Dardanelles: Selat ing Yunani

Dardanelles (éjaan Inggris: [ˌdɑːdəˈnelz], Basa Turki: Çanakkale Boğazı, Grikenlan: Δαρδανέλλια, Dardanellia), wiwitanipun dipuntepang minangka Hellespontos (basa Yunani: Ελλήσποντος, Hellespontos (éjaan Inggris: [ˈhelɪspɒnt]), kanthi barès gadhah teges "sagara Helle", inggih punika selat ciyut ing Turki pérangan kilèn-kidul ingkang nyambungake Sagara Aigea kaliyan Sagara Marmara. Selat punika inggih punika salah satunggaling Selat Turki, sareng kaliyan Selat Bosporus. Manggenipun wonten 40°13′N 26°26′E / 40.217°N 26.433°E / 40.217; 26.433. Selat punika dawanipun ngantos 61 kilomèter (38 mi) nanging jembaripun namung 1.2 ngantos 6 kilomèter (0.75 to 3.7 mi), lan jeronipun rata-rata inggih punika 55 mèter (180 ft) kanthi kedalaman maksimum ngantos 82 mèter (300 ft). Banyu mili marang kalih arah ing selat punika, saking Sagara Marmara dhateng Sagara Aigea medal arus lumah lan mili dhateng arah ingkang lawanan medal arus andhap sagara.

Kados Selat Bosporus, Dardanelles misahaken bawana Éropah (ujung Gallipoli) saking bawana Asia. Selat punika minangka perairan internasional, lan sareng kaliyan Bosporus, selat punika nyambungken Sagara Hitam kaliyan Sagara Tengah. Selat punika strategis sanget amargi dados penghubung Éropah lan Asia. Kacathet sajeroning sajarah laladan punika dados laladan pertempuran antawisipun inggih punika perang troya ing jaman yunani kuna sarta Kampanye Gallipoli nalika Perang Dunia I.

Satunggaling kreteg gantung badhé dipunyasa ngliwati selat punika, lan badhé nyambungaken Saricay (satunggaling distrik ing Çanakkale) ing Asia kaliyan Kilitbahir ing Éropah.t.