Ֆրենսիս Քոբեյն

Ֆրենսիս Քոբեյն; անգլ.՝ Frances Bean Cobain
Ծնվել է	օգոստոսի 18, 1992 (31 տարեկան)
Ծննդավայր	Լոս Անջելես, Կալիֆոռնիա, ԱՄՆ
Քաղաքացիություն	ԱՄՆ
Կրթություն	Highland Hall Waldorf School?
Մասնագիտություն	արվեստագետ, լրագրող և մոդել
Ամուսին	Isaiah Silva? և Riley Hawk?
Ծնողներ	հայր՝ Կուրտ Քոբեյն, մայր՝ Քորթնի Լավ
	Frances Bean Cobain Վիքիպահեստում

Կենսագրություն

Ֆրենսիս Քոբեյնը ծնվել է 1992 թվականի օգոստոսի 18-ինառավոտյան 7:48՝ Լոս Անջելեսի Cedars-Sinai բժշկական կենտրոնում, Քալիֆորնիա։ Նա անվանվել է ի պատիվ շոտլանդական The Vaselines ինդի փոփ դուո խմբի կիթառահար Ֆրանսիս Մակքիի։ Երկրորդ անունը (Բին) նրան տվել է հայրը՝ Կուրտ Քոբեյնը, կարծելով թե Ֆրենսիսը նման է լոբու։ Նրա կնքահայրն է նախկին R.E.M.-ի վոկալիստ Միքայել Սթայփը։ Ռոուզմարի Քերոլը՝ Կուրտի նախկին փաստաբանը, Քորթնի Լավը, Նիրվանան և դերասանուհի Դրյու Բերիմորը Ֆրենսիսի կնքամայրերն են։ Մինչև Ֆրենսիսի ծնունդը, լուրեր էին պտտվում, որ Քորթնի Լավը օգտագործում է հերոին իր հղիության ընթացքում։ Սկանդալը տարածվեց, երբ Վանիթի Ֆեյրը հրատարակեց Լայն Հիրշբերգի «Տարօրինակ սեր» հոդվածը, որտեղ նշված էր, որ Լավը շարունակել է հերոինի օգտագործումը նույնիսկ այն ժամանակ, երբ պարզել է իր հղիության մասին։ Քորթնին և Կուրտը պնդում էին, որ Վանիթի Ֆեյրը իր խոսքերն ընտրել է համատեքստից դուրս։ Ի վերջո, երեխաների խնամքի ծառայությունը հետաքննեց նրանց ծնողական ընդունակությունները։ Հետաքննությունն ավարտվեց, սակայն ոչ առանց իրավական քաշքշուկների, և այդ պատճաոով Կուրտը և Լավը զրկվեցին ծնողական իրավունքներից, երբ Ֆրենսիսն ընդամենը 2 շաբաթական էր։ Երկարատև իրավական ճակատամարտից հետո նրանք կարողացան վերականգնել իրենց դստեր խնամակալությունը։ Հետագայում երկու տարի անընդմեջ նրանք վարձում են դայակներ՝ նրանց օգնությամբ Ֆրենսիսի մասին հոգ տանելու համար։ Ըստ Մայքլ Ազերադի, այս միջադեպը ոգեշնչեց Կուրտին՝ Rape me երգը գրելու համար։ 1994 թվականի ապրիլի 1-ին Ֆրենսիսն այցելում է հորը The Exodus վերականգնողական կենտրոնում, Քալիֆորնիա, որտեղ նրանք միասին նվագում են։ Դա վերջին անգամն էր, որ Ֆրենսիսը տեսավ հորը։ Ապրիլի 8-ի առավոտյան Կուրտին գտնում են Սիեթլի իր տանը մահացած։ Կուրտի վերջին արարողությունը կազմակերպվում է մոր կողմից 1999 թվականի Մայիսի 31-ին՝ Քորթնի Լավի և Թրեյսի Մերենդերի մասնակցությամբ։ Ֆրենսիսին մեծացրել են մայրը, հորաքույրը և հայրական տատը։ Նա կյանքի առաջիկա տարիներն անց է կացրել Սիեթլում և Լոս Անջելեսում։ 2003-ի հոկտեմբերին Ֆրենսիսը նորից վերադառնում է տատիկի մոտ, մոր՝ հերոինի հետ կապված ձերբակալության պատճառով։ Ձերբակալությունից մի քանի ժամ հետո Լավը ընդունում է ցավազրկողների չափից մեծ քանակ։ Նա Ֆրենսիսի խնամակալությունը վերականգնում է 2005 թվականին։ 2009 թվականի դեկտեմբերի 11-ին Քալիֆորնիայի վերջին ատյանի դատարանը Լոս Անջելեսում Ֆրենսիսի ժամանակավոր համախնամակալներ է նշանակում իր տատին՝ Վենդի Օքօնորին և Քիմբերլի Քոբեյնին։ 2009-ի դեկտեմբերի 16-ին դատական զեկույց ստացվեց, որ Լավը ժամանակավոր զրկվում է դստեր հետ յուրաքանչյուր ուղղակի կամ անուղղակի կապեր ունենալուց։ 2010-ի օգոստոսի 18-ին Ֆրենսիսը ժառանգում է հոր կարողության 37%-ը։ Փաստաթղթերն ապացուցում են, որ այժմ Ֆրենսիս Քոբեյնն է ղեկավարում անվան իրավունքները, այլ ոչ թե Լավը։ 2011-ին Ֆրենսիսը գնեց իր առաջին իսպանական ոճով առանձնատունը 1.8 միլիոն դոլլար արժողությամբ։ Այն գտնվում է Արևմտյան Հոլիվուդում, Սանսեթ Սթրիփից մի փոքր հեռավորության վրա։

