Ֆիլմ, 2009 Գեյմերը
«Գեյմեր» կամ «Խաղացողը» (անգլ.՝ Gamer), ամերիկյան ֆիլմ, Մարկ Նևելդայնի և Բրայն Թեյլորի ֆանտաստիկ թրիլլերը։
 անգլ.՝ Gamer | |
|---|---|
 | |
| Երկիր |  ԱՄՆ |
| Ժանր | մարտաֆիլմ, թրիլեր, ֆանտաստիկ ֆիլմ[…], ֆիլմ բանտի մասին և կիբեռպանկ |
| Թեմա | հեռուստաներկայություն |
| Թվական | հոկտեմբերի 29, 2009, հունվարի 7, 2010 և 2009 |
| Լեզու | անգլերեն |
| Ռեժիսոր | Մարկ Նևելդայն[…] և Բրայն Թեյլոր[…] |
| Պրոդյուսեր | Թոմ Ռոզենբերգ, Գարի Լուչեզի և Սկիփ Ուիլյամսոն |
| Սցենարի հեղինակ | Մարկ Նևելդայն և Բրայն Թեյլոր |
| Դերակատարներ | Ջերարդ Բաթլեր[…], Մայքլ Հոլ[…], Էմբեր Վալեթա[…], Լոգան Լերման[…], Թերի Քրյուզ[…], Լուդաքրիս[…], Կիռա Սեջվիկ[…], Էլիսոն Լոհման[…], Ջոն Լեգուիզամո[…], Դևիդ Քիթ[…], Աարոն Ձու, Մայքլ Ուեսթոն, Ջոն դե Լանսի, Մայլո Վենտիմիլիա, Զոի Բել, Մեգի Լոուսոն, Ջեյմս Ռոդեյ, Էշլի Ռիկարդս, Լլոյդ Կաուֆման, Էֆրեն Ռամիրես, Սեմ Ուիթվեր, Ջոնաթան Չեյզ, Ջեյդ Ռամզի, Սեդի Ալեքսանդրու, Քեյթ Ջարդին, Նիկիտա Ռամզի և Միմի Մայքլս |
| Օպերատոր | Էքեհարթ Փոլաք |
| Մոնտաժ | Փիթեր Ամունդսոն և Ֆեռնանդո Վիլյենա |
| Պատմվածքի վայր | Նյու Յորք |
| Նկարահանման վայր | Նյու Մեքսիկո |
| Կինոընկերություն | Lakeshore Entertainment և Lions Gate Entertainment |
| Տևողություն | 95 ± 1 րոպե |
| Պաշտոնական կայքէջ | |
Ֆիլմի առաջին կարգախոսն է՝ In the near future, you don’t live to play… you’ll play to live (մոտավոր թարգմանություն՝ «Մոտ ապագայում դուք չեք ապրի խաղալու համար... դուք կխաղաք ապրելու համար»), փոխարինվել է՝ Who’s playing you? (թարգմ․՝ «Ով է խաղում քեզնով»)։ Համաշխարհային պրեմիերան տեղի է ունեցել 2009 թվականի սեպտեմբերի 4-ին։
Սյուժե
Ֆիլմի գործողությունները տեղի են ունենում 2034 թվականին, որտեղ նանոտեխնոլոգիաների բարձրագույն զարգացումը տեխնոլոգիական հանճար Քեն Քասլին թույլ է տվել տեսախաղը միացնել ռեալիթի-շոուի հետ և մոդելավորել ուլտրաֆունկցիոնալ, բազմաօգտագործող «Մարդասպաններ» խաղը, որը դարձել է տեղի հանցագործների միջավայրը։
Ջոն Թիլմանը (Ջերարդ Բաթլեր), որը դատապարտվել է ցմահ ազատազրկման իր չկատարած հանցագործության համար,պետք է մասնակցի խաղին, որպեսզի ազատություն ստանա։ Մի հարուստ երիտասարդ խաղացողի համար Ջոն Թիլմանը Քեյբլ է, պարզապես խաղի կառավարվող կերպար։ Իր մարտական ունակությունների և ֆիզիկական ուժի շնորհիվ Քեյբլը դառնում է ազգային հերոս և զբաղեցնում է առաջին տեղը խաղում։
