Ռոսկո Լի Բրաուն (անգլ.՝ Roscoe Lee Browne մայիսի 2, 1922(1922-05-02), Woodbury, Նյու Ջերսի, ԱՄՆ - ապրիլի 11, 2007(2007-04-11), Լոս Անջելես, Կալիֆոռնիա, ԱՄՆ), ամերիկացի թատրոնի դերասան, կինոյի և հեռուստատեսության հնչյունավորող։
Ռոսկո Լի Բրաուն | |
---|---|
Ծնվել է | մայիսի 2, 1922 |
Ծննդավայր | Woodbury, Նյու Ջերսի, ԱՄՆ |
Մահացել է | ապրիլի 11, 2007 (84 տարեկան) |
Մահվան վայր | Լոս Անջելես, Կալիֆոռնիա, ԱՄՆ |
Կրթություն | Լինքոլնի համալսարան, Կոլումբիայի համալսարան, Միդլբերի քոլեջ, Ֆլորենցիայի համալսարան և Woodbury Junior-Senior High School? |
Քաղաքացիություն | ԱՄՆ |
Մասնագիտություն | հեռուստատեսային դերասան, թատրոնի դերասան, կինոդերասան և հնչյունավորող |
Պարգևներ և մրցանակներ | |
Ռոսկո Լի Բրաունը ծնվել է 1922 թվականի մայիսի 2-ին Վուդբերիում, Նյու Ջերսի նահանգում, բապտիստների ընտանիքում։ Հայրը՝ Սիլվանուս Ս. Բրաունը և մայրը՝ Լավին, Ռոսկոն ընտանիքի չորրորդ որդին էր։
Բրաունը մասնակցել է Երկրորդ համաշխարհային պատերազմին 92-րդ հետևակային դիվիզիայի կազմում։
1946 թվականին ավարտել է Լինքոլնի համալսարանը։ Այնուհետև ակտիվ շարունակել է իր կրթությունը, ավարտել է Վերմոնտի Միդլբերի քոլեջը, Նյու Յորքի Կոլումբիայի համալսարանը և Իտալիայի Ֆլորենցիայի համալսարանը։ 1949 թվականին, լինելով միջին մրցավազքի լավ վազորդ հաղթել է Amateur Athletic Union ազգային չեմպիոնատում, 1000 յարդ (914,4 մ) վազքում։ 1946-1952-ական թվականներին պարբերաբար դասավանդում էր պատմահամեմատական գրականություն՝ անգլերեն և ֆրանսերեն լեզուներով։ Մի քանի տարի զբաղվել է Schenley Import Corporation-ի գինու վաճառքով, իսկ 1956 թվականին հայտնել է, որ թողում է իր աշխատանքը և դառնում է պրոֆեսիոնալ դերասան, այս հարցում նրան օգնել է օպերային երգչուհի Լեոնտինա Պրայսը։
1960 թվականին առաջնելույթ է կատարել «Հուլիոս Կեսար» ներկայացման ժամանակ, իսկ արդեն հաջորդ տարի առաջին անգամ հայտնվել է մեծ էկրանին՝«Կապավոր» ֆիլմում։ Հնչեղ և գեղեցիկ բարիտոնի տերը Ռոսկո Լի Բրաունը դարձավ պահանջված հնչյունավորման դերասան։ 1968-1969-ական թվականներին աշխատել է WWFS ռադիոկայանում, որպես գիշրային դիջեյ։ 1968 թվականին ձայնագրել է Music and Gibran ռադիոծրագիրը։
Ռոսկո Լի Բրաունը մահացել է 2007 թվականի ապրիլի 11-ին Լոս Անջելեսում, 85 ամյակից երեք շաբաթ առաջ։
45 տարիների ընթացքում Ռոսկո Լի Բրաունը դերեր է մարմնավորել ավելի քան 120 ֆիլմերում և սերիալներում։
Վիքիպահեստն ունի նյութեր, որոնք վերաբերում են «Ռոսկո Լի Բրաուն» հոդվածին։ |
This article uses material from the Wikipedia Հայերեն article Ռոսկո Լի Բրաուն, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.