Ագոստինո Կարաչի

Ագոստինո Կարաչի; իտալ.՝ Agostino Carracci
Ծնվել է	օգոստոսի 16, 1557
Ծննդավայր	Բոլոնիա, Պապական մարզ
Վախճանվել է	մարտի 22, 1602[…] (44 տարեկան)
Մահվան վայր	Պարմա, Պարմայի դքսություն
Քաղաքացիություն	Պապական մարզ
Մասնագիտություն	նկարիչ, փորագրիչ, նկարիչ-փորագրող և գծանկարիչ
Ժանր	պատմական գեղանկարչություն և դիմապատկեր
Թեմաներ	գեղանկարչություն
Ուշագրավ աշխատանքներ	Annunciation?, The Last Communion of St Jerome? և Hairy Harry, Mad Peter and Tiny Amon by Agostino Carracci?
Ուսուցիչ	Domenico Tibaldi?, Պրոսպերո Ֆոնտանա և Բարտոլոմեո Պասերոտի
Աշակերտներ	Giovanni Lanfranco? և Անտոնիո Մարցիալե Կարաչի
Զավակներ	Անտոնիո Մարցիալե Կարաչի
	Agostino Carracci Վիքիպահեստում

Նկարիչ Անիբալե Կարաչիի եղբայրը։

Կենսագրություն

Ագոստինոն պատրաստվում էր դառնալ ոսկերիչ, սակայն հետևելով իր հորեղբոր որդու՝ Լոդովիկո Կարաչիի խորհրդին, դառնում է նկարիչ։ Լոդովիկոն մեծ ազդեցություն է ունեցել Ագոստինոյի` նկարիչ կայանալու գործում։ Բացի այդ, նա սովորել է գեղանկարչություն է Պրոսպերո Ֆոնտանայի, Բարտոլոմեո Պասերոտիի, Դոմենիկո Տիբալդիի մոտ, ճանապարհորդել է Լոմբարդիա, այցելել Վենետիկ։ Շատ կարդացած լինելով` նա Կարաչի եղբայրների կողմից կազմակերպված «Ճշմարիտ ուղով ընթացողների ակադեմիայում» (իտալ.՝ Academia degli Incamminati) վարել է արվեստի տեսության մասին դասախոսություններ։ Նրա փոքրաքանակ գեղանկարչական աշխատանքները (դրանցից լավագույններն են Հռոմի Պալացցո Ֆարնեզեի ֆրեսկոները, որոնք նա նկարել է եղբոր` Անիբալե Կարաչիի հետ, «Սբ. Իերոնիմայի հաղորդությունը» և «Տիրամոր համբարձումը»` Բոլոնիայի ազգային պատկերասրահում) տարբերվում են նկարի ճշգրտությամբ և պայծառ, լուսավոր երանգավորմամբ։

Ագոտինոն ավելի հայտնի փորագրիչ էր, քան իր եղբայր Անիբալեն։ Ընդօրինակելով Կորտ Կորնելիսին` նա վարպետացել է փորագրության մեջ։ Նրա առավել հայտնի փորագրություններից են` «Խաչելություն» (Տինտորետտոյի հետ, 1589 թվական), «Էնեաս և Անխիս» (Բարոչչինոյի հետ, 1595 թվական), «Աստվածամայրը մանուկի հետ» (Կորեջիոյի հետ), «Սբ. Անտոն Մեծի գայթակղությունը», «Սբ. Հիերոնիմոս» (Տինտորետտոյի հետ), ինչպես նաև` որոշ փորագրություններ իր սեփական աշխատանքներից։ Ագոստինո Կարաչին ճանաչում է ձեռք բերել էրոտիկ բնույթի իր փորագրությունների շնորհիվ, նկարազարդելով Արետինոյի այսպես կոչված «Դիրքերը»։

Ագոստինո Կարաչիի էրոտիկ փորագրություններ

Պատկերասրահ

Ֆավնի գլուխը: Արվեստի ազգային պատկերասրահ, Վաշինգտոն
Սբ. Հիերոնիմոսի հաղորդությունը: Բոլոնիայի ազգային պատկերասրահ
Դեմոկրիտես, Նեապոլի Կապոդիմոնտե թանգարան

Ծանոթագրություններ

Գրականություն

Неустроев А. А. (1890–1907). «Карраччи». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ.{{cite book}}: CS1 սպաս․ location missing publisher (link)

Արտաքին հղումներ

Վիքիպահեստն ունի նյութեր, որոնք վերաբերում են «Ագոստինո Կարաչի» հոդվածին։

This article uses material from the Wikipedia Հայերեն article Ագոստինո Կարաչի, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.