Gambang
Gambang iku salah siji prangkat gamelan Jawa, lan gamelan Bali uga ing instrumèn musik liya kaya déné kulintang, kang digawé saka wilah-wilah kayu kang lumrahé cacah 17 nganti 21 wilah.
Wilah-wilah kayu mau ditumpangaké ing sadhuwuring kothak pasagi dawa kang gunané kanggo résonansi (nggedhèkaké swara). Kanggo njaga supaya wilah-wilah mau ora nèmpèl siji lan sijiné, wilah-wilah dipasang ing sadhuwuring kothak nganggo paku kang dilebokaké ing bolongan kang cacahé loro saben wilah.
Wujud
Wujud gambang iki amèh padha saron ning luwih gedhé lan wilahe digawé saka kayu kang atos banget. jaman mbiyèn ana gambang gangsa, kang wilahe digawé saka tosan utawa logam ning saiki wis ora ana manèh. Ukuran wilah gambang antara 29 Cm nganti 58 Cm, kang ukurane luwih gedhé iku nduwé nada swara luwih cendhèk, kabèh cacahé ana 19 utawa 20 wilah.
Tabuh gambang luwih dawa tinimbang piranti tabuh gamelan liyané ya iku kira-kira 35 Cm.
Gambang swarane tekan 2 oktaf. Nabuhe cara gembyangan (tabuh kiro tiba thuthukan bareng) tugase kanggo rerenggan iringan lagu lan ritme. Ora saben gendhing utawa lagu bisa digambangi
Pranala njaba
This article uses material from the Wikipedia Basa Jawa article Gambang, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.