Ամեն շաբաթ միլիոնավոր մարդիկ ամբողջ աշխարհում առցանց հետևում են նրան և հարյուրավոր այլ մահապարտների, որոնք մասնակցւմ են խաղի մարտերին։ Ըստ ապստամբների խմբի, որը դիմակայում է Քասլին, նրա խաղը բարձր տեխնոլոգիական ստրկություն է, և դա այն կարևոր տարրն է, որը պետք է ոչնչացվի։ Քեյբլ/Թիլմանը հայտնվել է երկու հզոր հակառակորդ ուժերի միջև։ Յուրաքանչյուր քայլով, որին հետևում են միլիոնավոր մարդիկ, Ջոն Թիլմանը պայքարում է ազատություն ստանալու, իր ինքնությունը վերականգնելու և այն համակարգը տապալելու համար, որը բանտարկել է նրան։
Դերերում
- Ջերարդ Բաթլեր – Ջոն «Քեյբլ» Թիլման
- Էմբեր Վալեթա – Էնջի «Նիկա» Թիլման
- Մայքլ Սի Հոլ – Քեն Քասլ
- Լոգան Լերման – Սիմոն Սիլվերտոն
- Կիռա Սեջվիկ – Ջինա Փարքեր Սմիթ
- Քրիս Լուդաքրիս Բրիջես – Եղբայր «Մարդկանց Զեդ»
- Էլիսոն Լոման – Թրեյս
- Ջոն Լեգուիզամո – Ֆրիկ
- Մայլո Վենտիմիլյա – Ռիք Ռեյփ
- Թերի Քրուզ – Հեքմեն
- Զոի Բելլ – Սանդրա
- Ահարոն Յու – Տղա
- Սեմ Ուիթվեր – սոցիալական գործակալ
- Ջեյմս Ռոդեյ – լրագրող
- Մեգի Լոուսոն – լրագրող
- Ջեյդ Ռեմսի – Կումդումպստա #1
- Ռիչարդ Մակովից – կապույտ զինվոր
Արտադրություն
2007 թվականի մայիսին Lakeshore Entertainment վարձել է Մարկ Նևելդայնին և Բրայն Թեյլորին ֆուտուրիստական թրիլլեր ստեղծելու համար՝ «Խաղ» աշխատանքային անվանումով։ Նևելդայնն ու Թեյլորը գրել են սցենար և զբաղվել են ֆիլմի ռեժիսուրայով, գլխավոր դերը տրվել է Ջերարդ Բաթլերին։
Նկարահանումներն անցկացվել են Ալբուկերկեում (Նյու Մեքսիկո նահանգ)՝ Albuquerque Studios-ում և տևել 53 օր։ Ստուդիայից դուրս նկարահանումների համար օգտագործվել է Ալբուկերկեի բիզնես շրջանը։ Նկարահանումների ժամանակ օգտագործել են Red One թվային տեսախցիկ։
2009 թվականի մարտին ֆիլմի աշխատանքային անվանումը դարձվել է Citizen Game։ 2009 թվականի մայիսին ֆիլմի վերնագիրը դարձվել է Gamer։
Արձագանքներ
Rotten Tomatoes կայքում ֆիլմն ունի 29 % դրական արձագանքներ ընդհանուր 73-ից։ Metacritic կայքում ֆիլմն ստացել է 27 միավոր 100-ից 13 վերլուծությունների հիման վրա։
Հասույթ
«Գեյմերը» վարձույթի առաջին օրը հավաքել է 3,3 մլն դոլար՝ զբաղեցնելով 4-րդ տեղը։ Առաջին շաբաթվա ընթացքում ֆիլմը վաստակել է 9 156 057 դոլար։ ԱՄՆ-ում ֆիլմը հավաքել է 20 534 907 դոլար, իսկ արտասահմանում՝ 18 848 906 դոլար։
Ծանոթագրություններ
This article uses material from the Wikipedia Հայերեն article Գեյմերը (ֆիլմ, 2009), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.