Սոմնաթ (սանսկրիտ՝ सोमनाथमन्दिर, somanātha-mandira IAST, գուջարաթի՝ સોમનાથ મંદિર — «Լուսնի տիրակալի տաճար».
անվանումն առաջացել է Սոմայի անունից, ով հնդկական դիցաբանության մեջ Լուսնի և սրբազան խմիչքի դիցուհին էր), Շիվա աստծուն նվիրված հինդուիստական տաճար և ուխտագնացությունների սրբավայր։ Գտնվում է Հնդկաստանի Գուջարաթ նահանգի արևմտյան մասում, ծովի ափին, Սաուրաշտրա շրջանի Վերավալ բնակավայրի մոտ՝ Պրաբհաս Պատանում։ Շիվային նվիրված 12 ջյոթիրլինգամ-տաճարներից առավել սուրբն ու պաշտելին է։ «Հավիտենական սրբավայրի» համարում ունի. վեց անգամ ավերվել է մուսուլմանների ձեռքով՝ Հնդկաստան նրանց ներխուժելու ժամանակ՝ սկսած Մահմուդ Ղազնևիի 1024 թվականի արշավանքից, բայց ամեն անգամ վերականգնվել է, վերակառուցվել, նորացվել։ Որոշակիացված չէ, թե երբ է տաճարի առաջին տարբերակը կառուցվել. մասնագետների կարծիքները խիստ զանազանվում են՝ կառուցման ժամանակը ձգելով մեր թվականության առաջին դարերից մինչև 9-րդ դար։ Ներկայումս գոյություն ունեցող տաճարը կառուցվել է 1947 թվականին, Հնդկաստանի անկախության համար մարտնչած հնդիկ քաղաքական գործիչ Սարդար Պատելի նախաձեռնությամբ։
🌐 | somnath.org |
---|---|
Վիքիճամփորդն ունի Somnathին առնչվող զբոսաշրջային տեղեկատվություն։ |
Վիքիպահեստն ունի նյութեր, որոնք վերաբերում են «Սոմնաթ» հոդվածին։ |
This article uses material from the Wikipedia Հայերեն article Սոմնաթ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.