Síminn

Fyrirtækið var í ríkiseigu, hét áður Landssími Íslands og var stofnað árið 1906. Landsíminn var í fyrstu í gamla barnaskólanum í Reykjavík á horni Pósthússtrætis og Hafnarstrætis. Fyrsti yfirmaður Landssímans var Norðmaðurinn Olav Forberg en hann hafði stjórnað lagningu símalína um landið. Fyrstu menntuðu íslensku símamennirnir voru símritarar sem höfðu verið í námi hjá Mikla norræna ritsímafélaginu í Kaupmannahöfn.

Síminn hf.
Rekstrarform	Hlutafélag
Slagorð	Þú getur meira með Símanum
Stofnað	Upprunalega 1906 (sameinað úr Landssíma Íslands, Íslenska sjónvarpsfélaginu og Skipti árið 2005)
Staðsetning	Ármúli 25 108 Reykjavík
Lykilpersónur	Jón Sigurðsson, stjórnarformaður Orri Hauksson, forstjóri
Starfsemi	Fjarskipti
Vefsíða	siminn.is

Landssími Íslands var stofnaður sama ár og sæsímastrengur fyrir ritsíma var lagður frá Skotlandi um Færeyjar til Íslands og kom hann á land á Seyðisfirði. Skeyta- og talsími var lagður frá Seyðisfirði um Akureyri og til Reykjavíkur.

Árið 1935 var síma- og póstþjónustan sameinuð í eitt fyrirtæki, Póstur & sími, en árið 1998 var Landssími Íslands hf stofnaður. Haustið 2005 seldi Ríkisstjórn Íslands 98,8% eignarhlut sinn í Landssíma Íslands til Skipta ehf.

15. október 2015 var Síminn formlega skráður á aðalmarkað Nasdaq Iceland.

• Skipti:Saga Geymt 25 september 2008 í Wayback Machine
• Saga Símans

• Heimasíða Símans

Síminn í fjölmiðlum

• „Eig­andi Símans greiðir 300 milljóna króna stjórn­valds­sekt“; grein af Dv.is 2013 Geymt 27 mars 2013 í Wayback Machine
• Viðskiptavild Skipta lækkaði um 33 milljarða frá 2008 Geymt 2 júlí 2014 í Wayback Machine