилуү роль ойногон. 10-кылымда өзүнчө падышалыкка айланып, Эгей деңизине ээлик кылган.
Ассирия менен болгон согуштарда бир нече жолу жеңилген.7-кылымдын 70-ж-нда киммерийлер кол салган. 6-кылымда Лидия падышасы Гигеске, 5-кылымда перстерге көз каранды болгон. 4-кылымда Александр Македонский басып алып, ал өлгөн соң, алгач Антигонго, кийин Лисимах менен Селевкиддерге баш ийген. Б. з. ч. 275-ж. чыгышын галаттар, 189-ж. батышын пергамдар караткан. Б. з. ч. 133-ж. Рим ээлигине кошулган. Фригиянын калкы дыйканчылык, мал чарбачылык жана соода менен алектенишкен. Ф. өз монетасын чыгарып, фригия жазмасын колдонгон. Кийин Ф-лыктардын бир бөлүгү Каппадокияга жер которуп кетишкен.
This article uses material from the Wikipedia Кыргызча article Фригия, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.