Մասնագիտություն

Մոդելավորում

2006-ի օգոստոսին Ֆրենսիս Քոբեյնը նկարահանվել է ELLE ամսագրում, իր հոր հայտնի շագանակագույն կարդիգանով և գիշերային տաբատով, որպես հոդվածի մաս, ուր ռոք աստղերի երեխաները ներկայացնում են իրենց ծնողների հագուստը։ Նա բացատրում է. «Ես հագել եմ նրա գիշերազգեստը, որովհետև 1992-ին նա դրանով է ամուսնացել մորս հետ Հավայան կղզիներում։ Ես կարծեցի, որ այն գեղեցիկ կնայվի, եթե ես հագնեմ այսօր։ Նա շատ ալարկոտ էր կոստյում հագնելու համար, և նա ամուսնացավ գիշերազգեստով»։ 2008 թվականի փետրվարին նա հայտնվեց Harper's Bazaar ամսագրում, Էվիտայի կերպարով։ Քոբեյնը նկարահանվել է Հեդի Սլայմոնի 2011 թվականի օգոստոսի 2-ի վեբ ֆոտոշարքում։

Արվեստ

2010 թվականի հուլիսին Քոբեյնը թողարկեց իր աշխատանքների հավաքածուն «Scumfuck» խորագրով Լոս Անջելեսի La Luz de Jesus պատկերասրահում։ Այն հանդես է գալիս «Fiddle Tim» կեղծանվան տակ։ 2012 թվականի օգոստոսի 4-ին նա մասնակցել է MIXTAPE շոուին։ Արտիստներին խնդրել էին ընտրել մի երգ և ստեղծել արվեստի գործ՝ ոգեշնչված այդ երգով։ Ֆրենսիսն ընտրեց The Jesus and Mary Chain-ի «Բլեք» երգը։ Այն ընտրվեց iTunes-ում թվային ցուցադրության համար։ 2012 թվի հոկտեմբերի 30-ին Ֆրենսիսը հայտարարեց, որ իր առաջին ցուցահանդեսը տեղի կունենա 2013 թվականի փետրվարին։

