ಸುರ್ಜಿತ್ ಪಾಟಾರ್ ಅವರು ಪಂಜಾಬಿ ಭಾಷೆಯ ಬರಹಗಾರ ಮತ್ತು ಭಾರತದ ಪಂಜಾಬ್ನ ಕವಿ.
ಅವರ ಕವಿತೆಗಳು ಸಾರ್ವಜನಿಕರಲ್ಲಿ ಅಪಾರ ಜನಪ್ರಿಯತೆಯನ್ನು ಗಳಿಸಿವೆ ಮತ್ತು ವಿಮರ್ಶಕರಿಂದ ಹೆಚ್ಚಿನ ಮೆಚ್ಚುಗೆಯನ್ನು ಗಳಿಸಿವೆ.
ಸುರ್ಜಿತ್ ಪಾಟಾರ್ | |
---|---|
ಜನನ | ಪಾಟ್ಟಾರ್ ಕಲಾನ್, ಪಂಜಾಬ್, ಬ್ರಿಟಿಷ್ ಇಂಡಿಯಾ |
ವೃತ್ತಿ | ಬರಹಗಾರ, ಕವಿ, ಶಿಕ್ಷಕ |
ವಿದ್ಯಾಭ್ಯಾಸ | ಸಾಹಿತ್ಯದಲ್ಲಿ ಪಿಎಚ್ಡಿ, ಗುರುನಾನಕ್ ದೇವ್ ವಿಶ್ವವಿದ್ಯಾಲಯ (ಅಮೃತ್ಸರ್) |
ಪಾಟಾರ್ ಅವರು ಜಲಂಧರ್ ಜಿಲ್ಲೆಯ ಪಾಟ್ಟಾರ್ ಕಲಾನ್ ಗ್ರಾಮದವರು. ಅವರು ಕಪುರ್ತಲಾದ ರಣಧೀರ್ ಕಾಲೇಜಿನಿಂದ ಪದವಿ ಪಡೆದರು, ನಂತರ ಪಟಿಯಾಲಾದ ಪಂಜಾಬಿ ವಿಶ್ವವಿದ್ಯಾಲಯದಲ್ಲಿ ಸ್ನಾತಕೋತ್ತರ ಪದವಿ ಪಡೆದು, ಅಮೃತ್ಸರ್ನ ಗುರುನಾನಕ್ ದೇವ್ ವಿಶ್ವವಿದ್ಯಾಲಯದಿಂದ "ಗುರುನಾನಕ್ ವಾಣಿಯಲ್ಲಿ ಜಾನಪದ ರೂಪಾಂತರ" ದ ಕುರಿತು ಸಾಹಿತ್ಯದಲ್ಲಿ ಪಿಎಚ್ಡಿ ಪಡೆದರು. ನಂತರ ಅವರು ಶೈಕ್ಷಣಿಕ ವೃತ್ತಿಗೆ ಸೇರಿ, ಲುಧಿಯಾನದ ಪಂಜಾಬ್ ಕೃಷಿ ವಿಶ್ವವಿದ್ಯಾಲಯದಿಂದ ಪಂಜಾಬಿ ಪ್ರಾಧ್ಯಾಪಕರಾಗಿ ನಿವೃತ್ತರಾದರು. ಅವರು ಅರವತ್ತರ ದಶಕದ ಮಧ್ಯಭಾಗದಲ್ಲಿ ಕವನ ಬರೆಯಲು ಪ್ರಾರಂಭಿಸಿದರು. "ಹವಾ ವಿಚ್ ಲಿಖೆ ಹರ್ಫ್" (ಗಾಳಿಯಲ್ಲಿ ಬರೆದ ಪದಗಳು), ಬಿರ್ಖ್ ಅರ್ಜ಼್ ಕರೇ, ಹನೆರೆ ವಿಚ್ ಸುಲಗ್ಡಿ ವರ್ಣಮಾಲಾ (ಕತ್ತಲೆಯಲ್ಲಿ ಹೊಗೆಯಾಡುವ ಪದಗಳು), ಲಫ್ಜಾನ್ ಡಿ ದರ್ಗಾ (ಪದಗಳ ದೇಗುಲ), ಪಟ್ಜರ್ ಡಿ ಪಜ಼ೆಬ್ ಮತ್ತು ಸುರ್ಜ಼ಮೀನ್ (ಸಂಗೀತ ಭೂಮಿ) ಇವು ಅವರ ಕವನ ಕೃತಿಗಳು.
ಇವರು ಫೆಡೆರಿಕೊ ಗಾರ್ಸಿಯಾ ಲೋರ್ಕಾ ಅವರ ಮೂರು ದುರಂತಗಳು, ಗಿರೀಶ್ ಕಾರ್ನಾಡ್ ಅವರ ನಾಗಮಂಡಲ ನಾಟಕ, ಮತ್ತು ಬರ್ಟೋಲ್ಟ್ ಬ್ರೆಕ್ಟ್ ಮತ್ತು ಪ್ಯಾಬ್ಲೋ ನೆರುಡಾ ಅವರ ಕವನಗಳನ್ನು ಪಂಜಾಬಿಗೆ ಅನುವಾದಿಸಿದ್ದಾರೆ. ಅವರು ಶೇಖ್ ಫರೀದ್ನಿಂದ ಶಿವ ಕುಮಾರ್ ಬಟಾಲ್ವಿವರೆಗೆ ಪಂಜಾಬಿ ಕವಿಗಳ ಮೇಲೆ ಟೆಲಿ-ಸ್ಕ್ರಿಪ್ಟ್ಗಳನ್ನು ಬರೆದಿದ್ದಾರೆ.
ಅವರು ಚಂಡೀಗಢದ ಪಂಜಾಬ್ ಆರ್ಟ್ಸ್ ಕೌನ್ಸಿಲ್ನ ಅಧ್ಯಕ್ಷರಾಗಿದ್ದಾರೆ. ಅವರು ೨೦೧೨ ರಲ್ಲಿ ಪದ್ಮಶ್ರೀ ಪ್ರಶಸ್ತಿಯನ್ನು ಪಡೆದರು.
"ಕ್ಯಾಂಡಲ್ಸ್", "ಹನೇರೆ ವಿಚ್ ಸುಲಗ್ಡಿ ವರ್ಣಮಾಲಾ", "ಅಯ್ಯಾ ನಂದ್ ಕಿಶೋರ್", "ಹನೇರ ಜರೇಗಾ ಕಿವೆನ್", "ಫಸ್ಲಾ", "ಕೋಯಿ ದಾಲಿಯಾ ಚೋ ಲಂಗೇಯ ಹವಾ ಬನ್ ಕೆ" ಇವು ಅವರ ಪ್ರಸಿದ್ದ ಕವನಗಳು.
ಸುರ್ಜಿತ್ ಪಾಟಾರ್ ಅವರು ಪಂಜಾಬಿ ಚಲನಚಿತ್ರವಾದ ಶಹೀದ್ ಉದ್ಧಮ್ ಸಿಂಗ್ ಮತ್ತು ದೀಪಾ ಮೆಹ್ತಾ ಅವರ ಹೆವನ್ ಆನ್ ಅರ್ಥ್ ಚಿತ್ರದ ಪಂಜಾಬಿ ಆವೃತ್ತಿಯಾದ ವಿದೇಶ್ನ ಸಂಭಾಷಣೆಗಳನ್ನು ಬರೆದಿದ್ದಾರೆ.
This article uses material from the Wikipedia ಕನ್ನಡ article ಸುರ್ಜಿತ್ ಪಾಟಾರ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.