Публицистика
Публицистика (лат.— коомдук) — публицистика күндөлүк коомдук саясий актуалдуу маселелерге карата курч көркөм сөздүн күчү менен жазылган адабияттын өзгөчө жанры, башкача айтканда, жазуучунун эң актуалдуу саясий коомдук маселелери жана күндолүк саясий окуялар боюнча пикир айтышы менен мүнөздөлөт.
Публицистикага саясий активдүүлүк, курч жана жеткиликтүү баяндоо, фактыларга негизделген далилдөөлөр мүнөздүү болуп, анын да памфлет, публицистикалык макала, очерк, фельетон сыяктуу жанрлары бар. Публицистика- жазуучуну коомдук турмушка активдуү аралаштырат, башка көлөмдүү чыгармаларынын жаралышына өбөлгө түзөт. Кыргыз адабиятында публицистика жанр катары жазманын пайда болушу менен жаралып, өнүгө баштады, анын калыптанышында А. Токомбаевдин «Улуу орус эли», «Ким маданиятты жойгусу келсе, анын өзү жоюлат», К. новдун «Господин Поинтонго менин сунушум» деген публицистикаларынын чоң мааниси бар. Ч. Айтматовдун 60-жылдарда жазылган «Сырдаштарыма сөз», «Бөдөнө аңдыгандар», «Силер күнөөлүүсүңөр, жердештерим», «Мугалим — жаңылыктын энеси», «Зеравшан, Зеравшан, адамга таазим кыл!»,«Алтын дарбаза» деген публицистикалык макалаларында ошол мезгил үчүн проблемалуу болгон өтө актуалдуу маселелерди көтөрүп чыккандыгы белгилүү.
Колдонулган адабияттар
- http://kyrgyzinfo.ru Archived 2021-09-22 at the Wayback Machine
This article uses material from the Wikipedia Кыргызча article Публицистика, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.