Ֆիլմ, 2018 Ռոմա
«Ռոմա» (իսպ.՝ Roma), 2018 թվականի մեքսիկական սև-սպիտակ ֆիլմ՝ նկարահանված ռեժիսոր Ալֆոնսո Կուարոնի կողմից, ով հանդես է եկել նաև որպես ֆիլմի օպերատոր, սցենարի հեղինակ և համապրոդյուսեր։
 անգլ.՝ Roma | |
|---|---|
 | |
| Երկիր |  ԱՄՆ Մեքսիկայի Միացյալ Նահանգներ |
| Ժանր | դրամա |
| Թվական | օգոստոսի 30, 2018 |
| Լեզու | իսպաներեն և Mixtec? |
| Ռեժիսոր | Ալֆոնսո Կուարոն |
| Պրոդյուսեր | Ալֆոնսո Կուարոն և Gabriela Rodriguez? |
| Սցենարի հեղինակ | Ալֆոնսո Կուարոն |
| Դերակատարներ | Յալիցա Ապարիսիո, Marina de Tavira?, Jorge Antonio Guerrero?, Latin Lover?, Kjartan Halvorsen? և Ջենիֆեր Արմոր |
| Օպերատոր | Ալֆոնսո Կուարոն |
| Մոնտաժ | Ալֆոնսո Կուարոն և Adam Gough? |
| Պատմվածքի վայր | Մեխիկո |
| Նկարահանման վայր | Մեխիկո |
| Կինոընկերություն | Participant Media, Esperanto Filmoj? և Նեթֆլիքս |
| Տևողություն | 135 րոպե |
| Բյուջե | 15 000 000 $ |
| Շահույթ | 1 140 769 $ |
| Պաշտոնական կայքէջ | |
 Roma (2018 film) Վիքիպահեստում | |
Ֆիլմի համաշխարհային պրեմիերան կայացել է 2018 թվականի օգոստոսի 30-ին Վենետիկի 75-րդ կինոփառատոնում, որտեղ այն մասնակցել է հիմնական մրցութային ծրագրին և արժանացել փառատոնի գլխավոր մրցանակին՝ «Ոսկե առյուծ»-ի։
Սյուժե
Սյուժեի հիմքում ընկած է Մեխիկոյի միջին դասի սովորական ընտանիքի կյանքի պատմությունը 1970-ականներին։ Ընտանիքի հայրը հազվադեպ է տանը լինում, և մայրը չորս երեխաներին դաստիարակում է Հնդկաստանից եկած երկու աղախինների օգնությամբ։ Հերոսների կայնքում բեկումնային են դառնում 1971 թվականի հունիսի 10-ին կաթոլիկական տոնակատարության ժամանակ տեղի ունեցած անկարգությունները, երբ զինվորները կրակ են բացում ցուցարարների վրա։
Դերերում
- Յալիցա Ապարիսիո — Քլեո
- Մարինա դե Տավիրա — Սոֆյա
- Մարկո Գրաֆ
- Դանիելա Դեմեսա
- Կառլոս Պերալտա
- Նենսի Գարսիա — Ադելա
- Դիեգո Դի Կորտ
- Լատին Լովեր — պրոֆեսոր Սովեկ
Արտադրություն
2016 թվականի սեպտեմբերի 8-ին հայտարարվել է, որ Ալֆոնսո Կուարոնը կգրի սցենար 1970-ական թվականներին Մեխիկոյում ապրող մեքսիկական ընտանիքի կյանքին նվիրված նախագծի համար և կլինի դրա ռեժիսորը։ Ֆիլմի նկարահանումներն սկսվել են 2016 թվականի աշնանը։ Նախագիծն իրականացվել է Կուարանի, Գաբրիել Ռոդրիգեսի ու Նիկոլաս Սելիսի կողմից։
2016 թվականի նոյեմբերի 3-ին հայտարարվել է, որ նկարահանման հրապարակում կողոպուտ է տեղի ունեցել։ Ըստ ստուդիայի տվյալների՝ երկու կին տուժել են, նկարահանող անձնակազմի հինգ անդամ տեղափոխվել է հիվանդանոց, իսկ բջջային հեռախոսները, դրամապանակներն ու թանկարժեք զարդերը գողացվել են։ Ինչպես հայտարարվել է՝ նկարահանող խումբն այդ օրը գնացել է նկարահանումներն անցկացնելու, երբ քաղաքային բանվորների խումբը մոտեցել է նրանց ու փորձել դադարեցնել նկարահանումները։ Նկարահանող խումբը հայտարարել է, որ իրենց ունեն նկարահանման թույլտվություն, սակայն բանվորները մնացել են, երկու խմբերի միջև սկսել է վիճաբանություն։
Թողարկում
2018 թվականի ապրիլին հայտարարվել է, որ Netflix-ը ձեռք է բերել ֆիլմի տարածման իրավունքը։ Համաշխարհային պրեմիերան կայացել է 2018 թվականի օգոստոսի 30-ին Վենետիկի 75-րդ կինոփառատոնում։ Այն ցուցադրվել է նաև Տելուրիդի կինոփառատոնում 2018 թվականի օգոստոսի 31-ին, Տորոնտոյի միջազգային կինոփառատոնում 2018 թվականի սեպտեմբերի 10-ին, ինչպես նաև Նյու Յորքի կինոփառատոնում նույն թվականի հոկտեմբերի 5-ին։ Ֆիլմի թիզերը, որի տևողությունը կազմում է մեկ րոպե, ներկայացվել է 2018 թվականի հուլիսի 25-ին Կուարոնի կողմից Թվիթերի իր էջում։
Մրցանակներ և անվանակարգեր
| Մրցանակների ցանկ | |||||
|---|---|---|---|---|---|
| Տարի | Կինոփառատոն/Կինոմրցանակ | Կատեգորիա | Ներկայացված(ներ) | Արդյունք | Աղբ. |
| 2018 | Վենետիկի 75-րդ կինոփառատոն | Ոսկե առյուծ | «Ռոմա» | Հաղթանակ | |
| Տորոնտոյի միջազգային կինոփառատոն | «Ժողովրդի ընտրություն» մրցանակ — Հատուկ շնորհանդեսներ | Առաջադրված | |||
Ծանոթագրություններ
Արտաքին հղումներ
- «Ռոմա» ֆիլմը Biennale Cinema 2018 կայքում (անգլ.)
 | Վիքիպահեստն ունի նյութեր, որոնք վերաբերում են «Ռոմա (ֆիլմ, 2018)» հոդվածին։ |
This article uses material from the Wikipedia Հայերեն article Ռոմա (ֆիլմ, 2018), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.