Эйзенштейн Сергей Михайлович (10 (22).
1. 1898, Рига - 11. 2. 1948, Москва ш.) - орус совет режиссёру, кино искусствосунун теоретиги, педагог.
РСФСРдин искусствого эмгеги сиңирген ишмери (1935), проф. (1937), искусство таануу илимдин доктору (1939). Петроград жарандык инженер институтунда, 1921-22-ж. Мамлекеттик жогорку режиссёр өнөрканасында (В. Мейерхольддун жетекчилиги менен) окуган. 1920-ж. Пролеткульттун 1-Жумушчу театрында (Москва) жасалга бөлүмүн жетектеген. Эйзенштейн - ири режиссёр, советтик кино искусствосунун негиздөөчүлөрүнөн жана теоретиктеринен. Алгачкы фильми - «Стачка» (1925). 1926-ж. «Броненосец «Потёмкин» кино эпопеясын тарткан. Бул фильмде ал элдин революциячыл маанайын поэтикалык пафосто чагылдырган. Кийин «Октябрь» (1927, Г. В. Александров менен бирге), «Эски жана жаны» фильмдерин койгон. 2 дин үндүү кинолорунун көрүнүктүүлөрү - «Александр Невский» (1938), «Иван Грозный» (1-серия, 1945; 2-серия, 1958). СССР мамлекеттик сыйл. лауреаты (1941, 1946). Ленин, «Ардак Белгиси» ордендери жана медалдар менен сыйланган.
This article uses material from the Wikipedia Кыргызча article Сергей Эйзенштейн, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.