Basa Jepang: Basa
Basa Nippon (basa Jepang) (Aksara Jawa: ꦧꦱꦤꦶꦥ꧀ꦥꦺꦴꦤ꧀ ꧈ ꦧꦱꦗꦼꦥꦁ ) rungokna (pitulung·info) (日本語; romaji: Nihongo) iku nagarabasa ing Nippon lan cacahing panyatur 127 yuta wong.
| Basa Jepang | ||
|---|---|---|
| 日本語 [Nihongo] | ||
| Dituturaké ing | Jepang, Guam, Kapuloan Marshall, Palau, Taiwan | |
| Wilayah | Asia Timur, Oseania | |
| Gunggung panutur | 127 juta | |
| Ranking | 8 | |
| Rumpun basa | Ora diklasifikasi Jepanik | |
| Status resmi | ||
| Basa resmi ing | Jepang (de facto), Angaur (Palau) | |
| Regulated by | Pamaréntah Jepang | |
| Kodhe basa | ||
| ISO 639-1 | ja | |
| ISO 639-2 | jpnCithakan:Infobox Language/SIL14 | |
| ISO 639-3 | – | |
Basa Nippon uga dipigunakaké déning sawatara sing ndunungi nagara sing tau ditelukake kaya Korya lan Républik Cina. Basa iki uga bisa dirungokaké ing Amérika Sarékat (Keliforn'yah lan Haway) lan Brasil lantaran pindhahing wong Jepang mrana. Nanging, tedhak turuning wong Jepang sing diarani nisei (二世, angkatan kaloro), wis ora wasis basa mau.
Basa Jepang kapérang rong wangun ya iku Hyoujungo (標準語), carabasa baku, lan Kyoutsugo (共通語), carabasa lumrah. Hyoujungo iku wangun sing diajaraké ing sekolah lan dipigunakaké ing télépisi lan kabèh kaanan resmi.
Aksara Swara
_vowels.png)
Basa Nippon duwé limang aksara swara ya iku /a/, /i/, /ɯ/, /e/, dan /o/.
Carawaca swara basa Jepang iku kaya mangkene
- /a/ yaiku swara a miring kaya ''mlumah''
- /i/ yaiku swara i jejeg kaya "iku"
- /ɯ/ yaiku swara ü ameh padha u jejeg kaya ''mlaku"
- /e/ yaiku swara e jejeg kaya "gule''
- /o/ yaiku swara o jejeg kaya "omah"
Tulisan basa Nippon
Tulisan basa Nippon asalé saka tulisan basa Cina (漢字/kanji) sing diwanuhaké ing abad kaping papat Masehi. Sadurungé iku, wong Jepang ora duwé tatalaku (Ind: sistem) tulisan dhéwé.
Tulisan Jepang kapérang telu:
- aksara Kanji (漢字) sing asalé saka Cina
- aksara Hiraganah (ひらがな) lan
- aksara Katakanah (カタカナ); kaloroné unsur saka tulisan kanji lan dikembangaké ing abad kaping wolu Masehi déning juru agama Buda kanggo mbiyantu nuduhake carawaca aksara-aksara Cina.
Kaloro aksara pungkasan iku lumrah ingaran kanah lan kaloroné kena prabawa swarajati basa Sangsekreta. Prabawa iki isih bisa dideleng sajeroning urutaning aksara Kanah. Saliyané iku, ana uga sistem alihaksara sing ingaran romaji.
Basa Nippon sing kita wanuhi saiki iki, ditulis nganggo campuran aksara Kanji, Hiraganah, lan Katakanah. Kanji dianggo kanggo nyatakaké teges dhasar saka tembung (wujud tembung aran, tembung kriya, tembung kahanan, utawa tembung sandhangan). Hiraganah ditulis sawisé kanji kanggo ngowahi teges dhasar saka tembung mau, lan ngetrapake karo paugeran paramasastra basa Nippon.
Kanah
Aksara Hiraganah lan Katakanah (kanah) duwé urutan kaya ing ngisor iki, nduwé 46 set aksara. Kaloroné (Hiraganah lan Katakanah) ora duwé teges apa-apa saka awake dhewe kaya déné aksara sajeroning Basa Indonésia lan namung nglambangaké sawijining uni katamtu. Sanadyan, ana uga tembung-tembung sajeroning basa Nippon sing dumadi saka sawanda kaya ta: 目 me (mata), 木 ki (wit), 二 ni (loro), lsb. Aksara iki diajaraké ing tataran durung wiyata (TK) ing Nippon.
Pranala njaba
| Èdhisi Japanese saka Wikipédia, bauwarna bébas |
- Tentang Basa dan Aksara Jepang
- Kelas Basa Jepang Online di Internet, Gratis
- Kanji - Kamus Online Jepang Indonésia Archived 2009-08-30 at the Wayback Machine. (BPPT)
- ポケットに入るインドネシア[pranala mati permanèn] Indonésia dalam Saku
- Atrinia.Com - Kamus on the Fly Archived 2019-12-20 at the Wayback Machine. Kamus Jepang-Indonésia-Inggris
- Komunitas Belajar Basa Jepang di Indonésia, untuk level pemula dan menengah
- Basa Jepang abjad latihan gerak badan (PDF)
- AKSER Brasil - Learn Japanese - Video Archived 2009-02-02 at the Wayback Machine.
This article uses material from the Wikipedia Basa Jawa article Basa Jepang, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.