ಕವಟೆಕಾಯ್ಮರವು ರುಟಾಸಿಯ ಕುಟುಂಬಕ್ಕೆ ಸೇರಿದೆ.
ಇದನ್ನು ಕೇಪ್ ಎಲ್ಲೊವುಡ್ ಎಂದು ಕರೆಯುತ್ತಾರೆ. ಝಾಂಟೊಕ್ಸಿಲಮ್ ರಹೀಟ್ಸ ಇದರ ವೈಜ್ಞಾನಿಕ ಹೆಸರು.
ಕವಟೆಕಾಯ್ಮರ ೩೫ ಮೀಟರ್ ಉದ್ದ ಬೆಳೆಯುತ್ತದೆ. ಇದೊಂದು ಎಲೆಯುದುರುವ ಮರವಾಗಿದೆ. ಈ ಮರದ ವ್ಯಾಸ ಸುಮಾರು ೭೫ಸೆ.ಮೀ ವರೆಗೂ ಇರುತ್ತದೆ.ಕಾಂಡದ ತೊಗಟೆಯು ಕಾರ್ಕಿಯ ಶಂಕುವಿನಾಕಾರದ ಮುಳ್ಳುಗಳನ್ನು ಹೊಂದಿದ್ದು ತೊಗಟೆ ಕಂದು ಬಣ್ಣದಲ್ಲಿರುತ್ತದೆ. ಎಲೆಯ ಕಿರು ಕೊಂಬೆಗಳು ದುಂಡಾಗಿದ್ದು, ವಾಯು ವಿನಿಮಯ ಬೆಂಡು ರಂಧ್ರಗಳ ಸಮೇತವಿದ್ದು ಮತ್ತು ರೋಮ ರಹಿತವಾಗಿರುತ್ತದೆ. ಎಲೆಗಳು ಸಂಯುಕ್ತವಾಗಿದ್ದು, ಸುತ್ತಲೂ ಜೋಡನಾ ವ್ಯವಸ್ಥೆಯಲ್ಲಿರುತ್ತದೆ. ಇದೆರ ತೊಟ್ಟುಗಳು 3ಸೆಂ.ಮೀ ಉದ್ದವಿದೆ. ತುದಿಯು ಕ್ರಮೇಣ ಚುಪಾಗಿರುತ್ತದೆ. ಇದರ ಬೀಜಗಳು ಗೋಳಾಕಾರಲ್ಲಿದ್ದು, ನಯವಾದ ನೀಲಿ ಕಂದು ಬಣ್ಣದಲ್ಲಿರುತ್ತದೆ. ಇದರ ಹಣ್ಣು ರುಚಿ ಮತ್ತು ಸುವಾಸನೆಯನ್ನು ಹೊಂದಿರುತ್ತದೆ.
ಇದು ಪಶ್ಚಿಮ ಘಟ್ಟಗಳ ಪರ್ವತ ಶ್ರೇಣಿಯಲ್ಲಿ ವ್ಯಾಪಕವಾಗಿ ಬೆಳೆಯುತ್ತದೆ. ಕೊಡಗಿನ ಜನರ ಆಹಾರದಲ್ಲಿ ಮಸಾಲೆಯಾಗಿ ಬಳಸಲು ಈ ಮರವನ್ನು ಬೆಳೆಸುತ್ತಾರೆ. ಈ ಮರ ಭಾರತ, ಶ್ರೀಲಂಕಾ, ಬಾಂಗ್ಲಾದೇಶ, ಮ್ಯಾನ್ಮಾರ್, ಥೈಲ್ಯಾಂಡ್, ಮಲೆಷ್ಯಾ, ಇಂಡೋನೇಷಿಯಾ, ವಿಯೆಟ್ನಾಂ, ಪಪುವಾ ನ್ಯೂ ಗಿನಿಯಾಗಳಲ್ಲಿ ಬೆಳೆಯುತ್ತದೆ.
This article uses material from the Wikipedia ಕನ್ನಡ article ಕವಟೆಕಾಯ್ಮರ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.