Անիբալե Կարաչի
Անիբալե Կարաչի (իտալ.՝ Annibale Carracci), նոյեմբերի 3, 1560, Բոլոնիա, Պապական մարզ - հուլիսի 15, 1609(1609-07-15), Հռոմ, Պապական մարզ), իտալացի նկարիչ, Բոլոնիայի դպրոցի քանդակագործ, նկարիչ Ագոստինո Կարաչիի եղբայրը։
Անիբալե Կարաչի իտալ.՝ Annibale Carracci | |
|---|---|
 | |
| Ծնվել է | նոյեմբերի 3, 1560 |
| Ծննդավայր | Բոլոնիա, Պապական մարզ |
| Վախճանվել է | հուլիսի 15, 1609[…] (48 տարեկան) |
| Մահվան վայր | Հռոմ, Պապական մարզ |
| Քաղաքացիություն | .svg){kind=small} Պապական մարզ |
| Մասնագիտություն | նկարիչ, նկարիչ-փորագրող, գծանկարիչ, գծագրող և գրաֆիկական դիզայներ |
| Ոճ | բարոկկո |
| Ժանր | պատմական գեղանկարչություն, ժանրային նկարչություն և դիմանկար |
| Թեմաներ | գեղանկարչություն |
| Ուշագրավ աշխատանքներ | Corpse of Christ?, The Choice of Hercules? և Resurrection of Christ? |
| Ուսուցիչ | Պրոսպերո Ֆոնտանա |
| Աշակերտներ | Անտոնիո Մարցիալե Կարաչի |
| Ազգականներ | Անտոնիո Մարցիալե Կարաչի |
ստորագրություն | |
 Annibale Carracci Վիքիպահեստում | |
Կենսագրություն
Պասերոտոյի և իր երկպորտ եղբոր` նկարիչ Լյուդովիկ Կարաչիի աշակերտը, Անիբալը արվեստի դասեր է վերցրել Կորեջիոյից, Տինտորետտոյից, Պաոլո Վերոնեզեից, Ռաֆայելից ու Միքելանջելոյից։ Այս վարպետներին նմանակելու ձգտումը վառ արտահայտված է նրանց վաղ ստեղծագործություններում։ 1582 թվականին Անիբալե և Ագոստինո Կարաչիները հիմնել են սեփական դպրոցը, որն արդյունքում ստացել է «Ակադեմիա դելի Ինկամինատի» անվանումը։ Անիբալեն գործուն մասնակցություն է ունեցել Ակադեմիայի մանկավարժական ու գեղարվեստական գործունեությանը։ 1597 թվականին Անիբալե Կարաչին հրավիրվել է Հռոմ կարդինալ Ֆարնեզեի կողմից` առասպելաբանական թեմատիկայով ձևավորելու Պալացցո Ֆարնեզեի պատերը։ Այդ աշխատանքը նրանից, իր եղբայր Ագոստինոյից ու աշակերտներից խլել է 8 տարի։ Նրանց կողմից ստեղծված որմնանկարները նշանակալի են իրենց հաջող դիրքերով, համադրությունների իմաստավորումով և բազմապիսությամբ ու նկարչի հաջողված նկարներին բնորոշ գույների թարմությամբ։ 1602 թվականին Անիբալե Կարաչին պատվեր է ստանում որմնանկարելու հռոմական Էրերա դե Սան Ջակոմո դելի Սպանիոլի կապելան։ 1605 թվականից սկսած դաժան հոդացավերը թույլ չեն տալիս նկարչին սբաղվել գեղանկարչությամբ։ Չնայած համընդհանուր ճանաչմանը, Անիբալեն Կարաչին մահացել է 49 տարեկան հասակում, աղքատության մեջ և թաղվել է Պանթեոնում, Ռաֆայելի կողքին` ըստ մահից առաջ հայտնած իր ցանկության։
Ստեղծագործություն
Կարաչիի գեղարվեստական ստեղծագործությունների արժանիքները կայանում է համադրության արվեստում, խելամտորեն հաշվարկված կերպարներում և գույների թարմության մեջ:Սակայն քննադատները նաև նշում են իրականության բացակայությունը նրա աշխատանքներում։ Անիբալե Կարաչիի կրոնական կոմպոզիցիաները տիպիկ արտացոլումն է իր ժամանակների սենտիմենտալ և անիրական աստվածատկերման։ Բացի հոգևոր, դիցաբանական և այլաբանական բովանդակության նկարներից, պատկերել է նաև բնանկաներ։
Հիմնական աշխատանքներ
- «Աստվածամայրը սրբերի հետ» (1592);
- «Քրիստոսի հարությունը»
- «Սուրբ Ռոխ»
- «Բաքոսուհին և սատիրը»
- «Քրիստոսը և սամարացին»
- «Մանուկների ծեծ»
- «Սուրբ ընտանիք»
- «Հանգիստ Եգիպտոսի ճանապարհին»
- «Մահացած Քրիստոսը»
Իր փորագրություններում Անիբալե Կարաչին ստեղծել է գրեթե բացառապես սեփական համադրություններ («Խաչելություն», «Յուպիտերը և Անտիոպան», «Քրիստոս» և այլն)։
Պատկերասրահ
-
Ինքնանակար մոտ. 1580 -
-
-
-
Ընդեղեն խժռողը 1584—1585
Ծանոթագրություններ
Արտաքին հղումներ
- «Annibale Carracci» (անգլերեն). Artble. Վերցված է 2016 թ․ դեկտեմբերի 19-ին.
- Аннибале Карраччи. Картины
 | Վիքիպահեստն ունի նյութեր, որոնք վերաբերում են «Անիբալե Կարաչի» հոդվածին։ |
This article uses material from the Wikipedia Հայերեն article Անիբալե Կարաչի, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.