Ջորջիա Սավաննա: քաղաք

Անվան այլ կիրառումների համար տե՛ս՝ Սավաննա (այլ կիրառումներ)

Սավաննա
Savannah
Դրոշ
Երկիր	ԱՄՆ
Հիմնադրված է	1733 թ.
Մակերես	202,3 կմ²
ԲԾՄ	15 մետր
Բնակչություն	136 286 մարդ (2010 թվական)
Ժամային գոտի	UTC-5, ամառը UTC-4
Հեռախոսային կոդ	+1 912
Փոստային դասիչ	31401–31499, 31401, 31405, 31409, 31410, 31414, 31416, 31421, 31424, 31426, 31430, 31433, 31434, 31436, 31439, 31443, 31447, 31450, 31453, 31456, 31460, 31463, 31465, 31467, 31471, 31473, 31476, 31479, 31483, 31487, 31490, 31493, 31497 և 31499
Պաշտոնական կայք	savannahga.gov​(անգլ.)
Սավաննա Վիքիպահեստում

Ըստ ԱՄՆ-ի մարդահամարի բյուրոյի տվյալների Սավաննան ունի 202,3 քառակուսի կիլոմետր ընդհանուր տարածք, որից 193,5 քառակուսի կիլոմետրը՝ ցամաքային, իսկ 8,8 քառակուսի կիլոմետրը՝ ջրային մակերես (4,31 %)։ Սավաննան հանդիսանում է Սավաննա գետի հիմնական նավահանգիստը և ամենամեծը՝ Ջորջիա նահանգում։ Քաղաքը ենթակա է հեղեղումների։ Հինգ ջրանցքներ և մի շարք պոմպակայաններ են կառուցվել, որպեսզի օգնեն նվազեցնել ջրհեղեղների հետևանքները։ Ջրանցք՝ Fell փողոցում, ջրանցք՝ Pipemaker’s, ջրանցք՝ Kayton, ջրանցքներ՝ Springfield և Casey, որոնցից առաջին չորսը ելնում են Սավաննա գետը։

Սավաննայի կլիման՝ մերձարևադարձային օվկիանոսային է, բնութագրվում է երկար և գրեթե արևադարձային ամառներով և մեղմ ձմեռներով, ողջ ձմռանը ջերմաստիճանը 0°С-ից ցածր է լինում մի քանի անգամ (կարող են լինել ձյան տեղումներ, բայց որպես կանոն հազվադեպ)։ Ամենաբարձր ջեմաստիճանը (41°С) արձանագրվել է 1986 թվականին, իսկ ամենացածրը (-16°С)՝ 1985 թվականին։

Հիմնադրվել է 1733 թվականին գեներալ Ջեյմս Օգլտորպի կողմից։ Անկախության համար մղվող պատերազմի ընթացքում վերահսկվել է բրիտանացիների կողմից, 1779 թվականին պաշարվեց ֆրանսիական և ամերիկյան զորքերի կողմից, որոնց թվում էին՝ «ամերիկյան հեծելազորի հայրը» Կազիմիր Պուլավսկին և Հայիթիի ապագա թագավոր՝ Հանրի Քրիստը։ Տեղի ունեցավ արյունոտ ճակատամարտ, որի ընթացքում Պուլավսկին մահացու վիրավորվեց, որից հետո ամերիկացիները նահանջեցին։ Անգլիացիները քաղաքը պահել են մինչև 1782 թվականը։

Մեկ այլ արշավանք տեղի է ունեցել Սավաննայի պատերի տակ՝ 1864 թվականին, երբ Ատլանտայի գրավումից հետո գեներալ Շերմանը նվաճեց նաև այդ քաղաքը։ Այդ արշավանքը հայտնի է որպես «Շերմանի երթը դեպի ծով»։ Այս անգամ հարձակումը հաջող էր և գեներալը կարողացավ Սուրբ Ծննդին քաղաքը «նվիրել» Աբրահամ Լինքոլնին։

• Առանձնատներ Телфэр-հրապարակում (19-րդ դարի ճարտարապետություն)։
• Պատմական թանգարան։
• Նեգրական ժառանգության թանգարան։
• Թանգարան-ագարակ գաղութային ժամանակաշրջանում։

•   Բաթում, Վրաստան
•   Պատրաս, Հունաստան
•   Հալլե, Գերմանիա
•   Կայա, Բուրկինա Ֆասո

1996 թվականին քաղաքի մոտակայքում տեղի ունեցավ ծովագնացության մրցակցություն՝ 26-րդ Օլիմպիական խաղերի ժամանակ։