66°Norður er íslenskt fyrirtæki sem hannar, framleiðir og selur föt.
Fötin eru sniðin á börn, konur og menn og henta fyrir alla útiveru. Fyrirtækið hefur unnið mörg hönnunarverðlaun fyrir vörur sínar, svo sem Scandinavian Outdoor Awards (SOA).
Sjóklæðagerðin ehf. | |
Rekstrarform | Einkahlutafélag |
---|---|
Slagorð | Keeping Iceland warm since 1926 |
Stofnað | 1926 sem Sjóklæðagerð Íslands |
Stofnandi | Hans Kristjánsson |
Staðsetning | Garðabæ |
Starfsemi | Fatagerð |
Vefsíða | 66north.is |
66°Norður, eða Sjóklæðagerðin eins og fyrirtækið heitir sums staðar, hóf göngu sína árið 1926 á Suðureyri við Súgandafjörð. Upprunalega hét fyrirtækið Sjóklæðagerðin en 66°Norður nafnið kom til vegna þess að Súgandafjörður er nálægt breiddargráðunni 66 gráður norður og þótti það því við hæfi. Hans Kristjánsson, ungur sjómaður á Suðureyri, hóf tilraunir heima hjá sér í Súgandafirði við gerð sjófatnaðar og var kostaður af útgerðarmönnum í nám til Noregs til að læra af sjóklæðagerðum þar í landi. Þegar hann kom aftur heim til Íslands hóf Hans að sníða og framleiða sinn eigin sjófatnað og stofnaði Sjóklæðagerð Íslands. Tilgangur fyrirtækisins var að búa til betri fatnað fyrir sjómenn sem létti þeim verkin og gerði tilveru þeirra örlítið öruggari.
Vörulína fyrirtækisins hefur breikkað mikið á undanförnum árum og er nú fatnaðurinn orðinn hversdagsfatnaður margra Íslendinga í þeirra daglega lífi. Frá upphafi hefur félagið starfrækt sínar eigin verksmiðjur og fer stærstur hluti framleiðslunnar í dag fram í verksmiðjum í Lettlandi. Þar starfa um 200 manns (árið 2016) við framleiðslu og pökkun á útivistarfatnaði, sjófatnaði og vinnufatnaði fyrir fjölmargar starfstéttir, allt frá byggingarverkamönnum til lögregluþjóna.
Fyrirtækið býður upp á ýmsa þjónustu, svo sem sérsaum, merkingar og ýmsar viðgerðir á vörum þess.
Eftirfarandi listi af verslunum 66°Norður hér á landi og erlendis:
This article uses material from the Wikipedia Íslenska article 66°Norður, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.