Այլ ձեռնարկումներ

Քոբեյնը որպես պրակտիկանտ աշխատել է Rolling Stone ամսագրի համար 2008 թվականի հունիսից օգոստոսը։ 2009-ին պարզ է դառնում, որ նա հրաժարվել է Թիմ Բարթոնի՝ «Ալիսը հրաշքների աշխարհում» ֆիլմի Ալիսայի կերպարը մարմնավորել։ Քոբեյնը նաև հայտնվել է որպես հյուր-վոկալիստ Էվելին Էվելինի «My Space» երգում, որը ձայնագրվել է 2010 թվականի մարտի 30-ին։ Ամանդա Փալմերը պարզաբանել է, որ Ֆրենսիսը այն 20 արվեստագետներից մեկն է, ում ձայնն ամբողջովին համընկել է ձայնագրմանը։ Քոբեյնը նաև եղել է գործադիր պրոդյուսեր իր հոր մասին պատմող HBO ֆիլմում՝ «Kurt Cobain: Montage of Heck»-ում։

Անձնական կյանքը

2005 թվականի սեպտեմբերին տասներեքամյա Քոբեյնը տվել է իր առաջին հարցազրույցը Teen Vogue-ին, որում նա պատմում է իր անձնական ոճի և ընտանիքի մասին։ Մեկ այլ հարցազրույց հայտնվում է ID ամսագրում, որում նա բացասաբար է արտահայտվում մոր մասին հոդվածների համար և ասում.«Երբ չափից շատ ստեր եմ լսում նրա մասին մամուլից, դա բացասաբար է ազդում»։ Քոբեյնը 2010-ին հարցազրույց է տվել իր արվեստի մասին որպես «Fiddle Tim»։ 2008 թվի սեպտեմբերին Ֆրենսիսը նշեց իր «R.I.P. CHILDHOOD» 16-րդ տարեդարձը Լոս Անջելեսի House of Blues-ում։ 2010 թվականի հունվարին Ֆրենսիսը հանդիպում էր երաժիշտ Իսայահ Սիլվայի հետ (ծնվ. 1985 թ. հունվարի 20)։ 2011 թվականի հոկտեմբերին նրանք հայտարարում են իրենց նշանադրության մասին։ Նրանք ամուսնացել են 2015 թվականին գաղտնի արարողությամբ՝ նշանադրությունից 4 տարի անց։

2014 թվականին Լանա Դել Ռեյը հարցազրույցներից մեկի ժամանակ հիացմունքով նշեց լավագույն արտիստներին, այդ թվում նաև Կուրտ Քոբեյնին, և ավելացրեց. «Երանի ես էլ արդեն մեռած լինեի․․․ես չեմ ցանկանում շարունակել այս ամենը»։ Ֆրենսիսը նրա Twitter-ի էջին պատասխան ուղարկեց. «Ես երբեք լիարժեք չեմ ճանաչի իմ հորը, որովհետև նա երիտասարդ մահացավ։ Դա դառնում է ցանկալի սխրանք, քանի որ ձեզ նման մարդիկ կարծում են, որ դա զիլ է․․․ ամենևին էլ այդպես չէ։ Ընդունեք կյանքը, քանի որ այն մեկ անգամ է տրված։ Մարդիկ վատնում են իրենց կյանքը։ Մի՛ եղեք այդ մարդկանցից մեկը»։ Լանան հետո միայն հայտարարեց, որ իր խոսքերը համատեքստից դուրս էին։

Ծանոթագրություններ

Արտաքին հղումներ

Վիքիպահեստն ունի նյութեր, որոնք վերաբերում են «Ֆրենսիս Քոբեյն» հոդվածին։

This article uses material from the Wikipedia Հայերեն article Ֆրենսիս Քոբեյն, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.